ທ່ານສຸບັນ ແສງສຸລິວົງ ຮອງຫົວໜ້າຝ່າຍບໍລິຫານແລະບຸກຄະລາກອນຂອງຄະນະຊີ້ນໍາ
ການພັດທະນາແລະລົບລ້າງຄວາມທຸກຍາກແຫ່ງຊາດລາວ ຖະແຫຼງຢືນຢັນວ່າ ລັດຖະ
ບານລາວຈະສາມາດບັນລຸເປົ້າໝາຍສະຫັດສະວັດການພັດທະນາເພື່ອລົບລ້າງບັນຫາ
ຄວາມຍາກຈົນຂອງປະຊາຊົນລາວໄດ້ໄວກວ່າເປົ້າໝາຍທີ່ວາງໄວ້ໃນປີ 2015 ເນື່ອງຈາກ
ການສໍາຫລວດໃນຮອບ 1 ປີທີ່ຜ່ານມາ ພົບວ່າອັດຕາສະເລ່ຍຄວາມຍາກຈົນຂອງປະຊາ
ຊົນລາວໄດ້ລົດລົງຈາກລະດັບ 18.9% ມາເປັນ 13.01% ຂອງຈໍານວນຄອບຄົວເຮືອນ
ທັງໝົດໃນທົ່ວປະເທດ ຫຼື ຫລຸດລົງເຖິງ 5.89% ຊຶ່ງທຽບໄດ້ກັບ 58,000 ກວ່າຄອບ
ຄົວທີ່ໄດ້ຮັບການຍົກລະດັບຊີວິດການເປັນຢູ່ ໃຫ້ຫລຸດພົ້ນຈາກຄວາມທຸກຍາກ.
ຍິ່ງໄປກວ່ານັ້ນ ດ້ວຍຄວາມສາມາດໃນການລົດບັນຫາຄວາມທຸກຍາກຂອງປະຊາຊົນ
ໄດ້ໃນລະດັບດັ່ງກ່າວ ກໍຍັງນັບເປັນລະດັບທີ່ເກີນກວ່າເປົ້າໝາຍທີ່ວາງໄວ້ອີກດ້ວຍ ທັງ
ນີ້ກໍເນື່ອງຈາກວ່າລັດຖະບານໄດ້ວາງເປົ້າໝາຍໄວ້ວ່າ ຈະຫລຸດລະດັບຄວາມທຸກຍາກ
ຂອງປະຊາຊົນລາວໃຫ້ຢູ່ໃນອັດຕາສະເລ່ຍບໍ່ເກີນ 18% ແລະ14% ຂອງຈໍານວນຄອບ
ຄົວທັງໝົດໃນປີ 2012 ແລະປີ 2013 ຕາມລໍາດັບ.
ພ້ອມກັນນີ້ ຄະນະຊີ້ນໍາການພັດທະນາຊົນນະບົດແລະລົບລ້າງຄວາມທຸກຍາກແຫ່ງ
ຊາດລາວກໍຍັງໄດ້ສະແດງຄວາມເຊື່ອໝັ້ນອີກດ້ວຍວ່າ ຈະສາມາດລົດລະດັບຄວາມ
ຍາກຈົນຂອງປະຊາຊົນລາວ ລົງສູ່ອັດຕາສະເລ່ຍຕໍ່າກວ່າ 10% ຂອງຈໍານວນປະຊາ
ກອນທັງໝົດໄດ້ ຕາມເປົ້າໝາຍທີ່ວາງໄວ້ໃນປີ 2015 ອີກດ້ວຍ.
ການປຸກລະດົມໃຫ້ແມ່ລ້ຽງລູກດ້ວຍນໍ້ານົມ ທີ່ຈັດຂຶ້ນໃນທ້າຍປີ 2011
ສໍາລັບເປົ້າໝາຍໃນປີ 2012
ນີ້ ກໍແມ່ນຈະສູ້ຊົນເຮັດໃຫ້
ອັດຕາຄວາມທຸກຍາກຂອງ
ປະຊາຊົນລາວຫລຸດຕໍ່າລົງ
ກວ່າ 22% ຂອງຈໍານວນປະ
ຊາກອນທັງໝົດ ພ້ອມທັງ
ຈະສ້າງບ້ານພັດທະນາໃຫ້
ໄດ້ໃນອັດຕາສະເລ່ຍບໍ່ໜ້ອຍ
ກວ່າ 15% ຂອງ ຈໍານວນ
ບ້ານທັງໝົດໃນທົ່ວປະເທດ
ທັງຍັງຈະດໍາເນີນການພັດທະ
ນາໃນເຂດ 64 ຈຸດສຸມ ເພື່ອສ້າງເງື່ອນໄຂໃຫ້ກາຍເປັນຕົວເມືອງຂະໜາດນ້ອຍໃນເຂດຊົນ
ນະບົດ ດ້ວຍການສູ້ຊົນເພື່ອແກ້ໄຂບັນຫາການເຄື່ອນຍ້າຍແບບຊະຊາຍຂອງພົນລະເມືອງ
ໃນເຂດ 167 ຈຸດສຸມ ໂດຍການຈັດສັນພູມລໍາເນົາ ແລະບ່ອນທໍາມາຫາກິນຢ່າງຖາວອນ
ໃຫ້ກັບປະຊາຊົນໃນເຂດດັ່ງກ່າວຢ່າງທົ່ວເຖິງ.
