ບັນດາສະມາຊິກສະພາເນປານ ໄດ້ພາດເສັ້ນຕາຍໄປ ໃນຕອນ
ທ່ຽງຄືນ ເພື່ອຮັບຮອງເອົາລັດຖະທຳມະນູນແຫ່ງຊາດ ສະບັບ
ໃໝ່ ໂດຍມີຂໍ້ຂັດແຍ້ງກັນເຫຼືອຢູ່ ໃນຫຼາຍໆຈຸດ ທີ່ຍັງແກ້ໄຂບໍ່ໄດ້.
ປະທານສະພາ ທ່ານ Subash Nembang ໄດ້ເລີກກອງປະຊຸມ
ສະພາຢ່າງຄຽດແຄ້ນ ໃນຕອນທ່ຽງຄືນວັນພະຫັດວານນີ້ ຂະນະທີ່
ບັນດາສະມາຊິກພັກຝ່າຍຄ້ານ ທີ່ນຳໂດຍພັກນິຍົມລັດທິ Mao
ໄດ້ສະກັດກັ້ນ ຄວາມພະຍາຍາມຂອງພັກລັດຖະບານ ທີ່ຈະລົງ
ຄະແນນສຽງຕໍ່ບັນຫາຕ່າງໆທີ່ຖົກຖຽງກັນຢູ່ນັ້ນ. ປະທານສະພາ
ກ່າວວ່າ ທ່ານຈະອະນຸຍາດໃຫ້ບັນດາພັກລັດຖະບານ ສະເໜີ
ຄວາມຄິດເຫັນຕ່າງໆ ຂອງພວກເຂົາເຈົ້າ ໃນສອງສາມມື້
ຂ້າງໜ້ານີ້.
ຄວາມພະຍາຍາມເພື່ອໃຫ້ມີການບັນລຸການຕົກລົງກັນກ່ຽວກັບລັດຖະທຳມະນູນ ໄດ້ຖືກ
ຂັດຂວາງໂດຍການບໍ່ລົງລອຍກັນ ໃນບັນດາພັກການເມືອງຕ່າງໆ ໃນເລື້ອງຂອງເຂດ
ແດນພາຍໃນ. ພັກຝ່າຍຄ້ານຊຸກຍູ້ໃຫ້ມີການສ້າງຕັ້ງແຂວງຕ່າງໆຂຶ້ນ ທີ່ອາດເປັນທີ່ພໍໃຈ
ສຳຫລັບພວກກຸ່ມທີ່ຖືກກົດຂີ່ ອີງຕາມປະຫວັດສາດແລ້ວ. ພັກລັດຖະບານ ຊຶ່ງເປັນພັນ
ທະມິດ ທີ່ເປັນກາງອຽງຊ້າຍ ກ່າວວ່າ ການສ້າງຕັ້ງແຂວງຕ່າງໆ ຕາມເຂດ ທີ່ຊົນເຜົ່າອາໄສ
ຢູ່ນັ້ນ ອາດກໍ່ໃຫ້ເກີດຄວາມເຄັ່ງຕຶງຂຶ້ນໄດ້.
ຄວາມວຸ້ນວາຍ ໄດ້ແຜ່ລາມອອກໄປສູ່ທ້ອງຖະໜົນສາຍຕ່າງໆ ບ່ອນທີ່ກະປະມານກັນ ວ່າ ໄດ້ມີການສົ່ງເຈົ້າໜ້າທີ່ຕຳຫລວດ 1,000 ຄົນ ໄປ ຍາມຮັກສາການບໍ່ໃຫ້ພວກປະທ້ວງ ຫຼາຍພັນຄົນທີ່ໂບກທຸງຊາດ ຢູ່ນອກ ຕຶກລັດຖະສະພາ ກໍ່ຄວາມວຸ້ນວາຍຂຶ້ນ.
ບັນດານັກວິເຄາະ ກ່າວວ່າ ສະພາບການບໍ່ໄປບໍ່ມາທີ່ວ່ານີ້ໄດ້ພາໃຫ້ມີ ຄວາມສ່ຽງ ຕໍ່ການ
ເກີດຄວາມບໍ່ສະຫງົບຂຶ້ນພາຍໃນປະເທດທີ່ທຸກຍາກ ຊຶ່ງຕັ້ງຢູ່ໃນເຂດພູຫິມະໄລ ບ່ອນທີ່
ບັນດາສະມາຊິກສະພາ ໄດ້ມີການຕໍ່ສູ້ກັນ ຕະລຸມບອນກັນຂຶ້ນໃນສະພາ ໃນອາທິດນີ້
ຂະນະທີ່ເກີດຄວາມໂມໂຫໂທໂສກັນ. ບັນດາພັກຝ່າຍທີ່ເປັນປໍລະປັກຂອງປະເທດ ໄດ້
ພະຍາຍາມເປັນເວລາຫຼາຍປີຜ່ານມາມາແລ້ວ ທີ່ຈະບັນລຸຂໍ້ຕົກລົງ ກ່ຽວກັບລັດຖະທຳ
ມະນູນສະບັບໃໝ່.
Your browser doesn’t support HTML5
NEPAL CONSTITUTION VIDEO