ພະນະທ່ານ ຈູມມະລີ ໄຊຍະສອນ ກ່າວຄຳປາໄສ ຕໍ່ສະມັດຊາໃຫຍ່ ສະຫະປະຊາຊາດ

​ໃນ​ຄຳ​ປາ​ໄສ ​ຕໍ່​ກອງ​ປະຊຸມ​ສະມັດຊາ​ໃຫຍ່​ ອົງການ​ສະຫະ​ປະ
ຊາຊາດ ເມື່ອວັນທີ 30 ກັນຍາຜ່ານມານີ້ ພະ​ນະທ່ານ​ຈູມ​ມະ​ລີ
ໄຊຍະສອນ ປະທານປະເທດ ສປປ ລາວ ໄດ້ກ່າວເຖິງຫຼາຍໆ
ເລື້ອງ ຮວມທັງວັນຄົບຮອບ 70 ປີ ໃນການສ້າງຕັ້ງ ສະຫະປະ
ຊາຊາດ ກອງທຶນເປົ້າໝາຍ ການພັດທະນາແບບຍືນຍົງ ຂອງ
ສາກົນ ຂໍ້​ຕົກ​ລົງ​ນິວ​ເຄ​ລຍ ກັບ ​ອີ​ຣ່ານ ການ​ແກ້ໄຂ​ບັນ​ຫາ​ປາ​ແລສໄຕນ໌ ການຟື້ນຟູຄວາມ
ສຳພັນ ລະຫວ່າງສະຫະລັດ ກັບຄິວບາ ການປ່ຽນແປງຂອງດິນຟ້າອາກາດ ການເຊື່ອມ
ໂຍງທາງເສດຖະກິດຂອງອາຊ່ຽນ ວັນຄົບຮອບ 40 ປີໃນການສະຖາປະນາ ສປປ ລາວ
ບັນຫາລະເບີດທີ່ບໍ່ທັນແຕກ ແລະການເຂົ້າເປັນ ສະມາຊິກສະ ຫະປະຊາຊາດ ຄົບຮອບ
60 ປີ ຂອງລາວ. ກິ່ງສະຫວັນ ມີລາຍລະອຽດ ມາສະເໜີທ່ານໃນລາຍງານພິເສດ ອັນດັບ
ຕໍ່ໄປ.

ເຊີນຟັງ ຄຳປາໄສ ຂອງ ພະນະທ່ານ ຈູມມະລີ ໄຊຍະສອນ ປະທານ ປະເທດ ສປປ ລາວ ທີ່ ສະຫະປະຊາຊາດ

ພະ​ນະ​ທ່ານ ​ຈູມ​ມະ​ລີ ໄຊ​ຍະ​ສອນ ປະ​ທານ​ປະ​ເທດ ສ​ປ​ປ ລາວ ໄດ້​ເລີ້ມ​ຕົ້​ນ​ຄຳ​ປາ​ໄສ
ດ້ວຍ​ການ​ກ່າວ​ຂອບ​ອົກ​ຂອບ​ໃຈ​ ພະ​ນະ​ທ່ານ Mogens Lykketoft ທີ່​ໄດ້​ຖືກ​ເລືອກ​
ໃຫ້ເປັນປະທານກອງປະຊຸມສະມັດຊາໃຫຍ່ສະຫະປະຊາຊາດ ສະໄໝ​ທີ 70 ແລະ​ໄດ້​
ກ່າວຊົມເຊີຍ ພະນະທ່ານ Sam Kahamba Kutesa ທີ່ໄດ້ປະ​ຕິ​ບັດ​ໜ້າ​ທີ່ ເປັນ​ປະ​
ທານກອງປະຊຸມສະມັດຊາໃຫຍ່ສະຫະປະຊາຊາດສະໄໝທີ 69 ດ້ວຍຄວາມສຳເລັດ
ເປັນຢ່າງດີ.

