ທະນາຍຄວາມຊາວອັງກິດ ຂອງທ່ານ ຈິມມີ່ ໄລ (Jimmy Lai) ເຈົ້າພໍ່ດ້ານສື່ມວນຊົນຂອງຮົງກົງທີ່ຖືກຈຳຄຸກ ກຳລັງຮຽກຮ້ອງໃຫ້ຄະດີຂອງທ່ານ ໄດ້ຮັບຄວາມສົນໃຈຫຼາຍຂຶ້ນ.
ທ່ານ ໄລ, ຜູ້ທີ່ເປັນເຈົ້າຂອງ Next Digital, ຜູ້ຈັດພິມ Apple Daily ທີ່ສະໜັບສະໜູນປະຊາທິປະໄຕ ໄດ້ທີ່ຖືກບັງຄັບໃຫ້ປິດ, ໄດ້ຖືກຈຳຄຸກຕັ້ງແຕ່ທ້າຍປີ 2020. ທ່ານກໍາລັງປະເຊີນກັບການຈຳຄຸກຕະຫຼອດຊີວິດ ຖ້າຫາກພົບວ່າມີຄວາມຜິດໃນຂໍ້ກ່າວຫາພາຍໃຕ້ກົດຫມາຍຄວາມໝັ້ນຄົງແຫ່ງຊາດຂອງຮົງກົງ.
ທ່ານ ໄລ ເຊິ່ງມີອາຍຸ 76 ປີໃນປີນີ້, ຕ້ອງປະເຊີນກັບຄວາມຜິດ 2 ກະທົງ ວ່າດ້ວຍການກະບົດໂດຍການສົມຮູ້ຮ່ວມຄິດ ກັບກອງກຳລັງຕ່າງຊາດ, ແລະອິກ 1 ກະທົງ ໃນການສົມຮູ້ຮ່ວມຄິດກັບກອງກຳລັງຕ່າງຊາດຕາມກົດໝາຍ. ທ່ານໄດ້ອຸທອນວ່າທ່ານບໍ່ມີຄວາມຜິດຕໍ່ຂໍ້ກ່າວຫາໃນເດືອນສິງຫາ. ທ່ານຍັງປະເຊີນກັບຂໍ້ກ່າວຫາ ໜຶ່ງ ວ່າພົວພັນກັບສິ່ງພິມປຸກລະດົມ ພາຍໃຕ້ກົດໝາຍປຸກ ລະດົມສະໄໝອານານິຄົມ.
ທ່ານນາງ ທັຕຍານາ ອີທເວລ (Tatyana Eatwell), ທະນາຍຄວາມສາກົນ ແລະ ທະນາຍຄວາມສິດທິມະນຸດສາກົນ ຢູ່ທີ່ ອົງການ Doughty Street Chambers ໃນນະຄອນລອນດອນ, ເຊິ່ງເປັນນຶ່ງໃນທະນາຍຄວາມຂອງທ່ານ ກ່າວຕໍ່ວີໂອເອວ່າ ທີມງານຂອງທ່ານນາງ ກຳລັງຮຽກຮ້ອງຄວາມສົນທາງດ້ານການທູດ ຕໍ່ກໍລະນີຂອງທ່ານຫຼາຍຂຶ້ນ.