ແຕ່ຢ່າງໃດກໍຕາມ ສໍາລັບໃນສ່ວນຂອງບ້ານພັດທະນານັ້ນ ກໍສາມາດປະຕິບັດໄດ້ ພຽງແຕ່
900 ບ້ານ ຊຶ່ງຄິດເປັນ 10.4% ຂອງຈໍານວນບ້ານທັງໝົດ. ໃນຂະນະດຽວກັນກໍສາມາດ
ສ້າງຕັ້ງກຸ່ມບ້ານພັດທະນາໄດ້ພຽງແຕ່ 10 ກຸ່ມ ຫຼືຄິດສະເລ່ຍໄດ້ ບໍ່ເຖິງ 1% ຂອງກຸ່ມບ້ານ
ທັງໝົດໃນລາວ.
ທາງດ້ານທ່ານ ສົມດີ ດວງດີ ລັດຖະມົນຕີວ່າການກະຊວງແຜນການ ແລະການລົງທຶນ ກໍ
ຖະແຫຼງຍອມຮັບວ່າ ເປົ້າໝາຍສະຫັດສະວັດທີ່ເປັນການຍາກທີ່ຈະສາມາດປະຕິບັດຈັດຕັ້ງ
ໃຫ້ບັນລຸຕາມແຜນການທີ່ວາງໄວ້ຢ່າງເປັນຮູບປະທໍານັ້ນ ກໍຄືການລົບລ້າງຄວາມອຶດຫິວ
ແລະການຫລຸດອັດຕາການເສຍຊີວິດຂອງແມ່ຍິງໃນຂະນະຕັ້ງທ້ອງ ຫຼືຖືພາ ດັ່ງທີ່ທ່ານໄດ້
ຖະແຫຼງຊີ້ແຈງວ່າ:
ພະນັກງານອົງການອາຫານໂລກ ສະໜອງອາຫານທີ່ມີທາດບາລຸງ ໃຫ້ແກ່ແມ່ແລະລູກ
“ດ້ານໂພຊະນາການເຫັນວ່າ
ຍັງເປັນບັນຫາທ້າທາຍ ເພາະ
ມາຮອດປັດຈຸບັນອັດຕາສ່ວນ
ເດັກນ້ອຍຕໍ່າກວ່າ 5 ປີ ມີນໍ້າ
ໜັກຫລຸດມາດຕະຖານຢູ່ເຖິງ
37% ຄາດໝາຍປີ 2015 ແມ່ນ
22% ການຫລຸດຜ່ອນອັດຕາ
ການຕາຍຂອງແມ່ຕໍ່ເດັກເກີດ
ມີຊິວິດ 1 ແສນຄົນ ຍັງເຫັນວ່າ
ພົບຄວາມຫຍຸ້ງຍາກ ຄາດໝາຍ
ປີ 2015 ແມ່ນ 260 ຄົນ ແຕ່ໃນ
ປີ 2008 ພວກເຮົາບັນລຸໄດ້ພຽງ 339 ຄົນເທົ່ານັ້ນ.”
ຫາກແຕ່ວ່າດ້ວຍການພັດທະນາເສດຖະກິດຂອງລາວທີ່ຂະຫຍາຍຕົວເພີ່ມຂຶ້ນໃນ ອັດຕາສະ
ເລ່ຍບໍ່ຫລຸດ 8% ຕໍ່ປີນັ້ນ ກໍເຮັດໃຫ້ທາງການລາວເຊື່ອໝັ້ນວ່າ ຍອດຜະລິດຕະພັນລວມພາຍ
ໃນ (GDP) ຂອງລາວຈະສາມາດສະເລ່ຍເປັນລາຍຮັບ ຂອງປະຊາຊົນລາວໄດ້ໃນລະດັບ
1,700 ໂດລາຕໍ່ຄົນໃນປີ 2015 ກັບທັງຍັງຈະເປັນປັດໄຈເຮັດໃຫ້ລາວຫລຸດພົ້ນຈາກສະພາບ
ດ້ອຍພັດທະນາໄດ້ຢ່າງເປັນຮູບປະທໍາໃນປີ 2020 ອີກດ້ວຍ.