ພະ​ນະ​ທ່ານ​ຈູມ​ມະ​ລີກ່າວ​ວ່າ ປີນີ້ແມ່ນ​ຂີດ​ໝາຍ​ຄົບ​ຮອບ 70 ປີ ໃນ​ການ​ສ້າງ​ຕັ້ງອົງ​
ການ​ສະ​ຫະ​ປະ​ຊາ​ຊາດ ຫລັງ​ຈາກ​ສົງ​ຄາມ​ໂລກ​ຄັ້ງ​ທີ​ສອງ​ສິ້ນ​ສຸດ​ລົງ.

ເຊີນຟັງ ຄຳປາໄສ ປະທານປະເທດ ຈູມມະລີ ໄຊຍະສອນ 2

ພະ​ນະທ່ານ​ຈູມ​ມະ​ລີ​ກ່າວ​ວ່າ ເຖິງ​ຢ່າງ​ໃດ​ກໍ​ຕາມ ໃນ​ປັດ​ຈຸ​ບັນ ສະ​ພາບ​ການຂອງໂລກ​
ຍັງເຕັມໄປດ້ວຍບັນຫາທ້າທາຍຕ່າງໆ ເຊັ່ນການປະທະກັນ ດ້ວຍກຳລັງອາວຸດ ການກໍ່
ການຮ້າຍ ຄວາມທຸກຍາກ ແລະໄພອຶດຫິວ ການລະບາດຂອງພະຍາດ ການປ່ຽນແປງ
ຂອງດິນຟ້າອາກາດ ແລະໄພພິບັດທຳມະຊາດ ໄດ້ເປັນໄພຂົ່ມຂູ່ຕໍ່ສັນຕິພາບ ແລະການ
ພັດທະນາ ທີ່ພະນະທ່ານກ່າວວ່າ ດ້ວຍເຫດນີ້ ຈຶ່ງເຫັນວ່າ ຈຳເປັນຕ້ອງໄດ້ເພີ້ມທະວີ
ການຕັດສິນໃຈທາງການເມືອງໃນການຮ່ວມມືຊ່ອຍເຫລືອຊຶ່ງກັນ ແລະກັນພາຍໃຕ້ຄັນ
ທຸງ ສະຫະປະຊາ ຊາດ ເພື່ອພ້ອມກັນຮັບມືກັບບັນຫາທ້າທາຍຕ່າງໆ ທີ່ພວກເຮົາພວມ
ປະເຊີນໜ້າຢູ່ນີ້.

ພະ​ນະທ່ານ​ຈູມ​ມະ​ລີ​ກ່າວວ່າ ເພື່ອ​ບັນ​ລຸ​ຈຸດ​ປະ​ສົງ​ດັ່ງ​ກ່າວ ອົງການສະ​ຫະປະ​ຊາ​ຊາດ​
ຄວນ​ໄດ້​ຮັບ​ການ​ປັບ​ປຸງ​ ໃນວິທີເຮັດ​ວຽກ​ຂອງ​ຕົນ. ສ​ປ​ປ ລາວ ຫວັງ​ວ່າໃນ​ໂອ​ກາດ​ຄົບ
​ຮອບ 70 ປີ​ຂອງ​ການ​ສ້າງ​ຕັ້ງ​ອົງ​ການສະ​ຫະ​ປະ​ຊາ​ຊ​າດນີ້ວົງ​ການ​ຄະນາ​ຍາດ​ສາ​ກົນ
ຕ້ອງ​ໄດ້​ມີຄວາມ​ພະ​ຍາມ​ຮ່ວມ​ກັນ​ຢ່າງ​ຈິງ​ຈັງປະ​ຕິ​ຮູບຢ່າງກວ້າງ ​ຂວາງ ອົງ​ການ​ຈັດ​ຕັ້ງ​
ສາ​ກົນ​ດັ່ງ​ກ່າວ ເພື່ອ​ໃຫ້​ມີ​ຄວາມ​ສາ​ມາດ​ພຽງ​ພໍຮັບ​ມື​ຢ່າງ​ມີ ​ປະ​ສິດ​ທິ​ພາບ​ກັບ​ບັນຫາ​ທ້າ​
ທາຍ​ຕ່າງໆທີ່​ພວມ​ກໍ່ຕົວ​ຂຶ້ນ​ໃນ​ຂະ​ນະ​ນີ້.

