ທາງການລາວ-ໄທຕົກລົງທີ່ຈະເພີ່ມມູນຄ່າການຄ້າ ແລະການ
ລົງທຶນໃຫ້ສູງຂຶ້ນຢ່າງຕໍ່ເນື່ອງ ໃນຂະນະທີ່ທາງການໄທ ກໍຢືນ ຢັນທີ່ຈະປະຕິບັດຕາມຂໍ້ຕົກລົງວ່າດ້ວຍການຮັບຊື້ພະລັງງານ
ໄຟຟ້າຈາກລາວຕໍ່ໄປ.
ກອງປະຊຸມຄະນະກໍາມາທິການຮ່ວມລະຫວ່າງລາວກັບໄທຄັ້ງ
ທີ 18 ຢູ່ຈັງຫວັດປະຈວບຂີຣີຂັນ ໃນເຂດພາກໃຕ້ຂອງໄທເມື່ອ
ອາທິດຜ່ານມາ ໄດ້ສິ້ນສຸດລົງດ້ວຍການທີ່ ທາງການຂອງທັງ
ສອງຝ່າຍໄດ້ຕົກລົງທີ່ຈະເສີມຂະຫຍາຍຄວາມຮ່ວມມືລະ
ຫວ່າງກັນ ທັງໃນດ້ານເສດຖະກິດ ການເມືອງຄວາມໝັ້ນຄົງ ແລະສັງຄົມວັດທະນະທໍາຕໍ່ໄປຢ່າງບໍ່ຢຸດຢັ້ງ.
ທັງນີ້ ໂດຍສະເພາະແມ່ນໃນດ້ານເສດຖະກິດນັ້ນ ທາງການລາວ-ໄທ ກໍໄດ້ຕົກລົງທີ່ຈະ
ເພີ່ມມູນຄ່າການຄ້າ ແລະການຂະຫຍາຍການລົງທຶນລະຫວ່າງກັນໃຫ້ຫຼາຍຂຶ້ນຢ່າງຕໍ່
ເນື່ອງ ດັ່ງທີ່ທ່ານ ສຸຣະພົງ ໂຕວິຈັກໄຊກຸນ ຮອງນາຍົກລັດຖະມົນຕີ ແລະລັດຖະມົນຕີ
ການຕ່າງປະເທດ ໃນຖານະປະທານຄະນະຝ່າຍໄທນັ້ນ ໄດ້ໃຫ້ການຢືນຢັນວ່າ:
“ຄວາມຮ່ວມມືດ້ານການຄ້າ ແລະການລົງທຶນລະຫວ່າງໄທ-ລາວມີການຂະ
ຫຍາຍຕົວຢ່າງຕໍ່ເນື່ອງໃນປີທີ່ຜ່ານມາແລະມີມູນຄ່າກວ່າ 150,000 ລ້ານ
ບາດ. ຢ່າງໃດກໍຕາມ ເຮົາກໍຍັງຈະຮ່ວມມືກັນ ສົ່ງເສີມການຄ້າການລົງທຶນ
ໃຫ້ເພີ່ມຂຶ້ນ ໂດຍຈະມີແຜນຈັດງານສະແດງສິນຄ້າ ແລະຈັບຄູ່ທາງທຸລະກິດ.”
ອິງຕາມສະຖິຕິຂອງກະຊວງແຜນການແລະການລົງທຶນຂອງລາວ ກໍໄດ້ລະບຸວ່າ ໃນປັດຈຸ
ບັນໄທມີມູນຄ່າການລົງທຶນສະສົມໃນລາວເຖິງ 4,082 ລ້ານໂດລາ ໃນ 742 ໂຄງການຊຶ່ງ
ຖືເປັນອັນດັບ 2 ຮອງຈາກຫວຽດນາມ ທີ່ມີມູນຄ່າການລົງທຶນສະສົມ ໃນລາວ ເຖິງ 4,913 ລ້ານໂດລາ ໃນ 429 ໂຄງການ ແລະອັນດັບ 3 ນັ້ນ ກໍແມ່ນຈີນທີ່ມີມູນຄ່າການລົງທຶນສະສົມ
ໃນລາວເຖິງ 3,952 ລ້ານໂດລາ ໃນ 801 ໂຄງການ ຫາກແຕ່ວ່າ ໃນດ້ານການຄ້ານັ້ນ ໄທ
ຍັງເປັນຄູ່ຄ້າອັນດັບ 1 ຂອງລາວ ສ່ວນລາວກໍໄດ້ກ້າວຂຶ້ນມາ ເປັນຄູ່ຄ້າອັນດັບ 1 ຂອງໄທ
ຢູ່ທີ່ເຂດສາມຫຼ່ຽມຄໍາ.
