ທາງການລາວຢືນຢັນວ່າ ໄດ້ກວດພົບພິກັດຂອງຫີບດໍາ ຫຼື black
box ທີ່ບັນທຶກຂໍ້ມູນທີ່ເປັນສາເຫດຂອງເຮືອບິນຕົກຢູ່ໃນແມ່ນໍ້າ
ຂອງແລ້ວໃນເວລານີ້ ແຕ່ຍັງບໍ່ສາມາດເກັບກູ້ຂຶ້ນມາໄດ້ ເພາະກະແສນໍ້າໄຫຼແຮງ.
ທ່ານສັນຕິສຸກ ສິມມາລາວົງ ຫົວໜ້າຫ້ອງວ່າການກະຊວງໂຍທາ
ທິການແລະຂົນສົ່ງ ໄດ້ຖະແຫຼງຢືນຢັນວ່າ ຄະນະຊ່ຽວຊານຂອງ
ບໍລິສັດຜະລິດເຮືອບິນ ATR ຈາກປະເທດຝຣັ່ງ ທີ່ປະສົບອຸບັດເຫດຕົກລົງໃນແມ່ນໍ້າຂອງ
ເມື່ອວັນທີ 16 ຕຸລາຜ່ານມາ ໄດ້ກວດພົບສັນຍານ ຂອງຫີບດໍາ ຫຼື black box ທີ່ບັນທຶກຂໍ້ມູນ
ທີ່ເປັນສາເຫດຂອງເຮືອບິນຕົກໄດ້ແລ້ວ ໃນຂະນະນີ້ ແຕ່ກໍຍັງບໍ່ສາມາດ ທີ່ຈະທໍາການເກັບກູ້
ຫີບດໍາດັ່ງກ່າວ ຂື້ນມາໄດ້ ເນື່ອງຈາກກະແສນໍ້າໄຫຼແຮງ ແລະນໍ້າຂຸ່ນຫຼາຍ ຈຶ່ງເປັນການຍາກ
ທີ່ຈະດໍານໍ້າລົງໄປເຖິງບໍລິເວນບ່ອນຂອງຫີບດໍາຢູ່ນັ້ນໄດ້.
ແຕ່ຢ່າງໃດກໍຕາມ ການທີ່ສາມາດກວດຈັບສັນຍານຂອງຫີບດໍາດັ່ງກ່າວໄດ້ນີ້ ກໍນັບເປັນ
ສິ່ງທີ່ສາມາດຮັບປະກັນໄດ້ວ່າ ຈະຮູ້ເຖິງສາເຫດທີ່ເຮັດໃຫ້ເຮືອບິນ ATR72-600 ຂອງ
ສາຍການບິນລາວ ຫຼື Lao Airlines ຕົກລົງໃນແມ່ນໍ້າຂອງໃນອີກບໍ່ດົນນີ້ ສ່ວນຈະເປັນ
ມື້ໃດແທ້ ກໍຕ້ອງຂຶ້ນຢູ່ກັບສະພາບການຂອງກະແສນໍ້າໃນແມ່ນໍ້າຂອງເປັນສໍາຄັນ.
ນອກຈາກການກວດພົບສັນຍານ ຂອງຫີບດໍາດັ່ງກ່າວແລ້ວ ບັນດານັກກູ້ໄພ ທັງຈາກ
ລາວ ແລະໄທ ທີ່ໄດ້ຮ່ວມມືກັນປະຕິບັດການກູ້ໄພໃນຄັ້ງນີ້ ກໍສາມາດຄົ້ນພົບແລະນໍາ
ສົບຂອງຜູ້ເສຍຊີວິດຈາກອຸບັດເຫດຄັ້ງນີ້ຂຶ້ນມາຈາກນໍ້າຂອງ ໄດ້ແລ້ວ 43 ສົບ ຈາກທີ່
ເສຍຊີວິດໄປທັງໝົດ 49 ຄົນ ຫາກແຕ່ວ່າ ຍັງມີຫລາຍສົບທີ່ບໍ່ສາມາດລະບຸໄດ້ຢ່າງຄັກ
ແນ່ວ່າເປັນສົບຂອງຜູ້ໃດ ຈົນກວ່າຈະໄດ້ມີການພິສູດເອກກະລັກສ່ວນບຸກຄົນ ຫຼືກວດ
DNA ເປັນທີ່ຮຽບຮ້ອຍແລ້ວ.