ກ່ຽວ​ກັບ​ເປົ້າ​ໝາຍ​ໃໝ່​ໃນ​ການ​ພັດ​ທະ​ນາ​ຂອງ​ສາ​ກົນ​ໃນ​ໄລ​ຍະ 15 ປີ​ຕໍ່​ໜ້ານີ້ ພະ​ນະ​
ທ່ານ​ຈູມ​ມະ​ລີ ກ່າວ​ວ່າ:

ເຊີນຟັງ ຄຳປາໄສ ປະທານປະເທດ ຈູມມະລີ ໄຊຍະສອນ 3

​ພະ​ນະ​ທ່ານ​ຈູມ​ມະ​ລີ​ກ່າວ​ວ່າ ຢູ່ໃນຫລາຍໆພາກພື້ນຂອງໂລກເຊັ່ນຕາເວັນອອກກາງ
ອາຟຣິກາ ​ເອເຊຍ​ ຢູໂຣບ ຍັງມີຂໍ້ຂັດແຍ່ງຕ່າງໆທີ່ປະຊາຄົມໂລກມີຄວາມເປັນຫ່ວງ
ແລະຊອກຫາວິທີແກ້ໄຂ ເພື່ອນຳເອົາສັນຕິພາບ ແລະການພັດທະນາມາສູ່ທຸກພາກ
ພື້ນ.​ ພະນະທ່ານເວົ້າວ່າ ຍາມ​ໃດ ສ​ປ​ປ ລາວ ກໍ​ສະ​ໜັບ​ສະ​ໜຸນ​ການ​ແກ້​ໄຂຂໍ້ຂັດ​ແຍ່ງ
​ທີ່​ເກີດ​ຢູ່​ໃນ​ພາກ​ພື້ນ​ຕ່າງໆ​ດ້ວຍ​ສັນ​ຕິ​ວິ​ທີ ​ຮວມ​ທັງ​ການ​ແກ້​ໄຂ​ບັນ​ຫາ​ນິວ​ເຄ​ລຍກັບ​
ອີ​ຣ່ານ ຊຶ່ງ​ຖື​ວ່າ ​ເປັນ​ເຫດ​ການ​ປະ​ຫວັດ​ສາດ ທີ່​ມີ​ຄວາມ​ໝາຍ​ສຳ​ຄັນ ຊຶ່ງໄດ້​ສະ​ແດງ​
ໃຫ້​ເຫັນ​ແລ້ວ​ວ່າ ການ​ເຈ​ລ​ະ​ຈາ​ປຶກ​ສາ​ຫາ​ລືເປັນ​ວິ​ທີ​ການ​ແກ້​ໄຂ​ບັນ​ຫາທີ່​ດີ​ທີ່​ສຸດ​ທີ່​
ຄວນເອົາ​ເປັນ​ຕົວ​ຢ່າງສຳ​ລັບ​ການ​ແກ້​ໄຂ​ບັນ​ຫາ​ສຳ​ຄັນ​ເຄັ່ງ​ຮ້ອນ​ຂອງໂລກ.

