ນາຍົກລັດຖະມົນຕີລາວຮັບປາກວ່າຈະຈໍາກັດ ແລະຄວບຄຸມມູນ
ຄ່າໜີ້ລວມ ຂອງປະເທດໃຫ້ຢູ່ໃນສັດສ່ວນ ທີ່ບ່ໍ່ເກີນ 45% ຂອງ
ຍອດຜະລິດຕະພັນລວມພາຍໃນ ຫຼື GDP ຂອງທັງປະເທດ.
ທ່ານທອງສິງ ທໍາມະວົງ ນາຍົກລັດຖະມົນຕີ ໄດ້ຖະແຫຼງຍອມຮັບຕໍ່ກອງປະຊຸມສາມັນ ຄັ້ງທີ 6 ຂອງສະພາແຫ່ງຊາດລາວຊຸດທີ 7 ວ່າ ພາຍໃຕ້ສະພາບການ ທີ່ລັດຖະບານລາວມີລາຍຈ່າຍເພີ່ມຂຶ້ນ ໃນຂະນະທີ່ແຫຼ່ງລາຍຮັບງົບປະມານຍັງມີຢູ່ຢ່າງຈໍາກັດນັ້ນ ໄດ້ເຮັດໃຫ້ ລັດຖະບານລາວຕ້ອງເພິ່ງພາການກູ້ຢືມຈາກທັງສະຖາບັນການເງິນພາຍໃນ ແລະຕ່າງປະເທດຫຼາຍຂຶ້ນນັ້ນ ກໍໄດ້ເປັນຜົນເຮັດໃຫ້ພາລະໜີ້ສິນຂອງລັດຖະບານລາວມີມູນຄ່າເພີ່ມສູງ ຂຶ້ນນັບມື້ເຊັ່ນດຽວກັນ.
ທັງນີ້ໂດຍສາເຫດສໍາຄັນ ທີ່ເຮັດໃຫ້ໜີ້ສິນ ຂອງລັດຖະບານລາວ ເພີ່ມຂຶ້ນນັ້ນ ກໍຍ້ອນວ່າພາກສ່ວນຕ່າງໆຂອງລັດຖະບານໄດ້ກູ້ມານໍາໃຊ້ໃນໂຄງການພັດທະນາຕ່າງໆ ໂດຍບໍ່ ຄິດເຖິງແຫຼ່ງລາຍຮັບທີ່ຈະນໍາມາໃຊ້ຄືນໜີ້ເງິນກູ້ດັ່ງກ່າວ ທັງກໍຍັງປາກົດວ່າມີຫຼາຍໆໂຄງການທີ່ ບໍ່ໄດ້ຜ່ານການອະນຸມັດຈາກສະພາແຫ່ງຊາດ ແລະບໍ່ໄດ້ຈັດໃຫ້ມີການປະ ມູນໂຄງການຢ່າງຖືກຕ້ອງອີກດ້ວຍ.
ແຕ່ຢ່າງໃດກໍຕາມ ທ່ານທອງສິງ ກໍໄດ້ໃຫ້ການຢືນຢັນວ່າ ຈະພະຍາຍາມດໍາເນີນມາດ ຕະການໃນທຸກທາງ ເພື່ອຈໍາກັດແລະຄວບຄຸມມູນຄ່າໜີ້ລວມຂອງລັດຖະບານໃຫ້ຢູ່ໃນສັດສ່ວນທີ່ບໍ່ເກີນ 45% ຂອງຍອດຜະລິດຕະພັນລວມພາຍໃນ ຫຼືມູນຄ່າ GDP ທັງໝົດຂອງປະເທດໃນແຕ່ລະປີ ດັ່ງທີ່ທ່ານໄດ້ຖະແຫຼງວ່າ:
“ຄາດໝາຍໃນການແກ້ໄຂໜີ້ສິນໃນຕໍ່ໜ້ານີ້ ພວກເຮົາຈະເອົາໃຈໃສ່ຈໍາກັດໃຫ້ຕົວເລກໜີ້ສິນ ໂດຍລວມບໍ່ໃຫ້ເກີນ 45% ຂອງ GDP ແລະຈະພະຍາ ຍາມແກ້ໄຂໜີ້ສິນໃຫ້ຫຼຸດຜ່ອນລົງ ຕາມຄາດໝາຍ ທີ່ສະພາແຫ່ງຊາດ ໄດ້ກໍາໜົດເອົາໄວ້າ ແລະຈະພະຍາຍາມເຂັ້ມງວດໃນການປະຕິບັດວິໄນແຜນການ ແລະການເງິນ ອັນໃດບໍ່ຈໍາເປັນແມ່ນບໍ່ສ້າງໜີ້ໃໝ່.”