ສ່ວນໃນຕອນເວລາ 14 ໂມງ 15 ນາທີ ຂອງວັນທີ 21 ຕຸລານີ້
ທາງການລາວກໍໄດ້ຈັດພິທີໄວ້ອາໄລແກ່ດວງວິນຍານຂອງຜູ້
ເສຍຊີວິດທຸກຄົນ ດ້ວຍການຢືນສະຫງົບເປັນ ເວລາ 1 ນາທີ
ຂອງທຸກໜ່ວຍງານຂອງລັດຖະບານ ແລະພາກເອກກະຊົນໃນ
ທົ່ວປະເທດທັງນີ້ ໂດຍທ່ານທອງສິງ ທໍາມະວົງ ນາຍົກລັດຖະ
ມົນຕີໄດ້ມີຄໍາສັ່ງແຕ່ງຕັ້ງ ຄະນະກໍາມະການພິເສດຂຶ້ນມາຮັບ
ຜິດຊອບ ແລະ ປະສານງານໃນກໍລະນີດັ່ງກ່າວເປັນການສະ
ເພາະ ນັບຕັ້ງແຕ່ວັນທີ 17 ຕຸລາ ເປັນຕົ້ນມາແລ້ວ ດັ່ງທີ່ທ່ານ
ເພັດສາຄອນ ຫຼວງອາໄພ ລັດຖະມົນຕີຊ່ວຍວ່າການປະຈໍາ
ສໍານັກນາຍົກລັດຖະມົນຕີລາວ ໄດ້ຖະແຫຼງຊີ້ແຈງວ່າ:
“ທ່ານນາຍົກລັດຖະມົນຕີ ກໍໄດ້ລົງນາມແຕ່ງຕັ້ງຄະນະສະເພາະກິດ ເພື່ອສືບສວນ -
ສອບສວນເຫດການອຸບັດເຫດດັ່ງກ່າວ ໂດຍມີຂໍ້ຕົກລົງສະບັບ ເລກທີ່ 103/ນຍ
ລົງວັນທີ 17 ເດືອນຕຸລາ ມອບຄວາມຮັບຜິດຊອບ ໃຫ້ຄະນະດັ່ງກ່າວດໍາເນີນການ
ສືບສວນ-ສອບສວນຫາສາເຫດ ສະເໜີແນະມາດຕະການຕ່າງໆໃຫ້ລັດຖະບານ
ສະເໜີໃຫ້ຄະນະດັ່ງກ່າວດໍາເນີນການໂດຍໄວ.”
ອຸບັດເຫດເຮືອບິນໂດຍສານຂອງ Lao Airlines ຕົກລົງໃນແມ່ນໍ້າຂອງ ໄດ້ເກີດຂຶ້ນໃນ
ເວລາ 16 ໂມງຂອງວັນທີ 16 ຕຸລາທີ່ຜ່ານມາ ເຮັດໃຫ້ມີຜູ້ເສຍຊີວິດໄປທັງໝົດ 49 ຄົນ
ໃນນັ້ນ ແມ່ນເປັນນັກບິນ 2 ຄົນ ແລະພະນັກງານປະຈໍາເຮືອບິນ 3 ຄົນ ກັບຜູ້ໂດຍສານ
ອີກ 44 ຄົນ.
