ທ່ານ ຈູມມະລີ ໄຊຍະສອນ ປະທານປະເທດ ແລະ ເລຂາທິການໃຫຍ່ພັກປະຊາຊົນປະ ຕິວັດລາວໄດ້ຖະແຫຼງຢືນຢັນ ໃນໂອກາດເຂົ້າຮ່ວມໃນພິທີສະເຫຼີມສະຫຼອງການສ້າງຕັ້ງ
ສະຖານີວິທະຍຸກະຈາຍສຽງສາກົນແຫ່ງປະເທດຈີນຄົບຮອບ 70 ປີທີ່ໄດ້ມີຂຶ້ນໃນໂອກາດ
ດຽວກັນກັບການເດີນທາງໄປຢ້ຽມຢາມປະເທດຈີນ ຢ່າງເປັນທາງການຂອງທ່ານ ຈູມມະ
ລີ ໃນລະຫວ່າງວັນທີ 18-21 ກັນຍາທີ່ຜ່ານມານັ້ນວ່າ ການສ້າງຕັ້ງສະຖານີວິທະຍຸກະ
ຈາຍສຽງສາກົນ ແຫ່ງປະເທດຈີນ ຢູ່ໃນນະຄອນຫຼວງວຽງຈັນ ແລະກໍໄດ້ອອກອາກາດ
ພາສາລາວມາເປັນເວລາ 5 ປີແລ້ວນັ້ນ ຖືເປັນສິ່ງທີ່ສະແດງໃຫ້ເຫັນເຖິງການເປັນຫຸ້ນ
ສ່ວນຍຸດທະສາດໃນການຮ່ວມມືຢ່າງຮອບດ້ານ ລະຫວ່າງລາວກັບຈີນໄດ້ຢ່າງຈະແຈ້ງ.
ຍິ່ງໄປກວ່ານັ້ນ, ການອອກອາກາດພາກພາສາລາວຂອງສະຖານີວິທະຍຸກະຈາຍສຽງສາ
ກົນແຫ່ງປະເທດຈີນ ດັ່ງກ່າວກໍຍັງໄດ້ໃຫ້ຄວາມຮູ້, ໃຫ້ບົດຮຽນ ແລະໃຫ້ສາລະບັນເທິງ
ຕ່າງໆ ກັບປະຊາຊົນລາວໄດ້ຢ່າງຄົບຖ້ວນ ອັນເປັນຜົນດີຕໍ່ການເສີມສ້າງຄວາມເຂົ້າໃຈ ລະຫວ່າງປະຊາຊົນລາວກັບຈີນໄດ້ເປັນຢ່າງດີ ແລະ ຍັງມີບົດບາດຢ່າງສໍາຄັນ ຕໍ່ການ
ພັດທະນາສື່ມວນຊົນລາວ ໂດຍສະເພາະແມ່ນວິທະຍຸກະຈາຍສຽງແຫ່ງຊາດລາວອີກດ້ວຍ.
ທ່ານ ຈູມມະລີໄຊຍະສອນ, ປະທານປະເທດລາວ ກ່າວຄໍາປາໃສ ໃນໂອກາດໄປຢ້ຽມຢາມສະຖານີວິທະຍຸກະຈາຍສຽງສາກົນ ແຫ່ງປະເທດຈີນ (CRI)
ພ້ອມກັນນັ້ນ, ທ່ານ ຈູມມະລີ
ຍັງໄດ້ສະແດງການຄາດຫວັງ
ອີກດ້ວຍວ່າ ການຮ່ວມມືລະ
ຫວ່າງວິທະຍຸກະຈາຍສຽງແຫ່ງ
ຊາດລາວ ກັບວິທະຍຸກະຈາຍ
ສຽງສາກົນແຫ່ງປະເທດຈີນຈະ
ເປັນແບບຢ່າງທີ່ດີໃຫ້ແກ່ຄວາມ
ຮ່ວມມືດ້ານສື່ມວນຊົນໃນຂະ
ແໜງອື່ນໆລະຫວ່າງລາວກັບ
ຈີນອີກດ້ວຍ. ທັງນີ້ກໍເພື່ອພັດ
ທະນາສື່ມວນຊົນ ໃຫ້ສາມາດ
ປະຕິບັດພາລະໜ້າທີ່ໃນການ
ເປັນກະບອກສຽງຂອງພັກ-ລັດ
ໄດ້ຢ່າງມີປະສິດທິຜົນ ແລະ
ກ້າວຂຶ້ນສູ່ລະດັບສູງສຸດຮ່ວມກັນ ດັ່ງທີ່ທ່ານ ຈູມມະລີ ໄດ້ຖະແຫຼງເນັ້ນຢໍ້າວ່າ:
“ຂ້າພະເຈົ້າເຫັນວ່າວິທະຍຸ CRI FM 93 ແມັກກາເຮີດສ ເປັນແບບຢ່າງຂອງການ
ຮ່ວມມືລະຫວ່າງ ສື່ມວນຊົນລາວ ແລະຈີນ ໂດຍນັບແຕ່ເດືອນເກົ້າ ປີສອງພັນເກົ້າ
ເປັນຕົ້ນມາ ການພົວພັນ ແລະ ການຮ່ວມມືລະຫວ່າງລາວ-ຈີນໄດ້ກ້າວເຂົ້າສູ່ຍຸກ
ໃໝ່, ຍຸກແຫ່ງການພົວພັນ-ຮ່ວມມືຍຸດທະສາດຮອບດ້ານ. ສະນັ້ນ, ຂ້າພະເຈົ້າ
ຫວັງວ່າການພົວພັນລະຫວ່າງລາວ ແລະຈີນໃນດ້ານສື່ມວນຊົນຈະກ້າວເຂົ້າສູ່ໄລຍະ
ໃໝ່ເຊັ່ນດຽວກັນ.”