ໂດຍ ອິງຕາມລາຍງານຂອງທະນາຄານແຫ່ງຊາດລາວ ກໍໄດ້ລະບຸວ່າ ຈົນເຖິງທ້າຍປີ 2012 ລັດຖະບານລາວມີໜີ້ຕ່າງປະເທດຄິດເປັນມູນຄ່າລວມເກີນກວ່າ 3,000 ລ້ານໂດລ່າ ຊຶ່ງຄິດເປັນ 33.43% ຂອງມູນຄ່າ GDP ຫຼືເພີ່ມຂຶ້ນຈາກປີ 2011 ໃນອັດຕາ ສະເລ່ຍ 3.15% ແລະໃນນີ້ ກໍຄິດເປັນໜີ້ເງິນກູ້ລະຍະຍາວທີ່ມີເວລາຊໍາລະຄືນຕັ້ງແຕ່ 25 ປີຂຶ້ນໄປນັ້ນ ເຖິງ 64.28% ຂອງມູນຄ່າໜີ້ຕ່າງປະເທດທັງໝົດດັ່ງກ່າວ.
ແຕ່ຢ່າງໃດກໍຕາມ ກອງທຶນການເງິນສາກົນ IMF ກັບລາຍງານວ່າ ໜີ້ສິນຕ່າງປະເທດຂອງລັດຖະບານລາວ ໄດ້ເພີ່ມຂຶ້ນເປັນ 47.4% ຂອງ GDP ໃນປີ 2013 ນີ້ ທັງຍັງມີ ທ່າອຽງທີ່ຈະເພີ່ມຂຶ້ນເປັນບໍ່ຕໍ່າກວ່າ 49.1% ຂອງ GDP ໃນປີ 2014 ອີກດ້ວຍ ຊຶ່ງກໍ ໝາຍຄວາມວ່າ ໜີ້ສິນຕ່າງປະເທດຂອງລັດຖະບານລາວໄດ້ກ້າວໄປສູ່ວິກິດການດ້ານງົບປະມານແລ້ວ ເນື່ອງຈາກລັດຖະບານລາວບໍ່ສາມາດທີ່ຈະຄວບຄຸມໜີ້ສິນຕ່າງປະເທດໃຫ້ຢູ່ໃນອັດຕາສະເລ່ຍທີ່່ບໍ່ເກີນ 45% ຂອງ GDP ໄດ້ນັ້ນເອງ.