ສໍາລັບຜູ້ໂດຍສານທີ່ເສຍຊີວິດທັງ 44 ຄົນນັ້ນ ປະກອບດ້ວຍຄົນລາວ 16 ຄົນ, ຝຣັ່ງ 7 ຄົນ,
ອອສເຕຣເລຍ 6 ຄົນ, ໄທ 5 ຄົນ, ເກົາຫຼີໃຕ້ 3 ຄົນ, ຫວຽດນາມ 3 ຄົນ ກັບຜູ້ໂດຍສານ
ຊາວຈີນ ໄຕ້ຫວັນ ມາເລເຊຍ ແລະສະຫະລັດອາເມຣິກາ ປະເທດລະ 1 ຄົນ ຊຶ່ງທັງໝົດກໍ
ຈະໄດ້ຮັບການຊົດເຊີຍ ທັງຈາກບໍລິສັດປະກັນໄພ ແລະການຄຸ້ມຄອງສິດທິຕ່າງໆຢ່າງເຕັມ
ສ່ວນ ຈາກລັດວິສາຫະກິດການບິນລາວ.
ຍີ່ງໄປກວ່ານັ້ນ ຜູ້ບໍລິຫານລັດວິສາຫະກິດການບິນລາວ ກໍຍັງໄດ້ສະແດງຄວາມເຊື່ອໝັ້ນ
ດ້ວຍວ່າ ອຸບັດເຫດໃນຄັ້ງນີ້ບໍ່ໄດ້ມີສາເຫດມາຈາກຄວາມບົກຜ່ອງ ໃນດ້ານເທັກນິກຂອງ
ເຮືອບິນຢ່າງແນ່ນອນ ເພາະເຮືອບິນທີ່ປະສົບອຸບັດເຫດໃນຄັ້ງນີ້ ເປັນເຮືອບິນລຸ້ນ
ATR 72-600 ທີ່ຫາກໍໄດ້ຊື້ແລະນໍາເຂົ້າມາຈາກປະເທດຝຣັ່ງ ເມື່ອເດືອນມີນາປີນີ້ ແລະ
ໄດ້ຜ່ານການໃຊ້ງານໃນການໃຫ້ບໍລິການຜູ້ໂດຍສານ ຄິດເປັນເວລາລວມກັນພຽງແຕ່
758 ຊົ່ວໂມງເທົ່ານັ້ນ.
box ທີ່ບັນທຶກຂໍ້ມູນທີ່ເປັນສາເຫດຂອງເຮືອບິນຕົກຢູ່ໃນແມ່ນໍ້າ
ຂອງແລ້ວໃນເວລານີ້ ແຕ່ຍັງບໍ່ສາມາດເກັບກູ້ຂຶ້ນມາໄດ້ ເພາະກະແສນໍ້າໄຫຼແຮງ.
Your browser doesn’t support HTML5
ຟັງລາຍງານຄືບໜ້າ ກ່ຽວກັບເຮືອບິນຕົກ ວັນທີ 10-21
ທ່ານສັນຕິສຸກ ສິມມາລາວົງ ຫົວໜ້າຫ້ອງວ່າການກະຊວງໂຍທາ
ທິການແລະຂົນສົ່ງ ໄດ້ຖະແຫຼງຢືນຢັນວ່າ ຄະນະຊ່ຽວຊານຂອງ
ບໍລິສັດຜະລິດເຮືອບິນ ATR ຈາກປະເທດຝຣັ່ງ ທີ່ປະສົບອຸບັດເຫດຕົກລົງໃນແມ່ນໍ້າຂອງ
ເມື່ອວັນທີ 16 ຕຸລາຜ່ານມາ ໄດ້ກວດພົບສັນຍານ ຂອງຫີບດໍາ ຫຼື black box ທີ່ບັນທຶກຂໍ້ມູນ
ທີ່ເປັນສາເຫດຂອງເຮືອບິນຕົກໄດ້ແລ້ວ ໃນຂະນະນີ້ ແຕ່ກໍຍັງບໍ່ສາມາດ ທີ່ຈະທໍາການເກັບກູ້
ຫີບດໍາດັ່ງກ່າວ ຂື້ນມາໄດ້ ເນື່ອງຈາກກະແສນໍ້າໄຫຼແຮງ ແລະນໍ້າຂຸ່ນຫຼາຍ ຈຶ່ງເປັນການຍາກ
ທີ່ຈະດໍານໍ້າລົງໄປເຖິງບໍລິເວນບ່ອນຂອງຫີບດໍາຢູ່ນັ້ນໄດ້.
