ພີ່ນ້ອງ ຄໍາມ່ວນ ພົບພໍ້ກັນ ທີ່ນະຄອນ Montreal ປະເທດ ການາດາ (ສະໄລດ໌)

ທ່ານ​ຜູ້​ຟັງ​ທີ່​ເຄົາ​ຣົບ ລາຍ​ການ​ຊີ​ວິດ​ຊາວ​ລາວ​ໃນ​ຕ່າງ
​ແດນຂອງ​ເຮົາແລງ ວັນ​ພະ​ຫັດ​ມື້​ນີ້ ຂ້າ​ພະ​ເຈົ້າຈະ​ນຳ​ພາ​ທ່ານ ​
ໄປທຳຄວາມຮູ້ຈັກກັບການເຕົ້າໂຮມພົບປະສັງສັນ ຂອງ​ພີ່​ນ້ອງ​
ຊາວຄຳມ່ວນທີ່​ໄດ້​ຍົກ​ຍ້າຍ​ມາ​ຕັ້​ງ​ຖິ່ນ​ຖານ​ຢູ່ນອກ​ປະ​ເທດ ຫຼັງ​
ຈາກ​ໄດ້ມີການ​ປ່ຽນ ​ແປງລະ​ບອບການປົກ​ຄອງ​ ໃນລາວ ເມື່ອ
ປີ 1975. ພວກເຂົາ​ເຈົ້າ​ໄດ້​ນັດ​ໝາຍໄປເຕົ້າ​ໂຮມເພື່ອ​ພົບ​ພໍ້
ຖາມ​ຂ່າວ​ຄວາມ​ສຸກ​ທຸ​ກຊຶ່ງກັນແລະກັນ​ ຫຼັງ​ຈາກ​ໄດ້​ພັດ​ພາກ​
ຈາກ​ກັນມາ​ເປັນເວ​ລາ ເກືອບ 40 ປີ ຢູ່ທີ່​ນະ​ຄອນ Montreal
ປະ​ເທດ​ກາ​ນາ​ດາ.

ນະ​ຄອນ Montreal ເປັນ​ຫົວເມືອງ​ທີ່ໃຫ​ຍ່​ທີ່ສຸດ ໃນແຂວງ
Quebec ແລະໃຫ​ຍ່​ເປັນອັນ ດັບສອງ​ຂອງການາດາ ຮອງ
ຈາກນະຄອນ Toronto. ​ອີງ​ຕາມ​ໂຕເລກຂອງປີ 2011 ນະ
ຄອນ Montreal ມີ​ປະ​ຊາ​ກອນ​ຢູ່ 1 ລ້ານ 6 ແສນກວ່າຄົນ ໃນນັ້ນແລະເຂດ​ຊານ​ເມືອງ ອ້ອມແອ້ມມີຊາວລາວປະມານ 7 ຫາ 8 ພັນກວ່າຄົນອາໄສຢູ່ ຮວມທັງຄົນລາວ ທີ່ມາຈາກ ແຂວງຄຳມ່ວນ.

ກ່ຽວກັບການພົບພໍ້ສັງສັນຂອງພີ່​ນ້ອງ​ຊາວແຂວງຄຳມ່ວນໃນຄັ້ງນີ້ ຂ້າພະເຈົ້າໄດ້ມີໂອ
ກາດໂອ້ລົມກັບທ່ານກັອກ ສຸຣິຍະເດດ ທີ່ປຶກສາພ້ອມທັງເປັນຄະນະກຳມະການໃນ ການຈັດງານຊຶ່ງທ່ານໄດ້ເລົ່າສູ່ຟັງເຖິງຄວາມຄິດລິເລີ້ມແລະການຕັດສິນໃຈຈັດງານພົບ
ພໍ້ກັນໃນເທື່ອນີ້ທີ່ ນະຄອນ Montreal:

ຟັງການສໍາພາດ ທ່ານກັອກ ສຸຣິຍະເດດ

ງານພົບພໍ້ສັງສັນຂອງພີ່ນ້ອງຊາວແຂວງຄຳມ່ວນເລີ້ມຂຶ້ນໃນມື້ວັນເສົາທີ 31 ສິງຫາ ທີ່
ສວນ ສາທາລະນະ Parc Michel Chartrand ໃນເຂດເມືອງລອງເກີຍ ດ້ວຍພິ​ທີບາ
ສີສູ່ຂວັນ ກິນເຂົ້າສາມັກຄີ ການເລົ່າສຸກເລົ່າຄວາມສຸກທຸກສູ່ກັນຟັງ ຂອງຍາດສະນິດ
ມິດສະຫາຍທີ່ໄດ້ ພັດພາກຈາກກັນມາເປັນເວລາດົນງານທ່າມກາງການບັນເລງຂອງ
ວົງດົນຕີຫຼາຍໆຄະນະຕັ້ງ ແຕ່ເຊົ້າຈົນຮອດ 6 ໂມງແລງ. ບັນຍາກາດຂອງງານ ໄດ້ດຳ
ເນີນໄປ ດ້ວຍຄວາມມ່ວນຊື່ນ ເປັນກັນເອງ ມີອາຫານການ​ກິນ​ຢ່າງ​ຫຼາກ​ຫຼາຍບໍການ
ຕະຫລອດ​ເວ​ລາຮວມທັງເຂົ້າປຽກຕ່ອນ ຂາງົວປິ່ນພ້ອມທັງເຫຼົ້າຢາປາແປ້ງຊຶ່ງ​ມີ​ພີ່ນ້ອງ
ຊາວ​ແຂວງ​ຄຳ​ມ່ວນ​ ໃນ​ເຂດ​ທ້ອ​ງຖິ່ນ ເປັນ​ຜູ້​ຈັດ​ແຈງ ແລະ​ ອຳ​ນວຍ​ຄວາມ​ສະ​ດວກ
ພິ​ເສດ​ສຸດກໍໄດ້ແກ່ຍາເອື້ອຍແກ້ວຕາ ແລະເກືອບທຸກໆຄົນ ທີ່ໄປຮ່ວມໃນງານ ຕ່າງກໍ
ເວົ້າເປັນສຽງດຽວກັນວ່າ ມ່ວນຫຼາຍ.

ງານລາຕີສະໂມສອນ ຫລື ງານພາຕີ້ໃຫຍ່ເຕົ້າໂຮມລູກຫລານພະຍາສີໂຄດ ຊຶ່ງຈັດຂຶ້ນ
ຢູ່ທີ່ Plaza Antique ເລີ້ມດ້ວຍການກ່າວເປີດ ຂອງທ່ານຄຳກົງ ປະທານຈັດງານຕິດ
ຕາມດ້ວຍການຮ້ອງຊື່ພີ່ນ້ອງແຂວງຄຳມ່ວນທີ່ເດີນທາງມາຈາກຫຼາຍປະເທດການຮ້ອງ ເພງນຶ່ງໃນອານາ ຂອງສີລາວົງຮ່ວມກັນ ການໂຊຝີມືຂອງວົງດົນຕີຄະນະຕ່າງໆ ແລະ ການສະແດງຟ້ອນ.

ພີ່ນ້ອງແຂວງຄຳມ່ວນຜູ້ນຶ່ງຈາກປະເທດຝຣັ່ງເວົ້າວ່າ ການພົບພໍ້ກັນຢູ່ Montreal ນີ້ຖື
ວ່າ ເປັນການເລີ້ມຕົ້ນ ແລະທາງກຸງປາຣີກໍຫວັງວ່າ ຈະໄດ້ເປັນເຈົ້າພາບໃນຂັ້ນຕໍ່ໆໄປ.

ຟັງການສໍາພາດ ທ່ານເສຣີ ອົມພິທັກ

ທ່ານຄຳເພັດ ຈາກລັດຄາລີຟໍເນຍກໍເວົ້າວ່າ ດີໃຈຫລາຍທີ່ໄດ້ມາພົບໜ້າພໍ້ຕາໝູ່ເພື່ອນ ທີ່ໄດ້ພັດພາກຈາກກັນມາເປັນເວລາດົນນານ.

ຟັງການສໍາພາດ ທ່ານຄໍາເພັດ ສີວິໄລ

ທ່ານຄຳສະແຫວງ ໄຊຊະນະ ຄົນແຂວງຄຳມ່ວນອີກຜູ້ນຶ່ງ ຈາກພາກຕາເວັນຕົກການາ
ດາ ກໍ ສະແດງຄວາມຕື່ນເຕັ້ນດີໃຈ ກ່ຽວກັບງານໃນຄໍ່າຄືນມື້ນີ້.

ຟັງການສໍາພາດ ທ່ານຄໍາສະແຫວງ ໄຊຊະນະ

ນອກຈາກຄົນແຂວງຄຳມ່ວນແລ້ວ ພີ່ນ້ອງຊາວລາວໃນເຂດອ້ອມແອ້ມນະຄອນ Montreal
ກໍ ໄປຮ່ວມໃນງານພົບພໍ້ສັງສັນຄັ້ງນີ້ຄືກັນ.