ແຕ່ຢ່າງໃດກໍຕາມ ທ່ານນາງເກດສຸດາ ສັງຂະກອນ ປະທານຊົມຣົມຜູ້ປະກອບການຄ້າ
ຊາຍແດນຢູ່ທີ່ອໍາເພີຊຽງແສນ ຈັງຫວັດຊຽງຣາຍ ຂອງໄທ ກໍໄດ້ໃຫ້ການຢືນຢັນກ່ອນໜ້າ
ນີ້ວ່າການຄ້າລະຫວ່າງໄທ ລາວ-ມຽນມາແລະຈີນ ຢູ່ທີ່ເຂດສາມຫຼ່ຽມຄໍາໄດ້ຮັບຜົນກະທົບ
ຢ່າງໜັກຈາກລະດັບນໍ້າຂອງທີ່ບົກແຫ້ງລົງຢ່າງໄວວາ ນັບແຕ່ເດືອນກຸມພາເປັນຕົ້ນມາ ຈົນເຖິງເວລານີ້ ເນື່ອງຈາກລະດັບນໍ້າຂອງທີ່ບົກແຫ້ງລົງ ເຮັດໃຫ້ບໍ່ສາມາດເດີນເຮືອຂົນ ສົ່ງສິນຄ້າໄປ-ມາລະຫວ່າງສີ່ປະເທດໄດ້ເລີຍ.
ແຕ່ຢ່າງໃດກໍຕາມ ສະພາບບັນຫາດັ່ງກ່າວ ກໍເຮັດໃຫ້ບັນດາຜູ້ປະກອບການຄ້າຊາຍແດນ
ທີ່ເຂດສາມຫຼ່ຽມຄໍາໄດ້ພາກັນຫັນໄປໃຊ້ເສັ້ນທາງເລກ 3 ໃນແຂວງບໍ່ແກ້ວ ແລະແຂວງ
ຫຼວງນໍ້າທາຂອງລາວ ເປັນເສັ້ນທາງຫຼັກ ໃນການຂົນສົ່ງສິນຄ້າໄປ-ມາ ລະຫວ່າງໄທ-ລາວ
ແລະຈີນຫຼາຍຂຶ້ນ ໂດຍເຖິງແມ່ນວ່າຈະມີຕົ້ນທຶນໃນການຂົນສົ່ງແພງກວ່າການຂົນສົ່ງທາງ
ເຮືອເຖິງ 2 ເທົ່າກໍຕາມ ຫາກແຕ່ກໍຕ້ອງຍອມ ຈ່າຍເພື່ອເປັນການຮັກສາສະພາວະການຄ້າ
ທີ່ມີການຂະຫຍາຍຕົວເພີ່ມຂຶ້ນຢ່າງຕໍ່ເນື່ອງນັ້ນເອງ.
ການຄ້າລະຫວ່າງໄທກັບລາວ-ມຽນມາ ແລະຈີນ ຢູ່ເຂດສາມຫຼ່ຽມຄໍາ ອັນເປັນຊາຍແດນ
ໃນແມ່ນໍ້າຂອງລະຫວ່າງລາວກັບໄທ ແລະມຽນມານັ້ນ ໄດ້ຂະຫຍາຍຕົວເພີ່ມຂຶ້ນເຖິງ 25%
ໃນປີ 2012 ທີ່ຜ່ານມາ ໂດຍຄິດເປັນມູນຄ່າການຄ້າລວມຫຼາຍກວ່າ 35,000 ລ້ານບາດ
ຫຼືປະມານ 1,160 ລ້ານໂດລາ.
