ບັນດາລັດຖະມົນຕີສາທະລະນະສຸກຂອງອາເມຣິກາລາຕິນ ໄດ້ຕົກລົງກັນກ່ຽວກັບການປຸກ ລະດົມໃຫ້ຂໍ້ມູນແກ່ປະຊາຊົນ ແລະ
ເພີ້ມຈຳນວນພະນັກງານສາທາລະນະສຸກ ໃນການຕໍ່ສູ້ກັບເຊື້ອ ໄວຣັສ Zika ທີ່ເກີດຈາກຍຸງ ຊຶ່ງເປັນໄພຂົ່ມຂູ່ຢ່າງໃຫຍ່ຫຼວງຕໍ່ ບັນດາແມ່ມານທັງ ຫຼາຍນັ້ນ.
ພວກລັດຖະມົນຕີ 14 ທ່ານ ໄດ້ປະຊຸມສຸກເສີນ ໃນນະຄອນ Montevideo ໃນ ປະເທດ Uruguay ໃນວັນພຸດວານນີ້ ຊຶ່ງຮວມມີລັດຖະມົນຕີສາທະລະນະສຸກຂອງ Brazil ທ່ານ Marcelo Castro ຊຶ່ງເປັນປະເທດທີ່ໄດ້ຮັບກະທົບຈາກເຊື້ອ ໄວຣັສນີ້ ຢ່າງຮ້າຍແຮງນັ້ນ.
Health ministers attend the summit to address the spread of Zika virus in the region at the Mercosur building in Montevideo, Uruguay, Feb. 3, 2016.
ທ່ານ Castro ໄດ້ກ່າວວ່າ ບັນດາຜູ້ນຳໃນຂົງເຂດ ຈຳເປັນທີ່ຈະຕ້ອງ “ແລກປ່ຽນຂໍ້ມູນຊຶ່ງກັນແລະກັນ ສ້າງພັນທະມິດ ແລະປຶກສາຫາລືກັນເລື້ອງການເອົາບາດກ້າວຕ່າງໆເພື່ອຄວບຄຸມການຄຸກຄາມຂອງເຊື້ອໄວຣັສນີ້.
ປະທານາທິບໍດີ Brazil ທ່ານນາງ Dilma Rousseff ໄດ້ກ່າວວ່າ ລັດຖະບານຂອງທ່ານນາງ ຈະໃຊ້ຈ່າຍເງິນທີ່ມີຢູ່ ເພື່ອກຳຈັດແລະທຳລາຍພວກຍຸງ ທີ່ພວກນັກຊ່ຽວຊານລະບຸວ່າ ເປັນພາຫະນຳເຊື້ອໄວຣັສນີ້.
ທ່ານນາງ Rousseff ໄດ້ກ່າວໃນສັບປະດານີ້ວ່າ “ລັດຖະບານຂອງຂ້າພະເຈົ້າທັງໝົດຄະ ນະ ແມ່ນກຳລັງເຮັດວຽກຕໍ່ສູ້ກັບສະຖານະການທີ່ເອີ້ນວ່າສຸກເສີນນີ້. ຈະບໍ່ມີການຂາດເຂີນງົບປະມານ ແຕ່ຢ່າງໃດເລີຍ...ພວກເຮົາຈະຮ່ວມກັບລັດຖະບານສະຫະລັດ ກັບປະທານາທິ ບໍດີໂອບາມາ ເພື່ອທີ່ຈະພັດທະນາວັກຊີນຕ້ານເຊື້ອໄວຣັສ Zika ທີ່ວ່ານີ້ໃຫ້ໄວເທົ່າທີ່ຈະໄວໄດ້.”
ເຊື້ອໄວຣັສນີ້ ໄດ້ສ້າງຄວາມວິຕົກກັງວົນໃນສັບປະດານີ້ ຫຼັງຈາກທີ່ທາງເຈົ້າໜ້າທີ່ໃນເຂດເມືອງ Dallas ລັດ Texas ທາງພາກຕາເວັນຕົກສຽງໃຕ້ຂອງສະຫະລັດ ໄດ້ລາຍງານວ່າ ເປັນກໍລະນີທຳອິດໃນສະຫະລັດ ທີ່ສະແດງໃຫ້ເຫັນວ່າ ມັນຕິດແປດຜ່ານທາງການມີເພດສຳພັນ.
Your browser doesn’t support HTML5
Zika Virus Spreading