ການຊອກຄົ້ນຫາເທື່ອຫຼ້າສຸດ ຖ້ຽວບິນມາເລເຊຍ MH370 ທີ່ຫາຍສາບສູນໄປ ຈະສິ້ນສຸດ
ລົງ ໃນສັບປະດາໜ້ານີ້ ທີ່ເຮັດໃຫ້ນຶ່ງໃນຄະດີປິດສະໜາ ທີ່ໃຫຍ່ທີ່ສຸດຂອງການບິນຂອງ
ໂລກ ຍັງມີຢູ່ຕໍ່ໄປ.
ບໍລິສັດ ໂອເຊັນ ອິນຟີນີຕີ ທີ່ມີສຳໜັກງານຢູ່ສະຫະລັດ ໄດ້ຕົກລົງ ກັບລັດຖະບານມາເລ
ເຊຍ ໃນເດືອມັງກອນຜ່ານມານີ້ ທີ່ຈະຊອກຄົ້ນຫາ ເປັນເວລາ 90 ມື້ ເຮືອບິນທີ່ຫາຍສາບ
ສູນໄປ ໃນວັນທີ 8 ມີນາ ປີ 2014 ຈາກກົວລາລຳເປີ ໄປຍັງປັກກິ່ງ ທີ່ນຳພວກຜູ້ໂດຍສານ
ແລະຈຸບິນ 239 ຄົນນັ້ນ.
ລັດຖະມົນຕີກະຊວງຂົນສົ່ງ ທ່ານແອນໂຕນີ ລອກ ໄດ້ບອກກັບພວກນັກຂ່າວ ໃນວັນພຸດ
ວານນີ້ວ່າ ການຊອກຄົ້ນຫາ ໄດ້ຕໍ່ເວລາອອກໄປຈົນຮອດວັນທີ 29 ພຶດສະພາ.
ການຊອກຄົ້ນຫາຮ່ວມ ເປັນເວລາ 3 ປີ ໂດຍບໍລິສັດອອສເຕຣເລຍ, ຈີນ ແລະມາເລເຊຍ
ແມ່ນໄດ້ປະກາດ ໃນເດືອນມັງກອນປີ 2017 ຫຼັງຈາກ ທີ່ໄດ້ຄົ້ນຫາ ໃນບໍລິເວນ 120
ພັນກິໂລແມັດມົນທົນ ໃນມະຫາສະໝຸດອິນເດຍ. ບໍລິສັດ ໂອເຊັນ ອິນຟີນີຕີ ໄດ້ເຮັດ
ສັນຍາໃນການຊອກຄົ້ນຫາ ເພີ່ມ ໃນບໍລິເວນ 25 ພັນກິໂລແມັດມົນທົນໄປທາງເໜືອ
ຂອງເຂດຊອກຫາຕົ້ນຕໍ. ບໍລິສັດ ດັ່ງກ່າວ ທີ່ຈະໄດ້ຮັບເງິນຄ່າຈ້າງຫຼາຍເຖິງ 70 ລ້ານ
ໂດລາ, ກໍຕໍ່ເມື່ອຄົ້ນພົບເຮືອບິນ ຫຼືຫີບດຳ ເທົ່ານັ້ນ.
ອ່ານຂ່າວນີ້ເພີ່ມຕື່ມເປັນພາສາອັງກິດ
ສາລະວັດທະຫານ ແລະຕຳຫຼວດຝຣັ່ງ ກວດເບິ່ງ ສິ້ນສ່ວນຂະໜາດໃຫຍ່ ທີ່ໄດ້ພົບເຫັນ ຢູ່ແຄມຝັ່ງທະເລ ເຊນ ອັງເດຣ, ໃນເກາະ La Reunion ຂອງຝຣັ່ງ, ວັນທີ 29 ກໍລະກົດ 2015.