ພະ​ນະ​ທ່ານ​ຈູມ​ມະ​ລີ ​ກ່າວ​ຕື່ມ​ວ່າ ສ​ປ​ປ ລາວຍາມ​ໃດ​ກໍ​ຫວັງ​ວ່​າ ບັນ​ຫາ​ປາ​ແລ​ສ​ໄຕນ໌​
ທີ່​ໄດ້​ແກ່​ຍາວ​ມາຫລາຍ​ທົ​ດ​ສະ​ວັດແລ້ວ​ນັ້ນ ຈະ​ໄດ້​ຮັບ​ການ​ແກ້​ໄຂ​ດ້ວຍ​ສັນ​ຕິ​ວິ​ທີ ໂດຍ​
ພັກ​ຝ່າຍ​ທີ່​ກ່ຽວ​ຂ້ອງ ​ເພື່ອ​ບັນ​ລຸ​ການ​ສ້າງ​ຕັ້ງສອງ​ລັດ​ປາ​ແລ​ສ​ໄຕນ໌​ ແລະ​ອິ​ສ​ຣາ​ແອ​ລທີ່​
ດຳລົງ​ຄົງ​ຢູ່​ຮ່ວມ​ກັນ​ໂດຍ​ສັນ​ຕິບົນ​ພື້ນ​ຖານ​ຂໍ້​ລິ​ເລີ້ມ​ຂອງ​ອາ​ຣັບແລະ ​ມີ​ເສັ້ນ​ຊາຍ​ແດນ
ທີ່​ຖືກ​ຮັບຮູ້​ຕາມ​ທີ່​ລະ​ບຸ​ໄວ້​ຢູ່​ໃນ​ມະ​ຕິ​ຂອງ​ສະ​ພາ​ຄວາມ​ໝັ້ນ​ຄົງ​ສະ​ຫະ​ປະ​ຊ​າ​ຊາດ ພ້ອມ
​ດຽວ​ກັນ​ນັ້ນ ສ​ປ​ປ ລາວກໍ​ຮຽກ​ຮ້ອງ​ໃຫ້​ວົງ​ຄະ​ນາ​ຍາດ​ສາ​ກົນ ເພີ້ມ​ທະ​ວີ​ຄວາມພະ​ຍາ
ຍາມ​ໃນການ​ຊ່ອຍ​ເຫລືອ​ຟື້ນ​ຟູ​ປາ​ແລ​ສ​ໄຕ​ເພື່ອ​ໃຫ້​ກັບ​ສູ່​ສະ​ພາບ​ປົກ​ກະ​ຕິ​ໂດຍໄວ.

ກ່ຽວ​ກັບ​ການ​ຟື້ນ​ຟູ​ຄວາມ​ສຳ​ພັນ​ລະ​ຫວ່າງ​ສະ​ຫະ​ລັດ​ກັບ​ຄິວ​ບານັ້ນ ພະ​ນະ​ທ່ານ​ຈູມ
ມະ​ລີ ກ່າວ​ວ່າ:

ປະທານປະເທດ ຈູມມະລີ ແລະພັນລະຍາ ທ່ານາງແກ້ວສາຍໃຈ ໄຊຍະສອນ (ກາງ) ປະທານາທິບໍດີ ບາຣັກ ໂອບາມາ ແລະສະຕີໝາຍເລກນຶ່ງ ທ່ານນາງ ມີແຊລ ໂອບາມາ

ເຊີນຟັງ ຄຳປາໄສ ປະທານປະເທດ ຈູມມະລີ ໄຊຍະສອນ 4

ພະນະທ່ານຈູມມະລີ ກ່າວວ່າ ບັນຫາການ​ປ່ຽນ​ແປງ​ຂອງ​ດິນ​ຟ້າ​ອາ​ກາດ ແລະໄພພິບັດທຳມະຊາດໄດ້ເກີິດຂຶ້ນຢ່າງລຽນຕິດແລະຮຸນແຮງຂຶ້ນນັບມື້ນັ້ນໄດ້ສ້າງຜົນກະທົບຕໍ່ການ
ພັດທະນາຂອງປະເທດຕ່າງໆ ໂດຍສະເພາະປະເທດທີ່ກຳລັງພັດທະນາຮວມທັງບັນດາປະເທດທີ່ດ້ອຍພັດທະນານຳດ້ວຍທີ່ມີຄວາມອ່ອນໄຫວເປັນພິເສດຍ້ອນມີຂໍ້ຈຳກັດທາງດ້ານໂຄງລ່າງພື້ນຖານ ທຶນຮອນ ເທັກໂນໂລຈີ ແລະຊັບພະຍາກອນມະນຸດ ເພື່ອຮັບມືແລະແກ້ໄຂກັບບັນຫາ ທີ່ເກີດຂຶ້ນ ດັ່ງນັ້ນ ມັນຈຶ່ງເປັນພາລະໜັກຕື່ມອີກ ຂອງວົງຄະນາຍາດສາກົນ ຕ້ອງໄດ້ຍື່ນມືເຂົ້າໄປໃຫ້ການຊ່ອຍເຫຼືອ ຮວມທັງ ການສ້າງຄວາມສາມາດໄລຍະຍາວເພື່ອຮັບມືກັບບັນຫາທ້າທາຍດັ່ງກ່າວ. ດ້ວຍເຫດນີ້ ພະນະທ່ານຈຶ່ງຫວັງວ່າ ກອງປະຊຸມສຸດຍອດກ່ຽວກັບການປ່ຽນແປງຂອງດິນຟ້າອາກາດທີ່ຈະຈັດຂຶ້ນຢູ່ປາຣີໃນ
ມໍ່ໆນີ້ ຈະສາມາດຮັບຮອງເອົາມາດຕະການຕ່າງໆ ເພື່ອຮັບມືກັບບັນຫາດັ່ງກ່າວ ໃນຊຸມ
ປີຕໍ່ໜ້າໄດ້.