ຍິ່ງໄປກວ່ານັ້ນ ໄທກໍຍັງເປັນປະເທດທີ່ໄດ້ຕົກລົງຮັບຊື້ພະລັງງານ
ໄຟຟ້າຈາກລາວຫຼາຍທີ່ສຸດອີກດ້ວຍ ຊຶ່ງໃນກອງປະຊຸມຄະນະກໍາ
ມາທິການຮ່ວມລະຫວ່າງລາວ-ໄທຄັ້ງຫລ້າສຸດນີ້ ທາງການໄທ ກໍ
ໄດ້ຢືນຢັນທີ່ຈະສືບຕໍ່ການຮັບຊື້ພະລັງງານໄຟຟ້າຈາກລາວຕໍ່ໄປ
ດັ່ງທີ່ທ່ານທອງລຸນ ສີສຸລິດ ຮອງນາຍົກລັດຖະມົນຕີ ແລະລັດຖະ
ມົນຕີການຕ່າງປະເທດ ໃນຖານະປະທານຄະນະຝ່າຍລາວ ໄດ້
ຖະແຫຼງວ່າ:
“ກ່ຽວກັບການຮ່ວມມືດ້ານເສດຖະກິດ ກໍຂອບໃຈຝ່າຍໄທທີ່ຍັງຢືນຢັນ
ວ່າ ຈະຊື້ ກະແສໄຟຟ້າຈາກໂຄງການຕ່າງໆຂອງລາວຕາມຈໍານວນທີ່
ສອງຝ່າຍໄດ້ຕົກລົງກັນແລ້ວ ແລະຝ່າຍໄທກໍຈະສືບຕໍ່ການພິຈາລະນາ
ຮັບມື້ກະແສໄຟຟ້າຈາກລາວຈາກໂຄງການອື່ນໆຕໍ່ໄປ.”
ທັງນີ້ ທາງການໄທໄດ້ຕົກລົງ ທີ່ຈະຮັບຊື້ພະລັງງານໄຟຟ້າຈາກລາວ ໃນປະລິມານລວມ
7,000 ເມກາວັດ ນັບແຕ່ປີ 2015 ເປັນຕົ້ນໄປ ຫາກແຕ່ວ່າຂໍ້ຕົກລົງດັ່ງກ່າວນີ້ ກໍກໍາລັງຖືກ
ຄັດຄ້ານ ຈາກເຄືອຂ່າຍປະຊາຊົນໄທ ແລະອົງການອະນຸລັກສິ່ງແວດລ້ອມທໍາມະຊາດໃນ
ເຂດ ລຸ່ມແມ່ນໍ້າຂອງຢ່າງກວ້າງຂວາງ ໂດຍຈະມີການຍື່ນຄໍາຟ້ອງຮ້ອງ ຕໍ່ຄະນະຕຸລາການ
ສານປົກຄອງຂອງໄທ ໃນໝໍ່ໆນີ້.
ລົງທຶນໃຫ້ສູງຂຶ້ນຢ່າງຕໍ່ເນື່ອງ ໃນຂະນະທີ່ທາງການໄທ ກໍຢືນ ຢັນທີ່ຈະປະຕິບັດຕາມຂໍ້ຕົກລົງວ່າດ້ວຍການຮັບຊື້ພະລັງງານ
ໄຟຟ້າຈາກລາວຕໍ່ໄປ.
ກອງປະຊຸມຄະນະກໍາມາທິການຮ່ວມລະຫວ່າງລາວກັບໄທຄັ້ງ
ທີ 18 ຢູ່ຈັງຫວັດປະຈວບຂີຣີຂັນ ໃນເຂດພາກໃຕ້ຂອງໄທເມື່ອ
ອາທິດຜ່ານມາ ໄດ້ສິ້ນສຸດລົງດ້ວຍການທີ່ ທາງການຂອງທັງ
ສອງຝ່າຍໄດ້ຕົກລົງທີ່ຈະເສີມຂະຫຍາຍຄວາມຮ່ວມມືລະ
ຫວ່າງກັນ ທັງໃນດ້ານເສດຖະກິດ ການເມືອງຄວາມໝັ້ນຄົງ ແລະສັງຄົມວັດທະນະທໍາຕໍ່ໄປຢ່າງບໍ່ຢຸດຢັ້ງ.