ຍິ່ງໄປກວ່ານັ້ນ ການທີ່ລັດຖະບານລາວມີໜີ້ສິນໃນອັດຕາທີ່ສູງ
ດັ່ງກ່າວນີ້ ກໍຍັງເຮັດໃຫ້ລັດຖະບານລາວຈະຕ້ອງເພິ່ງພາການ
ຊ່ວຍເຫຼືອຈາກຕ່າງປະເທດ ຫຼາຍຂຶ້ນອີກດ້ວຍ ທັງນີ້ ໂດຍກະ
ຊວງແຜນການແລະການລົງທຶນ ລາຍງານວ່າການຈັດຕັ້ງປະຕິ
ບັດແຜນການ ພັດທະນາ ເສດຖະກິດ-ສັງຄົມແຫ່ງຊາດ ຈາກ
ປັດຈຸບັນ ໄປເຖິງ ປີ 2015 ລັດຖະບານລາວ ຕ້ອງການ ທີ່ຈະ
ໄດ້ຮັບ ການຊ່ວຍເຫຼືອ ຈາກຕ່າງປະເທດ ໃນມູນຄ່າລວມເຖິງ
1,620 ລ້ານໂດລ່ານີ້ ແບ່ງເປັນ 795 ລ້ານໂດລ່າ ແລະ 825
ລ້ານໂດລ່າ ເພື່ອນໍາໃຊ້ເຂົ້າໃນໂຄງການພັດທະນາຕ່າງໆຂອງ
ລັດຖະບານລາວໃນແຜນການປີ 2013-2014 ແລະແຜນການ
ປີ 2014-2015 ຕາມລໍາດັບ.
ໂດຍຕາມແຜນການດັ່ງກ່າວ ຖືເປັນຄວາມຕ້ອງການ ທີ່ຈະໄດ້ຮັບການຊ່ວຍເຫຼືອຈາກຕ່າງປະ ເທດ ເພີ່ມຂຶ້ນຢ່າງຕໍ່ເນື່ອງ ກໍຄືເພີ່ມຈາກ 630 ລ້ານໂດລ່າ ໃນແຜນການປີ 2010-2011 ເປັນ 704 ລ້ານໂດລ່າ ແລະຫຼາຍກວ່າ 777 ລ້ານໂດລ່າໃນແຜນການປີ 2011-2012 ແລະແຜນການປີ 2012-2013 ຕາມລໍາດັບ ທັງຍັງເພີ່ມຂຶ້ນເກີນກວ່າ 30% ໃນແຜນການປີ 2014-2015 ທຽບກັບແຜນການປີ 2010-2011 ອີກດ້ວຍ.
ຄ່າໜີ້ລວມ ຂອງປະເທດໃຫ້ຢູ່ໃນສັດສ່ວນ ທີ່ບ່ໍ່ເກີນ 45% ຂອງ
ຍອດຜະລິດຕະພັນລວມພາຍໃນ ຫຼື GDP ຂອງທັງປະເທດ.
Your browser doesn’t support HTML5
ຟັງລາຍງານ ເລຶ່ອງໜີ້ສິນຂອງລາວ
ທ່ານທອງສິງ ທໍາມະວົງ ນາຍົກລັດຖະມົນຕີ ໄດ້ຖະແຫຼງຍອມຮັບຕໍ່ກອງປະຊຸມສາມັນ ຄັ້ງທີ 6 ຂອງສະພາແຫ່ງຊາດລາວຊຸດທີ 7 ວ່າ ພາຍໃຕ້ສະພາບການ ທີ່ລັດຖະບານລາວມີລາຍຈ່າຍເພີ່ມຂຶ້ນ ໃນຂະນະທີ່ແຫຼ່ງລາຍຮັບງົບປະມານຍັງມີຢູ່ຢ່າງຈໍາກັດນັ້ນ ໄດ້ເຮັດໃຫ້ ລັດຖະບານລາວຕ້ອງເພິ່ງພາການກູ້ຢືມຈາກທັງສະຖາບັນການເງິນພາຍໃນ ແລະຕ່າງປະເທດຫຼາຍຂຶ້ນນັ້ນ ກໍໄດ້ເປັນຜົນເຮັດໃຫ້ພາລະໜີ້ສິນຂອງລັດຖະບານລາວມີມູນຄ່າເພີ່ມສູງ ຂຶ້ນນັບມື້ເຊັ່ນດຽວກັນ.