ພະນະທ່ານຈູມມະລີກ່າວວ່າ ຂົງເຂດເອເຊຍຕາເວັນອອກສຽງໃຕ້ພວມດຳເນີນຂະບວນ
ການເຊື່ອມໂຍງເສດຖະກິດໂດຍຜ່ານຂອບການຮ່ວມມືຂອງອາຊ່ຽນທີ່ຈະສ້າງ ປະຊາຄົມ
ໃນທ້າຍປີນີ້ ຍັງສືບຕໍ່ມີສະຖຽນລະພາບ ແລະຄວາມໝັ້ນຄົງ ພ້ອມທັງມີ ການຂະຫຍາຍ
ຕົວທາງດ້ານເສດຖະກິດໃນລະດັບສູງຢ່າງຕໍ່ເນື່ອງ.ນອກນັ້ນແລ້ວອາຊ່ຽນກໍມີຍັງມີການ
ຮ່ວມມືກັບພາຍນອກໃນລະດັບຕ່າງໆກັບຫຼາຍໆປະເທດແລະກຸ່ມປະເທດຢູ່ໃນພາກພື້ນ
ຕ່າງໆຂອງໂລກ ຮວມທັງການຮ່ວມມືລະຫວ່າງອາຊ່ຽນ ແລະອົງການສະຫະປະຊາຊາດ.
ພະນະທ່ານເວົ້າວ່າ ໃນປີ 2016 ນີ້ ສປປ ລາວຈະໄດ້ຮັບກຽດເປັນປະທານວຽນຂອງອາ
ຊ່ຽນຄັ້ງທີສອງ ຊຶ່ງເປັນປີທຳອິດຂອງການ ສ້າງຕັ້ງປະຊາຄົມອາຊ່ຽນ ແລະພະນະທ່ານ
ຫວັງວ່າ ວົງຄະນາຍາດສາກົນໂດຍສະເພາະປະເທດທີ່ເປັນຄູ່ຮ່ວມເຈລະຈາຂອງອາຊ່ຽນ
ຈະສືບຕໍ່ໃຫ້ການສະໜັບສະໜຸນບັນດາກົນໄກຕ່າງໆ ທີ່ອາຊ່ຽນສືບຕໍ່ເປັນແກນກາງ​ ເພື່ອ
ເຮັດໃຫ້ອາຊ່ຽນສືບຕໍ່ເປັນປະຊາຄົມທີ່ມີລັກສະນະສະເພາະຂອງຕົນສືບຕໍ່ເປັນກຸ່ມປະເທດ
ທີ່ປະກອບ ສ່ວນເຂົ້າໃນສັນຕິພາບ ແລະການຮ່ວມມືກັບພາກພື້ນອື່ນໆ ແລະຂອງໂລກ.

