Your browser doesn’t support HTML5
ນັ້ນຄືສຽງໂຮງຮ້ອງທີ່ດັງຂຶ້ນ ເປັນໄລຍະໆ ຂອງການໂຮມຊຸມນຸມປະທ້ວງຢ່າງສັນຕິ
ຂອງປະຊາຄົມລາວໃນຕ່າງແດນ ຕໍ່ໜ້າສະຖານເອກອັກຄະລັດຖະທູດລາວ ປະຈຳ
ນະຄອນຫຼວງ ວໍຊີງຕັນ ດີຊີ. ທ່າມກາງບັນຍາກາດທີ່ໜາວເຢັນ ທັງມີຝົນປອຍລົງມາ
ເປັນຊ່ວງໆ ຂອງວັນທີ 01 ທັນວາ ນຶ່ງມື້ ກ່ອນເຖິງວັນທີ 2 ທັນວາ ຊຶ່ງເປັນວັນປະກາດ
ເປັນປະເທດສາທາລະນະລັດ ປະຊາທິປະໄຕ ປະຊາຊົນລາວ ນັ້ນ ນອກຈາກມີການ
ພັດປຽນກັນຂຶ້ນກ່າວຄຳສະເໜີ ຫລືຂໍ້ຄວາມຕ່າງໆຂອງພວກໂຮມຊຸມນຸມແລ້ວ ກໍຍັງ
ມີການຍົກທຸງຊ້າງສາມຫົວ ແລະປ້າຍທີ່ຂຽນຂໍ້ຄວາມຕ່າງໆນາໆ ອີກມາກມາຍ
ທີ່ບົງບອກເຖິງຈຸດປະສົງຂອງການໂຮມຊຸມນຸມປະທ້ວງຄັ້ງນີ້. ມີຜູ້ຕາງໜ້າຂອງຫຼາຍ
ກວ່າ 10 ອົງການເຂົ້າຮ່ວມ ທັງຈາກສະຫະລັດອາເມຣິກາ ແລະຕ່າງປະເທດ ເຂົ້າມາ
ຮ່ວມເພື່ອເປັນກະບອກສຽງໃຫ້ແກ່ຊາວລາວໃນໂລກເສລີ ເພື່ອສະແດງອອກ ຊຶ່ງຄວາມ
ຮູ້ສຶກນຶກຄິດ ທີ່ສະແຫວງຫາຄວາມມີອິດສະຫຼະພາບໃນການປາກເວົ້າຢ່າງສັນຕິ
ແລະການດຳລົງຊີວິດທີ່ປາດສະຈາກການຖືກກົດຂີ່ຂົ່ມເຫັງຈາກພວກກຳອໍານາດ
ການປົກຄອງ.
ນຶ່ງມື້ກ່ອນໜ້າການປະທ້ວງ ກໍຄືວັນທີ 30 ພະຈິກ ໂດຍນຳພາໂດຍທ່ານໄມ ໄຊຍະວົງ,
ເອກອັກຄະລັດຖະທູດລາວ ປະຈຳສະຫະລັດ, ການາດາ ແລະເມັກຊິໂກ, ທາງສະຖານ
ເອກທູດລາວກໍໄດ້ພາກັນຈັດສະຫຼອງວັນຊາດຂຶ້ນ ແລະກໍໄດ້ເຊື້ອເຊີນພໍ່ແມ່ ພີ່ນ້ອງ
ຊາວລາວອາເມຣິກັນ ທີ່ອາໄສຢູ່ໃນເຂດລັດອ້ອມແອ້ມນະຄອນວໍຊິງຕັນ ເຂົ້າໄປຍັງ
ສະຖານທູດເພື່ອຮ່ວມສະເຫຼີມສະຫຼອງວັນຊາດດັ່ງກ່າວ.
Your browser doesn’t support HTML5
ເຖິງແມ່ນວ່າອາກາດຈະໜາວເຢັນແລະຝົນຕົກລົງມາກໍຕາມ ມັນກໍບໍ່ໄດ້ກີດຂວາງ
ການໂຮມຊຸມນຸມປະທ້ວງຊຶ່ງ ທ່ານວັນລັງ ຄຳສຸກ ປະທານການໂຮມຊຸມນຸມປະທ້ວງ
ໄດ້ໃຫ້ໂອ້ລົມກັບນັກຂ່າວວີໂອເອ ຜ່ານການສຳພາດວ່າ:
Your browser doesn’t support HTML5
ນອກຈາກທ່ານວັນລັງໃຫ້ສຳພາດກັບວີໂອເອແລ້ວ ກໍຍັງມີທ່ານພອນ ພົມມະສານ
ຄຸນພໍ່ທີ່ສອນສາສະໜາຢູ່ໃນໂບດ Lao Mission Church ຈາກລັດ ຄອນແນັກຕິກັດ
ອອກຄວາມຄິດຄວາມເຫັນກ່ຽວກັບການຈຳກັດຮັດແຄບທາງສາສະໜາ ໃນລາວວ່າ:
Your browser doesn’t support HTML5
ການໂຮມຊຸມນຸມປະທ້ວງແບບດຽວກັນນີ້ ໃນຊ່ວງນີ້ ແມ່ນມັກຈະມີຂຶ້ນເປັນປະຈຳ
ທຸກປີ ເພາະໃນຄວາມນຶກຄິດຂອງພວກປະທ້ວງເຫຼົ່ານີ້ຖືວ່າ ວັນທີ 2 ທັນວາ
ເປັນວັນອຸບາດ ທີ່ນຳມາຊຶ່ງການປ່ຽນແປງການປົກຄອງໄປ ສູ່ລະບອບຄອມມຸຍນິດ
ທີ່ມີພັກດຽວ ແລະລັດຖະບານແມ່ນຖືວ່າມີອຳນາດສູງສຸດ ເໜືອປະຊາຊົນໃນປະເທດ
ເຖິງແມ່ນວ່າ ຈະມີຜູ້ອອກມາປະທ້ວງໃນຈຳນວນໜ້ອຍແລະມີຜູ້ຕາງໜ້າພຽງແຕ່
ສິບກວ່າອົງການເທົ່ານັ້ນ ກໍຕາມ ແຕ່ຄວາມໝາຍໝັ້ນຕັ້ງໃຈທີ່ພວກເຂົາເຈົ້າຢາກ
ນຳສະເໜີໃນຂໍ້ຄວາມຕ່າງໆ ໃຫ້ໄປຮອດໄປເຖິງທ່ານປະທານປະເທດ, ລັດຖະມົນຕີ
ແລະຫົວໜ້າກົມຕ່າງໆ ອັນລວມມີ ການສະເໜີໃຫ້ລະບອບການປົກຄອງຄອມມຸຍນິດ
ທີ່ມີພຽງພັກດຽວນັ້ນປ່ຽນແປງ ແລະເປີດກວ້າງ ໃຫ້ມີຫຼາຍພັກຝ່າຍ. ເປີດໃຫ້ປະຊາຊົນ
ມີສິດເສລິພາບໃນການປາກເວົ້າໃນປະເທດຂອງພວກເຂົາເຈົ້າເອງ ຊຶ່ງທ່ານວັນລັງ
ກ່າວສະຫຼຸບດັ່ງນີ້.
Your browser doesn’t support HTML5