ທັງນີ້ ໂດຍສະເພາະແມ່ນໃນດ້ານເສດຖະກິດນັ້ນ ທາງການລາວ-ໄທ ກໍໄດ້ຕົກລົງທີ່ຈະ
ເພີ່ມມູນຄ່າການຄ້າ ແລະການຂະຫຍາຍການລົງທຶນລະຫວ່າງກັນໃຫ້ຫຼາຍຂຶ້ນຢ່າງຕໍ່
ເນື່ອງ ດັ່ງທີ່ທ່ານ ສຸຣະພົງ ໂຕວິຈັກໄຊກຸນ ຮອງນາຍົກລັດຖະມົນຕີ ແລະລັດຖະມົນຕີ
ການຕ່າງປະເທດ ໃນຖານະປະທານຄະນະຝ່າຍໄທນັ້ນ ໄດ້ໃຫ້ການຢືນຢັນວ່າ:
“ຄວາມຮ່ວມມືດ້ານການຄ້າ ແລະການລົງທຶນລະຫວ່າງໄທ-ລາວມີການຂະ
ຫຍາຍຕົວຢ່າງຕໍ່ເນື່ອງໃນປີທີ່ຜ່ານມາແລະມີມູນຄ່າກວ່າ 150,000 ລ້ານ
ບາດ. ຢ່າງໃດກໍຕາມ ເຮົາກໍຍັງຈະຮ່ວມມືກັນ ສົ່ງເສີມການຄ້າການລົງທຶນ
ໃຫ້ເພີ່ມຂຶ້ນ ໂດຍຈະມີແຜນຈັດງານສະແດງສິນຄ້າ ແລະຈັບຄູ່ທາງທຸລະກິດ.”
ອິງຕາມສະຖິຕິຂອງກະຊວງແຜນການແລະການລົງທຶນຂອງລາວ ກໍໄດ້ລະບຸວ່າ ໃນປັດຈຸ
ບັນໄທມີມູນຄ່າການລົງທຶນສະສົມໃນລາວເຖິງ 4,082 ລ້ານໂດລາ ໃນ 742 ໂຄງການຊຶ່ງ
ຖືເປັນອັນດັບ 2 ຮອງຈາກຫວຽດນາມ ທີ່ມີມູນຄ່າການລົງທຶນສະສົມ ໃນລາວ ເຖິງ 4,913 ລ້ານໂດລາ ໃນ 429 ໂຄງການ ແລະອັນດັບ 3 ນັ້ນ ກໍແມ່ນຈີນທີ່ມີມູນຄ່າການລົງທຶນສະສົມ
ໃນລາວເຖິງ 3,952 ລ້ານໂດລາ ໃນ 801 ໂຄງການ ຫາກແຕ່ວ່າ ໃນດ້ານການຄ້ານັ້ນ ໄທ
ຍັງເປັນຄູ່ຄ້າອັນດັບ 1 ຂອງລາວ ສ່ວນລາວກໍໄດ້ກ້າວຂຶ້ນມາ ເປັນຄູ່ຄ້າອັນດັບ 1 ຂອງໄທ
ຢູ່ທີ່ເຂດສາມຫຼ່ຽມຄໍາ.
ແຕ່ຢ່າງໃດກໍຕາມ ທ່ານນາງເກດສຸດາ ສັງຂະກອນ ປະທານຊົມຣົມຜູ້ປະກອບການຄ້າ
ຊາຍແດນຢູ່ທີ່ອໍາເພີຊຽງແສນ ຈັງຫວັດຊຽງຣາຍ ຂອງໄທ ກໍໄດ້ໃຫ້ການຢືນຢັນກ່ອນໜ້າ
ນີ້ວ່າການຄ້າລະຫວ່າງໄທ ລາວ-ມຽນມາແລະຈີນ ຢູ່ທີ່ເຂດສາມຫຼ່ຽມຄໍາໄດ້ຮັບຜົນກະທົບ
ຢ່າງໜັກຈາກລະດັບນໍ້າຂອງທີ່ບົກແຫ້ງລົງຢ່າງໄວວາ ນັບແຕ່ເດືອນກຸມພາເປັນຕົ້ນມາ ຈົນເຖິງເວລານີ້ ເນື່ອງຈາກລະດັບນໍ້າຂອງທີ່ບົກແຫ້ງລົງ ເຮັດໃຫ້ບໍ່ສາມາດເດີນເຮືອຂົນ ສົ່ງສິນຄ້າໄປ-ມາລະຫວ່າງສີ່ປະເທດໄດ້ເລີຍ.
ແຕ່ຢ່າງໃດກໍຕາມ ສະພາບບັນຫາດັ່ງກ່າວ ກໍເຮັດໃຫ້ບັນດາຜູ້ປະກອບການຄ້າຊາຍແດນ
ທີ່ເຂດສາມຫຼ່ຽມຄໍາໄດ້ພາກັນຫັນໄປໃຊ້ເສັ້ນທາງເລກ 3 ໃນແຂວງບໍ່ແກ້ວ ແລະແຂວງ
ຫຼວງນໍ້າທາຂອງລາວ ເປັນເສັ້ນທາງຫຼັກ ໃນການຂົນສົ່ງສິນຄ້າໄປ-ມາ ລະຫວ່າງໄທ-ລາວ
ແລະຈີນຫຼາຍຂຶ້ນ ໂດຍເຖິງແມ່ນວ່າຈະມີຕົ້ນທຶນໃນການຂົນສົ່ງແພງກວ່າການຂົນສົ່ງທາງ
ເຮືອເຖິງ 2 ເທົ່າກໍຕາມ ຫາກແຕ່ກໍຕ້ອງຍອມ ຈ່າຍເພື່ອເປັນການຮັກສາສະພາວະການຄ້າ
ທີ່ມີການຂະຫຍາຍຕົວເພີ່ມຂຶ້ນຢ່າງຕໍ່ເນື່ອງນັ້ນເອງ.