ທັງນີ້ໂດຍສາເຫດສໍາຄັນ ທີ່ເຮັດໃຫ້ໜີ້ສິນ ຂອງລັດຖະບານລາວ ເພີ່ມຂຶ້ນນັ້ນ ກໍຍ້ອນວ່າພາກສ່ວນຕ່າງໆຂອງລັດຖະບານໄດ້ກູ້ມານໍາໃຊ້ໃນໂຄງການພັດທະນາຕ່າງໆ ໂດຍບໍ່ ຄິດເຖິງແຫຼ່ງລາຍຮັບທີ່ຈະນໍາມາໃຊ້ຄືນໜີ້ເງິນກູ້ດັ່ງກ່າວ ທັງກໍຍັງປາກົດວ່າມີຫຼາຍໆໂຄງການທີ່ ບໍ່ໄດ້ຜ່ານການອະນຸມັດຈາກສະພາແຫ່ງຊາດ ແລະບໍ່ໄດ້ຈັດໃຫ້ມີການປະ ມູນໂຄງການຢ່າງຖືກຕ້ອງອີກດ້ວຍ.
ແຕ່ຢ່າງໃດກໍຕາມ ທ່ານທອງສິງ ກໍໄດ້ໃຫ້ການຢືນຢັນວ່າ ຈະພະຍາຍາມດໍາເນີນມາດ ຕະການໃນທຸກທາງ ເພື່ອຈໍາກັດແລະຄວບຄຸມມູນຄ່າໜີ້ລວມຂອງລັດຖະບານໃຫ້ຢູ່ໃນສັດສ່ວນທີ່ບໍ່ເກີນ 45% ຂອງຍອດຜະລິດຕະພັນລວມພາຍໃນ ຫຼືມູນຄ່າ GDP ທັງໝົດຂອງປະເທດໃນແຕ່ລະປີ ດັ່ງທີ່ທ່ານໄດ້ຖະແຫຼງວ່າ:
“ຄາດໝາຍໃນການແກ້ໄຂໜີ້ສິນໃນຕໍ່ໜ້ານີ້ ພວກເຮົາຈະເອົາໃຈໃສ່ຈໍາກັດໃຫ້ຕົວເລກໜີ້ສິນ ໂດຍລວມບໍ່ໃຫ້ເກີນ 45% ຂອງ GDP ແລະຈະພະຍາ ຍາມແກ້ໄຂໜີ້ສິນໃຫ້ຫຼຸດຜ່ອນລົງ ຕາມຄາດໝາຍ ທີ່ສະພາແຫ່ງຊາດ ໄດ້ກໍາໜົດເອົາໄວ້າ ແລະຈະພະຍາຍາມເຂັ້ມງວດໃນການປະຕິບັດວິໄນແຜນການ ແລະການເງິນ ອັນໃດບໍ່ຈໍາເປັນແມ່ນບໍ່ສ້າງໜີ້ໃໝ່.”
ໂດຍ ອິງຕາມລາຍງານຂອງທະນາຄານແຫ່ງຊາດລາວ ກໍໄດ້ລະບຸວ່າ ຈົນເຖິງທ້າຍປີ 2012 ລັດຖະບານລາວມີໜີ້ຕ່າງປະເທດຄິດເປັນມູນຄ່າລວມເກີນກວ່າ 3,000 ລ້ານໂດລ່າ ຊຶ່ງຄິດເປັນ 33.43% ຂອງມູນຄ່າ GDP ຫຼືເພີ່ມຂຶ້ນຈາກປີ 2011 ໃນອັດຕາ ສະເລ່ຍ 3.15% ແລະໃນນີ້ ກໍຄິດເປັນໜີ້ເງິນກູ້ລະຍະຍາວທີ່ມີເວລາຊໍາລະຄືນຕັ້ງແຕ່ 25 ປີຂຶ້ນໄປນັ້ນ ເຖິງ 64.28% ຂອງມູນຄ່າໜີ້ຕ່າງປະເທດທັງໝົດດັ່ງກ່າວ.
