ບັນດານັກວິເຄາະ ກ່າວວ່າ ການບໍ່ມີໜ້າຂອງຣັດເຊຍ ຢູ່ກອງ
ປະຊຸມສຸດຍອດ ດ້ານຄວາມໝັ້ນຄົງ ນິວເຄລຍ ຢູ່ທີ່ນະຄອນຫຼວງ
ວໍຊິງຕັນ ໃນສັບປະດານີ້ ໄດ້ກໍ່ໃຫ້ເກີດມີຫຼາຍຄຳຖາມຫຼາຍ ກ່ຽວ
ກັບ ຄວາມສາມາດ ຂອງປະຊາຄົມນາໆຊາດ ທີ່ຈະບໍ່ໃຫ້ວັດຖຸ
ນິວເຄລຍ ຕົກໄປຢູ່ໃນກຳມື ຂອງກຸ່ມລັດອິສລາມ ແລະ ກຸ່ມກໍ່
ການຮ້າຍອື່ນໆ.
ກອງປະຊຸມສຸດຍອດດັ່ງກ່າວ ຈະມີກອງປະຊຸມພິເສດ ທີ່ແນເປົ້າ
ໝາຍໃສ່ ການສະກັດກັ້ນ ແລະ ການຫລຸດຜ່ອນ ໄພຂົ່ມຂູ່ຈາກ
ວັດຖຸນິວເຄລຍ ທີ່ບໍ່ໄດ້ຮັບການປົກປ້ອງ ແຕ່ບັນດານັກວິເຄາະ ມອງເຫັນ ການແຕກຫັກລົງ
ຂອງການຮ່ວມມືທາງດ້ານຄວາມໝັ້ນຄົງນິວເຄລຍລະຫວ່າງ ສະຫະລັດ ແລະ ຣັດເຊຍ ທີ່
ພວກເຂົາເຈົ້າ ຄິດວ່າ ອາດເປັນອຸປະສັກ ຕໍ່ຄວາມພະຍາຍາມທີ່ຈະແກ້ໄຂ ເລື້ອງ ໄພຂົ່ມຂູ່ນັ້ນ.
ທ່ານ Tom Collina ຜູ້ອຳນວຍການ ດ້ານນະໂຍບາຍ ຂອງກອງທຶນ Ploughshares
ກ່າວວ່າ “ຣັດເຊຍ ເປັນກະແຈ. ມັນເປັນຮູຂະໜາດ ໃຫຍ່ ຢູ່ໃນຂັ້ນຕອນ ຄັນບໍ່ມີ ພວກ
ເຂົາເຈົ້າເຂົ້າຮ່ວມນຳ.”
ສະມາຊິກ ຂອງທີມ ໜ່ວຍຕໍ່ຕ້ານກຳມັນຕະພາບລັງສີ ນຳໃຊ້ເຄື່ອງນັບ Geiger ເພື່ອຊອກຫາ ວັດຖຸທີ່ຫາຍ ຈາກກຳມັນຕະລັງສີ ຢູ່ໃນເມືອງ Basra ຂອງອີຣັກ, ເມື່ອວັນທີ 21 ກຸມພາ 2016.
ບັນດາປະເທດຈຳນວນນຶ່ງແມ່ນມີຊ່ອງຫວ່າງໃນດ້ານຄວາມໝັ້ນຄົງນິວເຄລຍ ປະກອບ
ດ້ວຍ ປາກິສຖານ ແຕ່ຂະໜາດຂອງຄັງອາວຸດນິວເຄລຍທີ່ສະສົມໄວ້ ຂອງຣັດເຊຍ ແລະ
ການຂາດແຄນຂໍ້ມູນນັ້ນ ເປັນບັນຫາເຮັດໃຫ້ເກີດຄວາມກັງວົນ. ການເກັບສະສົມ ຂອງ
ຣັດເຊຍ ແລະສະຫະ ລັດ ຮ່ວມກັນແລ້ວ ແມ່ນປະກອບເປັນ 90 ເປີເຊັນຂອງທາດຢູເຣນຽມ
ທີ່ກັ່ນແລ້ວ ໃນລະດັບສູງ ຂອງໂລກ ແລະ ຫຼາຍກວ່າ ເຄິ່ງນຶ່ງຂອງທາດ plutonium ທັງໝົດ.
ທ່ານ Collina ເວົ້າວ່າ “ຕັ້ງແຕ່ການຮ່ວມໄມ້ຮ່ວມມືກັນ ໄດ້ຫລຸດນ້ອຍ ຖອຍລົງ ອັນທີ່
ພວກເຮົາໄດ້ສູນເສຍຫຼາຍສຸດ ແມ່ນຂໍ້ມູນ ໃນແງ່ຂອງ ອັນທີ່ເກີດຂຶ້ນຢູ່ໃນເວລານີ້, ອັນ
ນັ້ນ ມັນເປັນສິ່ງນຶ່ງ ທີ່ເປັນຕາຢ້ານຫຼາຍ ມັນຍາກທີ່ຈະຮູ້ວ່າ ແມ່ນຫຍັງຈະເກີດຂຶ້ນ ຢູ່ໃນ
ຣັດເຊຍ.”
Your browser doesn’t support HTML5
Nuclear Security Summit