ຟັງການສໍາພາດ ທ່ານສົມໃຈ ມະນິຣັດ

ສ່ວນທ່ານບຸນເລີດ ມາລາວົງ ກໍເປັນຄົນລາວອີກຜູ້ນຶ່ງ ທີ່ໄປຮ່ວມໃນງານຣາຕີສະໂມ
ສອນ ຂອງພີ່ນ້ອງແຂວງຄຳມ່ວນ ຊຶ່ງທ່ານໃຫ້ການຊີ້ແຈງເພີ້ມຕື່ມວ່າ:

ຟັງການສໍາພາດ ທ່ານບຸນເລີດ ມາລາວົງ

ພ້ອມດຽວກັນ ພວກທີ່ເປັນເຂີຍທ່າແຂກກໍພາລູກເມຍເດີນທາງໄປຮ່ວມງານພົບພໍ້ສັງ
ສັນໃນຄັ້ງ ນີ້ ຊຶ່ງເຂີຍທ່າແຂກຄົນນຶ່ງ ຈາກລັດອິລລີນອຍ ສະຫະລັດ ໃຫ້ການຊີ້ແຈງ ກ່ຽວກັບການເດີນ ທາງໄປຮ່ວມໃນເທື່ອນີ້ວ່າ:

ຟັງການສໍາພາດ ທ່ານສົມສະໜິດ ສຸດທິວົງນະຣາດ

ເຂີຍທ່າແຂກອີກຄົນນຶ່ງ ຈາກລັດ Connecticut ບອກວ່າ ງານສັງສັນໃນຄັ້ງນີ້ ມ່ວນ
ຫຼາຍ.

ຟັງການສໍາພາດ ທ່ານບຸນມາ ສຸກແສງຈັນ

ບັນຍາກາດຂອງງານຣາຕີສະໂມສອນໃນຄໍ່າຄືນມື້ນີ້ ຄົງບໍ່ມີໃຜໃຫ້ການບັນລະຍາຍສູ່
ຟັງໄດ້ ດີໄປກວ່າ ທ່ານອະນຸສັກ ທັມມະວົງສາ ສິນລະປິນອະວຸໂສ ຈາກເຂດນະຄອນ Montreal.

ຟັງການສຳພາດ ທ່ານອະນຸສັກ ທັມມະວົງສາ

ທ່ານຄຳກົງ ປະທານຈັດງານໃນຄັ້ງນີ້ ກ່າວສະຫລຸບສູ່ຟັງວ່າ:

ຟັງການສໍາພາດ ທ່ານຄໍາກົງ ພົມມະຣິນ

ຕໍ່ຄຳຖາມທີ່ວ່າ ອີກດົນປານໃດ ພີ່ນ້ອງຊາວແຂວງຄຳມ່ວນຈຶ່ງຈະໄດ້ພົບພໍ້ກັນອີກ ທ່ານຄຳກົງ ເວົ້າວ່າ ຈະບໍ່ໄວກວ່າ 2 ປີ ບໍ່ຊ້າກວ່າ 4 ປີ ແລະນະຄອນ Montreal ຈະ ເປັນເຈົ້າພາບຕື່ມ ອີກຫລືບໍ່ນັ້ນ ທ່ານຄຳກົງໃຫ້ຄຳຕອບວ່າ:

ຟັງການສໍາພາດ ທ່ານຄໍາກົງ ພົມມະຣິນ

ງານພົບພໍ້ສັງສົນຄົນແຂວງຄຳມ່ວນໃນເທື່ອນີ້ ນອກຈາກທ່ານຄຳກົງ ແລະຍາເອື້ອຍ
ແກ້ວຕາ ແລ້ວກໍຍັງມີຫົວແຫ່ວຫົວແຮງ ຄົນສຳຄັນໆ ຮວມທັງທ່ານສີຍົນ ແພງວົງສັກ ທ່ານນິນລະຄອນທີ ອິນທະນະວົງ ທ່ານຄຳປຣະເສີດ ແສງດາຣາແລະຄະນະກຳມະ
ການ ອື່ນໆອີກຫຼາຍໆຄົນ.

ເບິ່ງສະໄລດ໌ ພີ່ນ້ອງຊາວຄຳມ່ວນ ພົບພໍ້ກັນ.

ພີ່ນ້ອງຄໍາມ່ວນ ເຕົ້າໂຮມກັນ ທີ່ Montreal