ແຕ່ຢ່າງໃດກໍຕາມ ການທີ່ສາມາດກວດຈັບສັນຍານຂອງຫີບດໍາດັ່ງກ່າວໄດ້ນີ້ ກໍນັບເປັນ
ສິ່ງທີ່ສາມາດຮັບປະກັນໄດ້ວ່າ ຈະຮູ້ເຖິງສາເຫດທີ່ເຮັດໃຫ້ເຮືອບິນ ATR72-600 ຂອງ
ສາຍການບິນລາວ ຫຼື Lao Airlines ຕົກລົງໃນແມ່ນໍ້າຂອງໃນອີກບໍ່ດົນນີ້ ສ່ວນຈະເປັນ
ມື້ໃດແທ້ ກໍຕ້ອງຂຶ້ນຢູ່ກັບສະພາບການຂອງກະແສນໍ້າໃນແມ່ນໍ້າຂອງເປັນສໍາຄັນ.
ນອກຈາກການກວດພົບສັນຍານ ຂອງຫີບດໍາດັ່ງກ່າວແລ້ວ ບັນດານັກກູ້ໄພ ທັງຈາກ
ລາວ ແລະໄທ ທີ່ໄດ້ຮ່ວມມືກັນປະຕິບັດການກູ້ໄພໃນຄັ້ງນີ້ ກໍສາມາດຄົ້ນພົບແລະນໍາ
ສົບຂອງຜູ້ເສຍຊີວິດຈາກອຸບັດເຫດຄັ້ງນີ້ຂຶ້ນມາຈາກນໍ້າຂອງ ໄດ້ແລ້ວ 43 ສົບ ຈາກທີ່
ເສຍຊີວິດໄປທັງໝົດ 49 ຄົນ ຫາກແຕ່ວ່າ ຍັງມີຫລາຍສົບທີ່ບໍ່ສາມາດລະບຸໄດ້ຢ່າງຄັກ
ແນ່ວ່າເປັນສົບຂອງຜູ້ໃດ ຈົນກວ່າຈະໄດ້ມີການພິສູດເອກກະລັກສ່ວນບຸກຄົນ ຫຼືກວດ
DNA ເປັນທີ່ຮຽບຮ້ອຍແລ້ວ.
ຜູ້ບໍລິຫານສາຍການບິນລາວ ຖະແຫຼງຕໍ່ນັກຂ່າວ
ສ່ວນໃນຕອນເວລາ 14 ໂມງ 15 ນາທີ ຂອງວັນທີ 21 ຕຸລານີ້
ທາງການລາວກໍໄດ້ຈັດພິທີໄວ້ອາໄລແກ່ດວງວິນຍານຂອງຜູ້
ເສຍຊີວິດທຸກຄົນ ດ້ວຍການຢືນສະຫງົບເປັນ ເວລາ 1 ນາທີ
ຂອງທຸກໜ່ວຍງານຂອງລັດຖະບານ ແລະພາກເອກກະຊົນໃນ
ທົ່ວປະເທດທັງນີ້ ໂດຍທ່ານທອງສິງ ທໍາມະວົງ ນາຍົກລັດຖະ
ມົນຕີໄດ້ມີຄໍາສັ່ງແຕ່ງຕັ້ງ ຄະນະກໍາມະການພິເສດຂຶ້ນມາຮັບ
ຜິດຊອບ ແລະ ປະສານງານໃນກໍລະນີດັ່ງກ່າວເປັນການສະ
ເພາະ ນັບຕັ້ງແຕ່ວັນທີ 17 ຕຸລາ ເປັນຕົ້ນມາແລ້ວ ດັ່ງທີ່ທ່ານ
ເພັດສາຄອນ ຫຼວງອາໄພ ລັດຖະມົນຕີຊ່ວຍວ່າການປະຈໍາ
ສໍານັກນາຍົກລັດຖະມົນຕີລາວ ໄດ້ຖະແຫຼງຊີ້ແຈງວ່າ:
“ທ່ານນາຍົກລັດຖະມົນຕີ ກໍໄດ້ລົງນາມແຕ່ງຕັ້ງຄະນະສະເພາະກິດ ເພື່ອສືບສວນ -
ສອບສວນເຫດການອຸບັດເຫດດັ່ງກ່າວ ໂດຍມີຂໍ້ຕົກລົງສະບັບ ເລກທີ່ 103/ນຍ
ລົງວັນທີ 17 ເດືອນຕຸລາ ມອບຄວາມຮັບຜິດຊອບ ໃຫ້ຄະນະດັ່ງກ່າວດໍາເນີນການ
ສືບສວນ-ສອບສວນຫາສາເຫດ ສະເໜີແນະມາດຕະການຕ່າງໆໃຫ້ລັດຖະບານ
ສະເໜີໃຫ້ຄະນະດັ່ງກ່າວດໍາເນີນການໂດຍໄວ.”
