ບັນດາຜູ້ແທນຂອງສະມາຊິກ 21 ປະເທດຈາກຂອບເຂດມະຫາສະໝຸດປາຊີຟິກ ກໍາລັງປະຊຸມກັນທີ່ປະເທດເປຣູ ໃນວັນສຸກມື້ນີ້ ສໍາລັບເວທີການຮ່ວມມືດ້ານເສດ ຖະກິດໃນຂົງເຂດ ເອເຊຍ-ປາຊີຟິກ, ເຊິ່ງເປັນກອງປະຊຸມສຸດຍອດທົ່ວໂລກຄັ້ງທໍາອິດ ທີ່ມີຜູ້ນໍາຂອງໂລກຫຼາຍຄົນເຂົ້າຮ່ວມ ນັບຕັ້ງແຕ່ໄຊຊະນະຈາກການເລືອກຕັ້ງປະທານາທິບໍດີສະຫະລັດຂອງ ທ່ານ ດໍໂນລ ທຣໍາ.
ການໂຮມຊຸມນຸມປະຈໍາປີ ໄດ້ເຕົ້າໂຮມເອົາປະເທດ ແລະສະມາຊິກຫຼາຍຄົນເຂົ້າມາລວມກັນ ກວມເອົາເກືອບ 2 ສ່ວນ 3 ຂອງ GDP ທົ່ວໂລກ ແລະກວມເອົາເຄິ່ງນຶ່ງຂອງການຄ້າໂລກ, ອີງຕາມລາຍງານຂອງຜູ້ຈັດຕັ້ງການປະຊຸມ. ພວກເຂົາເຈົ້າຢືນຢັນວ່າ ຫົວໜ້າລັດຖະບານຂອງບັນດາປະເທດຕ່າງໆທີ່ໄປຮ່ວມໃນກອງປະຊຸມສຸດຍອດຢູ່ນະຄອນຫຼວງ ລີມາ ລວມມີປະທານາທິບໍດີສະຫະລັດທີ່ກໍາລັງພົ້ນຈາກຕໍາແໜ່ງ ທ່ານ ໂຈ ໄບເດັນ, ປະທານປະເທດຈີນ ສີ ຈິ່ນຜິງ, ນາຍົກລັດຖະມົນຕີການາດາ ທ່ານ ຈັສຕິນ ທຣູໂດ (Justin Trudeau), ປະທານາທິບໍດີອິນໂດເນເຊຍ ທ່ານ ປຣາໂບໂວ ຊູບຽນໂຕ (Prabowo Subianto), ນາຍົກລັດຖະມົນຕີຍີ່ປຸ່ນ ທ່ານ ຊິເກຣຸ ອິຊິບະ (Shigeru Ishiba) ແລະນາຍົກລັດຖະມົນຕີອອສເຕຣເລຍ ທ່ານ ແອນໂທນີ ອາລບາເນຊີ (Anthony Albanese), ພ້ອມດ້ວຍບັນດາຜູ້ແທນປະເທດອື່ນໆ, ໃນຂະນະທີ່ປະເທດຕ່າງໆຈາກທົ່ວໂລກພາກັນສົງໄສວ່າ ລັດຖະບານຊຸດໃໝ່ຂອງສະຫະລັດ ຈະເພີ້ມທະວີການຂັບເຄື່ອນຂອງກົນໄກໂລກໄດ້ແນວໃດ.
ບັນດາການນຳ ແລະ ຜູ້ນໍາຄົນອື່ນໆ ຈະດຳເນີນການໂອ້ລົມກັນແບບປິດລັບໃນຕອນເຊົ້າ, ແລະ ຈະທໍາການປະຊຸມໃນຕອນບ່າຍກັບບັນດາສະມາຊິກສະພາທີ່ປຶກສາວິສາຫະກິດຂອງ APEC, ເຊິ່ງສະພາດັ່ງກ່າວໄດ້ພົບປະໃນວັນພຸດທີ່ຜ່ານມາ ໂດຍຮຽກຮ້ອງໃຫ້ບັນດາປະເທດ ແລະສະມາຊິກຂອງ APEC ຈົ່ງຊຸກຍູ້ການເຕີບໃຫຍ່ຂະຫຍາຍໂຕແບບກວມລວມ ແລະໃຫ້ຄວາມສຳຄັນແກ່ຄວາມຕ້ອງການຂອງວິສາຫະກິດແບບຫຍ່ອຍ, ຂະໜາດນ້ອຍ, ແລະຂະໜາດກາງ, ໂດຍສະເພາະ ບັນດາທຸລະກິດທີ່ດໍາເນີນໂດຍບັນດາແມ່ຍິງ ແລະ ວິສາຫະກິດຕ່າງໆຂອງຊາວພື້ນເມືອງ.
ປະທານສະພາ ທ່ານນາງ ຈູເລຍ ທໍເຣີແບລັັງກາ (Julia Torreblanca) ບອກໃຫ້ຮູ້ວ່າ “ໃນຂະນະທີ່ເສດຖະກິດຂອງໂລກຍັງຄົງມີການ ຂຶ້ນ-ລົງ ຢູ່, ພື້ນຖານເສດຖະກິດຕ່າງໆຂອງ APEC ຍັງຄົງສືບຕໍ່ປະເຊີນກັບໄພເງິນເຟີ້, ຄວາມບໍ່ສະເໝີພາບທາງດ້ານເສດຖະກິດ, ອັດຕາດອກເບ້ຍສູງ ແລະຄວາມຕ້ອງການອັນຮີບດ່ວນ ເພື່ອເພີ້ມທະວີການລົງທຶນສໍາລັບອະນາຄົດທີ່ເປັນມິດຕໍ່ສິ່ງແວດລ້ອມ ແລະທົນທານຕໍ່ການປ່ຽນແປງຂອງດິນຟ້າອາກາດ.”