ນອກນັ້ນ ພະນະທ່ານຈູມມະລີ ຍັງກ່າວວ່າ ປີ 2015 ນີ້ ເປັນໂອກາດຄົບຮອບ 40 ປີໃນ
ການສະຖາປະນາ ສປປ ລາວ​ ຊຶ່ງພະນະທ່ານກ່າວຕື່ມວ່າ:

ເຊີນຟັງ ຄຳປາໄສ ປະທານປະເທດ ຈູມມະລີ ໄຊຍະສອນ 7

ພະນະທ່ານຈູມມະລີເວົ້າວ່າ ເຖິງແມ່ນສົງຄາມອິນໂດຈີນໄດ້ສິ້ນສຸດລົງເປັນເວລາ 40
ປີມາແລ້ວກໍຕາມ ແຕ່ສິ່ງເສດ​ເຫລືອ​ຂອງ​ສົງ​ຄາມ ຍັງ​ສືບຕໍ່ເປັນ​ອຸບ​ປະ​ສັກ​ອັນ​ໜັກ​ໜ່ວງ​
ຕໍ່​ການ​ພັດ​ທະ​ນາໂດຍສະເພາະການນຳໃຊ້ທີ່ດິນສຳລັບການກະສິກຳແລະການທຳມາ
ຫາກິນຂອງປະຊາຊົນ ການກໍ່ສ້າງໂຄງລ່າງພື້ນຖານຮວມທັງການລົງທຶນໃນຢູ່ໃນເຂດ
ທີ່ໄດ້ຮັບຜົນກະທົບ. ການເກັບກູ້ລະເບີດທີ່ຍັງບໍ່ທັນແຕກທີ່ຕົກຄ້າງແຕ່ປາງສົງຄາມ
ຕ້ອງໃຊ້ເວລາຍາວນານແລະທຶນຮອນມະຫາສານ. ຈາກຜົນ ກະທົບອັນໜັກໜ່ວງດັ່ງ
ກ່າວ ພະນະທ່ານເວົ້າວ່າ ສປປ ລາວຈຶ່ງໄດ້ເຂົ້າຮ່ວມຢ່າງ ຕັ້ງໜ້າໃນການສົ່ງເສີມສົນ
ທິສັນຍາວ່າດ້ວຍການເກືອດຫ້າມການໃຊ້ລະເບີດລູກ ຫວ່ານຫລືສົນທິສັຍາໂອສໂລ.​
ໃນປີນີ້ ບັນດາລັດພາຄີຂອງສົນທິສັນຍາໂອສໂລ ໄດ້ຈັດກອງປະຊຸມທົບທວນຄັ້ງທຳ
ອິດຂອງຕົນຂຶ້ນ ທີ່ປະເທດໂຄຣເອເຊຍ ໃນຕົ້ນ ເດືອນກັນຍານີ້ ເພື່ອທົບທວນຄືນຜົນ
ສຳເລັດແລະຂໍ້ຄົງຄ້າງ ໃນການຈັດຕັ້ງປະຕິ ບັດເນື້ອໄນຈິດໃຈຂອງສົນທິສັນຍາສະບັບ
ນີ້. ພະນະທ່ານຈູມມະລີເວົ້າວ່າ ເພາະ ສະນັ້ນ ສປປ ລາວຂໍຖືໂອກາດນີ້ ຮຽກຮ້ອງໃຫ້
ປະເທດຕ່າງໆ ທີ່ຍັງບໍ່ທັນໄດ້ເປັນ ພາຄີ ພິຈາລະນາເຂົ້າເປັນພາຄີ ເພື່ອໃຫ້ສົນທິສັນ
ຍານີ້ ມີລັກສະນະຈັກກະວານ ຫຼາຍຂຶ້ນເລື້ອຍໆ ແລະພ້ອມດຽວກັນ ສປປ ລາວກໍຂໍ
ຮຽກຮ້ອງໃຫ້ບັນດາປະເທດ ເພື່ອນມິດ ແລະອົງການຈັດຕັ້ງສາກົນ ສືບຕໍ່ໃຫ້ການຊ່ອຍ
ເຫລືອໃນດ້ານທຶນຮອນ ແລະເຕັກນິກເພື່ອນຳໃຊ້ໃນການແກ້ໄຂດັ່ງກ່າວ.