ອຸບັດເຫດເຮືອບິນໂດຍສານຂອງ Lao Airlines ຕົກລົງໃນແມ່ນໍ້າຂອງ ໄດ້ເກີດຂຶ້ນໃນ
ເວລາ 16 ໂມງຂອງວັນທີ 16 ຕຸລາທີ່ຜ່ານມາ ເຮັດໃຫ້ມີຜູ້ເສຍຊີວິດໄປທັງໝົດ 49 ຄົນ
ໃນນັ້ນ ແມ່ນເປັນນັກບິນ 2 ຄົນ ແລະພະນັກງານປະຈໍາເຮືອບິນ 3 ຄົນ ກັບຜູ້ໂດຍສານ
ອີກ 44 ຄົນ.
ສໍາລັບຜູ້ໂດຍສານທີ່ເສຍຊີວິດທັງ 44 ຄົນນັ້ນ ປະກອບດ້ວຍຄົນລາວ 16 ຄົນ, ຝຣັ່ງ 7 ຄົນ,
ອອສເຕຣເລຍ 6 ຄົນ, ໄທ 5 ຄົນ, ເກົາຫຼີໃຕ້ 3 ຄົນ, ຫວຽດນາມ 3 ຄົນ ກັບຜູ້ໂດຍສານ
ຊາວຈີນ ໄຕ້ຫວັນ ມາເລເຊຍ ແລະສະຫະລັດອາເມຣິກາ ປະເທດລະ 1 ຄົນ ຊຶ່ງທັງໝົດກໍ
ຈະໄດ້ຮັບການຊົດເຊີຍ ທັງຈາກບໍລິສັດປະກັນໄພ ແລະການຄຸ້ມຄອງສິດທິຕ່າງໆຢ່າງເຕັມ
ສ່ວນ ຈາກລັດວິສາຫະກິດການບິນລາວ.
ຍີ່ງໄປກວ່ານັ້ນ ຜູ້ບໍລິຫານລັດວິສາຫະກິດການບິນລາວ ກໍຍັງໄດ້ສະແດງຄວາມເຊື່ອໝັ້ນ
ດ້ວຍວ່າ ອຸບັດເຫດໃນຄັ້ງນີ້ບໍ່ໄດ້ມີສາເຫດມາຈາກຄວາມບົກຜ່ອງ ໃນດ້ານເທັກນິກຂອງ
ເຮືອບິນຢ່າງແນ່ນອນ ເພາະເຮືອບິນທີ່ປະສົບອຸບັດເຫດໃນຄັ້ງນີ້ ເປັນເຮືອບິນລຸ້ນ
ATR 72-600 ທີ່ຫາກໍໄດ້ຊື້ແລະນໍາເຂົ້າມາຈາກປະເທດຝຣັ່ງ ເມື່ອເດືອນມີນາປີນີ້ ແລະ
ໄດ້ຜ່ານການໃຊ້ງານໃນການໃຫ້ບໍລິການຜູ້ໂດຍສານ ຄິດເປັນເວລາລວມກັນພຽງແຕ່
758 ຊົ່ວໂມງເທົ່ານັ້ນ.
ຊາກສ່ວນນຶ່ງຂອງເຮືອ ບິນ ທີ່ຕົກລົງໃນແມ່ນໍ້າຂອງ