ກຳມະກອນລາວຈຳນວນຫຼວງຫຼາຍ, ຜູ້ທີ່ກຳລັງປະເຊີນກັບສະພາບຄວາມທຸກຍາກທາງເສດຖະກິດ, ແມ່ນກຳລັງພະຍາຍາມຊອກຫາວຽກເຮັດໃນປະເທດໄທ, ເກົາຫຼີໃຕ້ ແລະ ຍີ່ປຸ່ນ, ເຊິ່ງຈະນຳເອົາເງິນຫຼາຍລ້ານໂດລາເຂົ້າມາໃນປະເທດ ລາວ ຈາກການສົ່ງເງິນເດືອນກັບຄືນບ້ານ ແຕ່ມັນຈະເຮັດໃຫ້ພວກກຳມະກອນທີ່ວ່ານັ້ນພົບກັບ ກັບດັກໜີ້ສິນ ແລະ ການຄ້າມະນຸດ.
ລາວ ເປັນປະເທດທີ່ມີຄ່າຈ້າງງານຂັ້ນຕ່ຳທີ່ສຸດຢູ່ໃນພາກພື້ນ, ເຊິ່ງເປັນບັນຫາທີ່ກຳເນີດມາຈາກພາວະເງິນເຟີ້ ແລະ ສະກຸນເງິນກີບ ທີ່ມີຄ່າຕົກຕ່ຳລົງຢ່າງຫຼວງຫຼາຍ. ເຂົາເຈົ້າຍັງເພິ່ງພາອາໄສ ຈີນ ຫຼາຍຍິ່ງຂຶ້ນຍ້ອນໜີ້ສິນ ແລະ ການລົງທຶນຈຳນວນຫຼາຍຂອງ ຈີນ ໃນຂະແໜງໄຟຟ້າ.
ໃນຂະນະດຽວກັນ, ລາຍງານຂອງລັດຖະບານກ່າວວ່າ ການຂາດແຄນພະນັກງານທີ່ມີທັກສະ, ເຊິ່ງກະຊວງພະລັງງານ ແລະ ບໍ່ແຮ່ໃຫ້ເຫດຜົນວ່າເປັນຍ້ອນ “ການຍົກຍ້າຍຖິ່ນຖານໄປເຮັດວຽກຢູ່ບ່ອນອື່ນຂອງຜູ້ມີການສຶກສາສູງ” ແລະ ເງິນທຶນທີ່ບໍ່ພຽງພໍນັ້ນ ໄດ້ກີດກັ້ນໂຄງການເຂື່ອນໄຟຟ້າ ແລະ ຂຸດຄົ້ນບໍ່ແຮ່ພາຍໃນປະເທດ.
ກະຊວງແຮງງານ ແລະ ສະຫວັດດີການສັງຄົມ ໄດ້ລາຍງານໃນປີກາຍນີ້ວ່າ ກຳມະກອນລາວ 303,391 ຄົນທີ່ເຮັດວຽກໃນຕ່າງປະເທດ, ເຊິ່ງ 100,230 ຄົນໄດ້ວຽກຢ່າງຖືກຕ້ອງຕາມກົດໝາຍ, ໃນຂະນະທີ່ 203,161 ຄົນໄດ້ຊອກຫາວຽກງານໃນປະເທດທີ່ຢູ່ໃກ້ຄຽງໂດຍປາສະຈາກໃບອະນຸຍາດທີ່ຖືກຕ້ອງ.
ລາຍງານສະບັບນຶ່ງທີ່ຖືກເປີດເຜີຍໃນເດືອນກຸມພາທີ່ຜ່ານມາໂດຍໜັງສືພິມ Vientiane Times ໄດ້ກ່າວວ່າ ປະຊາຊົນລາວປະມານ 228,000 ຄົນ ໄດ້ພາກັນເຮັດວຽກໃນປະເທດໄທ, ລວມທັງ 70,000 ຄົນ ທີ່ເຮັດວຽກໂດຍບໍ່ມີໃບອະນຸຍາດ.
ອີກ 13,000 ຄົນແມ່ນເຮັດວຽກໃນປະເທດເກົາຫຼີໃຕ້, ອີງຕາມການກ່າວຂອງບົດລາຍງານລາຍງານ. ໂຕເລກທີ່ວ່ານີ້ ບໍ່ໄດ້ລວມເອົາແຮງງານຕ່າງດ້າວຈຳນວນຫຼາຍ ຜູ້ທີ່ໄດ້ຂ້າມເຂດຊາຍແດນເຂົ້າໄປໃນປະເທດທີ່ຢູ່ໃກ້ຄຽງຢ່າງຜິດກົດໝາຍ, ໂດຍສະເພາະ ຈີນ.
Large numbers of Laotian workers, facing poor economic conditions, are seeking work in Thailand, South Korea and Japan, bringing Laos millions of dollars in repatriated salaries but exposing the workers to debt traps and human trafficking.
Laos has the region’s lowest minimum wage, a problem exacerbated by inflation and a substantially depreciating currency, the kip. It also is increasingly dependent on China because of debt and substantial Chinese investments in Laos' energy sector.
Meanwhile, government reports say a shortage of skilled workers – which the Energy and Mines Ministry attributes to a "brain drain" and insufficient funding – hampers domestic hydropower and mining projects.
The Lao Ministry of Labor and Social Welfare reported last year that of the 303,391 Lao workers overseas, 100,230 acquired jobs legally, while 203,161 sought employment in neighboring countries without proper permits.
A report published in February by the Vientiane Times said approximately 228,000 Laotians were working in Thailand, including 70,000 without permits.
Another 13,000 were working in South Korea, the report said. These figures do not include large numbers of migrant workers who illegally cross the borders into neighboring countries, especially China.