ການຄ້າລະຫວ່າງໄທກັບລາວ-ມຽນມາ ແລະຈີນ ຢູ່ເຂດສາມຫຼ່ຽມຄໍາ ອັນເປັນຊາຍແດນ
ໃນແມ່ນໍ້າຂອງລະຫວ່າງລາວກັບໄທ ແລະມຽນມານັ້ນ ໄດ້ຂະຫຍາຍຕົວເພີ່ມຂຶ້ນເຖິງ 25%
ໃນປີ 2012 ທີ່ຜ່ານມາ ໂດຍຄິດເປັນມູນຄ່າການຄ້າລວມຫຼາຍກວ່າ 35,000 ລ້ານບາດ
ຫຼືປະມານ 1,160 ລ້ານໂດລາ.
ທ່ານທອງລຸນ ສີສຸລິດ ຮອງນາຍົກລັດຖະມົນຕີລາວ
ຍິ່ງໄປກວ່ານັ້ນ ໄທກໍຍັງເປັນປະເທດທີ່ໄດ້ຕົກລົງຮັບຊື້ພະລັງງານ
ໄຟຟ້າຈາກລາວຫຼາຍທີ່ສຸດອີກດ້ວຍ ຊຶ່ງໃນກອງປະຊຸມຄະນະກໍາ
ມາທິການຮ່ວມລະຫວ່າງລາວ-ໄທຄັ້ງຫລ້າສຸດນີ້ ທາງການໄທ ກໍ
ໄດ້ຢືນຢັນທີ່ຈະສືບຕໍ່ການຮັບຊື້ພະລັງງານໄຟຟ້າຈາກລາວຕໍ່ໄປ
ດັ່ງທີ່ທ່ານທອງລຸນ ສີສຸລິດ ຮອງນາຍົກລັດຖະມົນຕີ ແລະລັດຖະ
ມົນຕີການຕ່າງປະເທດ ໃນຖານະປະທານຄະນະຝ່າຍລາວ ໄດ້
ຖະແຫຼງວ່າ:
“ກ່ຽວກັບການຮ່ວມມືດ້ານເສດຖະກິດ ກໍຂອບໃຈຝ່າຍໄທທີ່ຍັງຢືນຢັນ
ວ່າ ຈະຊື້ ກະແສໄຟຟ້າຈາກໂຄງການຕ່າງໆຂອງລາວຕາມຈໍານວນທີ່
ສອງຝ່າຍໄດ້ຕົກລົງກັນແລ້ວ ແລະຝ່າຍໄທກໍຈະສືບຕໍ່ການພິຈາລະນາ
ຮັບມື້ກະແສໄຟຟ້າຈາກລາວຈາກໂຄງການອື່ນໆຕໍ່ໄປ.”
ທັງນີ້ ທາງການໄທໄດ້ຕົກລົງ ທີ່ຈະຮັບຊື້ພະລັງງານໄຟຟ້າຈາກລາວ ໃນປະລິມານລວມ
7,000 ເມກາວັດ ນັບແຕ່ປີ 2015 ເປັນຕົ້ນໄປ ຫາກແຕ່ວ່າຂໍ້ຕົກລົງດັ່ງກ່າວນີ້ ກໍກໍາລັງຖືກ
ຄັດຄ້ານ ຈາກເຄືອຂ່າຍປະຊາຊົນໄທ ແລະອົງການອະນຸລັກສິ່ງແວດລ້ອມທໍາມະຊາດໃນ
ເຂດ ລຸ່ມແມ່ນໍ້າຂອງຢ່າງກວ້າງຂວາງ ໂດຍຈະມີການຍື່ນຄໍາຟ້ອງຮ້ອງ ຕໍ່ຄະນະຕຸລາການ
ສານປົກຄອງຂອງໄທ ໃນໝໍ່ໆນີ້.