ການເດີນທາງໄປຢ້ຽມຢາມປະເທດຈີນຢ່າງເປັນທາງການຂອງທ່ານ ຈູມມະລີ ໄຊຍະສອນ
ຄັ້ງຫລ້າສຸດນີ້ ນອກຈາກທ່ານໄດ້ພົບປະເຈລະຈາຢ່າງຄົບຄະນະ ຮ່ວມກັນກັບທ່ານ ຫູ ຈິນ
ເທົາ ປະທານປະເທດແລະປະທານພັກຄອມມິວນິສຈີນແລ້ວ ຜູ້ນໍາທັງສອງປະເທດກໍໄດ້ຮ່ວມ ກັນເປັນສັກຂີພິຍານໃນ ພິທີການລົງນາມໃນຂໍ້ຕົກລົງວ່າດ້ວຍການຮ່ວມມືໃນດ້ານຕ່າງໆ
ລະຫວ່າງລາວກັບຈີນຈໍານວນ 9 ສະບັບດ້ວຍກັນ ເຊິ່ງທີ່ສໍາຄັນ ກໍຄືແຜນການຮ່ວມມືລະ
ຫວ່າງສອງພັກໃນຊ່ວງປີ 2011-2015 ແຜນແມ່ບົດການຮ່ວມມືໃນດ້ານເສດຖະກິດ ແລະ
ເທັກນິກ ຈາກປີ 2011-2015 ສັນຍາເງິນກູ້ພິເສດສໍາລັບພັດທະນາລະບົບຊົນລະປະທານ
ໃນແຂວງສະຫວັນນະເຂດ, ສັນຍາເງິນກູ້ພິເສດ ສໍາລັບການພັດທະນາສະໜາມບິນວັດໄຕ.
ພິທີເຊັນບົດບັນທຶກຄວາມເຂົ້າໃຈ ກ່ຽວກັບການຮ່ວມມືທາງດ້ານການເງິນສຳລັບໂຄງການດາວທຽມ ລະຫວ່າງລາວ ແລະຈີນ ໃນໂອກາດທີ່ຄະນະລັດຖະບານລາວຢ້ຽມຢາມ ຈີນໃນເດືອນກັນຍາ 2011 ນີ້
ນອກຈາກນີ້, ກໍມີສັນຍາວ່າດ້ວຍ
ການກໍ່ສ້າງສະໜາມບິນນາໆ
ຊາດແຫ່ງໃໝ່ ຢູ່ເມືອງເຊໂນໃນ
ແຂວງສະຫວັນນະເຂດ, ສັນຍາ
ວ່າດ້ວຍການສ້າງທາງເລກທີ
13 ໃຕ້ ໃນແຂວງສະຫວັນນະ
ເຂດ ແລະແຂວງສາລະວັນ. ບົດ
ບັນທຶກຄວາມເຂົ້າໃຈ ກ່ຽວກັບ
ການຮ່ວມມືໃນການຄຸ້ມຄອງ
ວຽກງານໃນຕະຫຼາດຫຼັກຊັບແລະ
ການຊື້ຂາຍ-ຮຸ້ນລ່ວງໜ້າ.
ສ່ວນທີ່ກ່ຽວຂ້ອງກັບດ້ານສື່ມວນ
ຊົນໂດຍກົງນັ້ນກໍຄື ການລົງນາມ
ໃນບັນທຶກຄວາມເຂົ້າໃຈຮ່ວມກ່ຽວກັບໂຄງການດາວທຽມໃນລາວ ຊຶ່ງທາງການຈີນ ຈະລົງທຶນ
ໃນມູນຄ່າເຖິງ 250 ລ້ານໂດລາ ເພື່ອສ້າງໃຫ້ແລ້ວເສັດແລະສົ່ງຂຶ້ນສູ່ວົງໂຄຈອນ ພາຍໃນ 5
ປີຂ້າງໜ້າ.