ແຕ່ຢ່າງໃດກໍຕາມ ກອງທຶນການເງິນສາກົນ IMF ກັບລາຍງານວ່າ ໜີ້ສິນຕ່າງປະເທດຂອງລັດຖະບານລາວ ໄດ້ເພີ່ມຂຶ້ນເປັນ 47.4% ຂອງ GDP ໃນປີ 2013 ນີ້ ທັງຍັງມີ ທ່າອຽງທີ່ຈະເພີ່ມຂຶ້ນເປັນບໍ່ຕໍ່າກວ່າ 49.1% ຂອງ GDP ໃນປີ 2014 ອີກດ້ວຍ ຊຶ່ງກໍ ໝາຍຄວາມວ່າ ໜີ້ສິນຕ່າງປະເທດຂອງລັດຖະບານລາວໄດ້ກ້າວໄປສູ່ວິກິດການດ້ານງົບປະມານແລ້ວ ເນື່ອງຈາກລັດຖະບານລາວບໍ່ສາມາດທີ່ຈະຄວບຄຸມໜີ້ສິນຕ່າງປະເທດໃຫ້ຢູ່ໃນອັດຕາສະເລ່ຍທີ່່ບໍ່ເກີນ 45% ຂອງ GDP ໄດ້ນັ້ນເອງ.
ພິທີລົງນາມ ຮັບການຊ່ວຍເຫຼືອລ້າ ຈາກ ຕ່າງປະເທດ
ຍິ່ງໄປກວ່ານັ້ນ ການທີ່ລັດຖະບານລາວມີໜີ້ສິນໃນອັດຕາທີ່ສູງ
ດັ່ງກ່າວນີ້ ກໍຍັງເຮັດໃຫ້ລັດຖະບານລາວຈະຕ້ອງເພິ່ງພາການ
ຊ່ວຍເຫຼືອຈາກຕ່າງປະເທດ ຫຼາຍຂຶ້ນອີກດ້ວຍ ທັງນີ້ ໂດຍກະ
ຊວງແຜນການແລະການລົງທຶນ ລາຍງານວ່າການຈັດຕັ້ງປະຕິ
ບັດແຜນການ ພັດທະນາ ເສດຖະກິດ-ສັງຄົມແຫ່ງຊາດ ຈາກ
ປັດຈຸບັນ ໄປເຖິງ ປີ 2015 ລັດຖະບານລາວ ຕ້ອງການ ທີ່ຈະ
ໄດ້ຮັບ ການຊ່ວຍເຫຼືອ ຈາກຕ່າງປະເທດ ໃນມູນຄ່າລວມເຖິງ
1,620 ລ້ານໂດລ່ານີ້ ແບ່ງເປັນ 795 ລ້ານໂດລ່າ ແລະ 825
ລ້ານໂດລ່າ ເພື່ອນໍາໃຊ້ເຂົ້າໃນໂຄງການພັດທະນາຕ່າງໆຂອງ
ລັດຖະບານລາວໃນແຜນການປີ 2013-2014 ແລະແຜນການ
ປີ 2014-2015 ຕາມລໍາດັບ.
ໂດຍຕາມແຜນການດັ່ງກ່າວ ຖືເປັນຄວາມຕ້ອງການ ທີ່ຈະໄດ້ຮັບການຊ່ວຍເຫຼືອຈາກຕ່າງປະ ເທດ ເພີ່ມຂຶ້ນຢ່າງຕໍ່ເນື່ອງ ກໍຄືເພີ່ມຈາກ 630 ລ້ານໂດລ່າ ໃນແຜນການປີ 2010-2011 ເປັນ 704 ລ້ານໂດລ່າ ແລະຫຼາຍກວ່າ 777 ລ້ານໂດລ່າໃນແຜນການປີ 2011-2012 ແລະແຜນການປີ 2012-2013 ຕາມລໍາດັບ ທັງຍັງເພີ່ມຂຶ້ນເກີນກວ່າ 30% ໃນແຜນການປີ 2014-2015 ທຽບກັບແຜນການປີ 2010-2011 ອີກດ້ວຍ.