ພະນະທ່ານຈູມມະລີກ່າວວ່າ ປີນີ້ ເປັນໂອກາດຄົບຮອບ 60 ປີ ທີ່ ສປປ ລາວ ໄດ້ເຂົ້າ

ເປັນສະມາຊິກຂອງອົງການສະຫະປະຊາຊາດ ແລະໄດ້ເຂົ້າຮ່ວມເຄື່ອນໄຫວວຽກງານ
ຂອງທາງອົງການມາໂດຍຕະຫລອດ.

ເຊີນຟັງ ຄຳປາໄສ ປະທານປະເທດ ຈູມມະລີ ໄຊຍະສອນ 9

ພະນະທ່ານຈູມມະລີ ກ່າວວ່າ ສ​ປ​ປ ລາວ ຢາກປະກອບສ່ວນເຂົ້າໃນວຽກງານຂອງສະ
ພາສິດທິມະນຸດ ຍ້ອນ ສປປ ລາວ ແມ່ນໃຫ້​ຄວາມ​ສຳ​ຄັນ​ແກ່ວຽກງານສົ່ງ​ເສີມ ແລະປົກ
ປ້ອງສິດ​ທິ​ມະ​ນຸດມາໂດຍຕະຫລອດ ແລະໄດ້ເຂົ້າເປັນພາຄີສົນທິສັນຍາວ່າດ້ວຍສິດທິ
ມະນຸດ 7​ ສະບັບຂອງສະຫະປະຊາຊາດ.

ເຊິີນຟັງ ຄຳປາໄສ ປະທານປະເທດ ຈຸມມະລີ ໄຊຍະສອນ 10

ພະນະທ່ານຈູມມະລີກ່າວວ່າ ປີນີ້ ເປັນປີທີ່ມີຄວາມສຳຄັນເປັນພິເສດຂອງວົງຄະນາຍາດ
ສາກົນ ໂດຍສະເພາະແມ່ນການຮັບຮອງເອົາວາລະການພັດທະນາແບບຍືນຍົງ ຊຶ່ງພະ
ນະທ່ານໄດ້ສະຫລຸບວ່າ:

ເຊີນຟັງ ຄຳປາໄສ ປະທານປະເທດ ຈູມມະລີ ໄຊຍະສອນ 11

CHOUMMALY SAYASONE, President of the Lao People’s Democratic Republic, said that the international community must undertake comprehensive reform of the Organization so that it could respond to emerging challenges more effectively. He welcomed the adoption of the new Development Agenda, and noted that to realize its goals and targets States must honour the political commitment to strengthening global partnership and cooperation at all levels. Praising the parties that had reached agreement on Iran’s nuclear programme, he said the issue of Palestine should be resolved peacefully with two independent States, Palestine and Israel living side by side in peace based on the Arab Peace Initiative and the borders recognized in relevant resolutions. He welcomed the re-establishment of diplomatic relations between the United States and Cuba and hoped it would lead to an end to the embargo.

Turning to the huge impact of climate change, especially on the least developed countries, he said it was incumbent upon the international community to help them build long-term capacity. He hoped the upcoming Climate Conference in Paris would adopt measures to address climate change in the coming years. On regional matters he noted that ASEAN aimed to build an integrated economic community by the end of 2015. His country would assume ASEAN chairmanship in 2016, the first year of that community.

This year was also his country’s fortieth anniversary, he said. It had gone through a period of healing the wounds of war and advancing national development. However, challenges remained from the impact of regional and global economic and financial crises and natural disasters. He called on development partners to continue their support for sustainable development. Another obstacle to development was the legacy of war on agriculture and people’s livelihood, development of infrastructure and investment programmes in areas contaminated by unexploded ordnance. Their clearance required huge resources. He called upon those countries not yet party to the Convention on Cluster Munitions to accede to it. Party to seven international human rights instruments, the Lao People’s Democratic Republic had put forth its candidacy for membership in the Human Rights Council for the period 2016-2018. He looked forward to support for that candidacy.