APEC ຈະເປັນນຶ່ງໃນກອງປະຊຸມສຸດທ້າຍຂອງ ທ່ານ ໄບເດັນ ກ່ອນທີ່ທ່ານຈະພົ້ນຈາກຕຳແໜ່ງ, ແລະເຈົ້າໜ້າທີ່ທຳນຽບຂາວຢືນຢັນວ່າ ການເຂົ້າຮ່ວມຂອງທ່ານ ພ້ອມກັບການຢ້ຽມຢາມບຣາຊິລ ສໍາລັບກອງປະຊຸມຂອງກຸ່ມ G20 ຄັ້ງຕໍ່ໄປໃນອາທິດໜ້າ ຈະມີຄວາມໝາຍສຳຄັນ ດ້ວຍການເຈລະຈາທີ່ຈະສຸມໃສ່ບັນຫາຕ່າງໆທາງດ້ານດິນຟ້າອາກາດ, ພື້ນຖານໂຄງລ່າງຂອງໂລກ, ແລະຄວາມພະຍາຍາມໃນການຕໍ່ຕ້ານຢາເສບຕິດ. ນີ້ ເປັນຄັ້ງທຳອິດນັບຕັ້ງແຕ່ກອງປະຊຸມ APEC ໃນປີທີ່ຜ່ານມາ, ໂດຍ ທ່ານ ໄບເດັນ ຈະພົບປະກັບປະທານປະເທດຈີນ ທ່ານ ສີ ຈິ່ນຜິງ ໃນວັນເສົາມື້ອື່ນນີ້. ທ່ານຍັງຈະພົບປະກັບ ທ່ານ ຢຸນ ຊຸກ ໂຢລ ຂອງເກົາຫຼີໃຕ້, ທ່ານ ຊິເກຣຸ ອິຊິບະ ຂອງຍີ່ປຸ່ນ, ແລະ ທ່ານນາງ ດີນາ ໂບລວດເຕ (Dina Boluarte) ປະທານາທິບໍດີເປຣູອີກດ້ວຍ.
ເຈົ້າໜ້າທີ່ຂອງທໍານຽບຂາວຍັງກ່າວຕື່ມວ່າ ທ່ານ ໄບເດັນ ຍັງຈະໃຊ້ກອງປະຊຸມສຸດຍອດເພື່ອກົດດັນບັນດາພັນທະມິດໃຫ້ສະໜັບສະໜູນຢູເຄຣນ ໃນຂະນະທີ່ພວກເຂົາເຈົ້າພະຍາຍາມປ້ອງກັນການຮຸກຮານຈາກ ຣັດເຊຍ ພ້ອມທັງສືບຕໍ່ເຈລະຈາຍຸຕິສົງຄາມຂອງ ອິສຣາແອລ ໃນ ເລບານອນ ແລະໃນຂົງເຂດກາຊາ.
ອ່ານຂ່າວດ້ານລຸ່ມນີ້ເປັນພາສາອັງກິດ
LIMA, Peru (AP) — Representatives from 21 members representing the Pacific Rim are meeting in Peru on Friday for the Asia-Pacific Economic Cooperation forum, the first global summit since U.S. President-elect Donald Trump’s victory featuring several major world leaders.
The annual gathering brings together countries and members that jointly account for almost two-thirds of global GDP and half the world's trade, according to organizers. They confirmed heads of government attending in Lima include outgoing U.S. President Joe Biden, China's President Xi Jinping, Canada's Prime Minister Justin Trudeau, Indonesia's President Prabowo Subianto, Japan's Prime Minister Shigeru Ishiba and Australia's Prime Minister Anthony Albanese, among others, as the world wonders how a new U.S. government might upend global dynamics.
Leaders and other representatives will hold closed-door discussions in the morning among themselves, and in the afternoon with members of APEC's business advisory council. The council met Wednesday and called on APEC nations and members to boost inclusive growth and prioritize the needs of micro-, small-, and medium-sized enterprises, particularly those led by women and Indigenous entrepreneurs.
“While the global economy remains resilient, APEC economies are grappling with persistent inflation, economic disparities, high interest rates and the urgent need to increase investments for a green, climate-resilient future,” said council chairwoman Julia Torreblanca.
APEC is bound to be one of Biden's last before leaving office, and White House officials insist that his attendance as well as his subsequent visit to Brazil for the Group of 20 meeting next week will be substantive, with talks to focus on climate issues, global infrastructure, counter-narcotic efforts. For the first time since last year’s APEC forum, Biden will meet one-on-one with Chinese President Xi on Saturday. He will also meet with South Korea’s Yoon Suk Yeol, Japan’s Shigeru Ishiba and Peru’s President Dina Boluarte.
The officials say Biden also will use the summits to press allies to keep up support for Ukraine as it tries to fend off Russia’s invasion and persist in negotiating an end to Israel's wars in Lebanon and Gaza.