ເງິນກີບລາວອອ່ນຄ່າສູງເປັ​ນ​ປະ​ຫວັດ​ການ ເຮັດໃຫ້ເເຮງງານຊາວໜຸ່ມລາວ ໄປເຮັດວຽກຢູ່ຕ່າງປະເທດຫຼາຍຂຶ້ນ

ຄ່າເງິນກີບທີ່ອອ່ນຄ່າຕໍ່ເງິນຕາຕ່າງປະເທດມີບົດບາດຢູ່ໃນປະເທດລາວ ຢ່າງ ເງິນບາດ ເເລະ ໂດລາ ຍັງຄົງສຶບຕໍ່ທີ່ຈະມີຜົນກະທົບຕໍ່ເສດຖະກິດລາວໄປ ຢ່າງຕໍ່ເນື່ອງ ເຮັດໃຫ້ເເຮງງານລາວສະເເຫວງຫາຫົນທາງອອກໄປເຮັດວຽກຢູ່ ຕ່າງປະເທດໂດຍສະເພາະເເມ່ນປະເທດໄທ, ເກົາຫຼີໃຕ້, ເເລະ ຍີ່ປຸ່ນ ເປັນຈຳນວນຫຼວງຫຼາຍ.

ເງີນກີບລາວອອ່ນຄ່າສູງທີ່ສຸດໃນປະຫວັດສາດ ເຮັດໃຫ້ເເຮງງານຊາວໜຸ່ມລາວ ໄປເຮັດວຽກຢູ່ຕ່າງປະເທດຫຼາຍຂຶ້ນ

ຄ່າເງິນກີບຂອງປະເທດລາວຍັງຄົງຕົກຕໍ່າຢ່າງບໍ່ມີນະໂຍບາຍໃດຈະມາຢຸດຢັ້ງໄດ້ ເພາະໃນປະເທດລາວມີການເເລກປ່ຽນເງິນຕາຊະຊາຍຕາມຮ້ານຂາຍ ເຄື່ອງ ເເລະ ຕາມບຸກຄົນທີ່ຮັບເເລກປ່ຽນຕ່າງໆໂດຍສະເພາະອັດຕາເເລກ ປ່ຽນຂອງທະນາຄານທີ່ຄົງຢູ່ປະມານ 21,000 ກີບ ເເຕ່ອັດຕາເເລກປ່ຽນ ດ້ານນອກ ຫຼື ເອີ້ນກັນວ່າ ເຫຼດນອກ ເເມ່ນຢູ່ທີ່ປະມານ 26,000 ກີບຕໍ່ 1 ໂດລາ.

ຄວາມຫຼົ້ມເເຫຼວໃນການຄວບຄຸມອັດຕາເເລກປ່ຽນ ເເລະ ເສດຖະກິດທີ່ພ້ອມ ຈະລົ້ມລະລາຍໄດ້ທຸກນາທີ ບີບບັງຄັບໃຫ້ເເຮງງານໄວໜຸ່ມລາວຕັດສິນໃຈ ອອກຈາກບ້ານເກີດເພື່ອໄປຫາລາຍໄດ້ຢູ່ໃນຕ່າງປະເທດເຊິ່ງທາງສຳນັກຂ່າວ VOA ໄດ້ຮວບໂຮມປະສົບການ ເເລະ ເຫດຜົນຂອງເເຮງງານລາວຜູ້ທີ່ ກຳລັງເຮັດວຽກໃນປະເທດເກົາຫຼີ, ຍີ່ປຸ່ນ, ເເລະ ໄທ.

ເເຮງງານລາວຜູ້ໜຶ່ງອາຍຸ 24 ປີທີ່ເຮັດວຽກຢູ່ເກົາຫຼີໄດ້ມາເກືອບ 2 ປີເຊິ່ງຜູ້ ກ່ຽວມີຄວາມມຸ່ງໝັ້ນຢາກຈະຮຽນຕໍ່ເເຕ່ດ້ວຍສະພາບເງິນເຝີ້ ເເລະ ເສດຖະ ກິດທີ່ຝືດເຄືອງເຮັດໃຫ້ລາວຈຳເປັນຕ້ອງໄດ້ອອກຈາກບ້ານເກີດເພື່ອໄປເຮັດ ວຽກຢູ່ທີ່ເກົາຫຼີ.

ຜູ້ກ່ຽວໄດ້ໃຫ້ສຳພາດວ່າ: “ຕອນອ້າຍມາການເເຂ່ງຂັນບໍ່ຫຼາຍຂະໜາດນີ້, ຊ່ວງປີເເລ້ວຄົນມັນບໍ່ມາຫຼາຍຂະໜາດນີ້. ເງີນບາດເຮົາມັນກະເຟີ້ເເຮງຫຼາຍ ຫັ້ນນະ ເເຕ່ກ່ອນເງິນເດືອນ 4-5 ລ້ານກະຢູ່ໄດ້ລະ ເເຕ່ດຽວນີ້ມັນຮູ້ສຶກວ່າ ມັນເຟີ້ເເຮງ ເດືອນຊົນເດືອນຫັ້ນນະກະເຮັດໃຫ້ຫຼາຍຄົນຢາກມາ. ຄືຮູ້ຫັ້ນ ເເຫລະ ຮຽນຈົບມາໄດ້ເງິນ 2-3 ລ້ານ ຖືວ່າສູງເເຕ່ກໍຍັງບໍ່ພຽງພໍຫັ້ນນະ ຫາໄດ້ຫຼາຍກະຈ່າຍຫຼາຍບໍ່ມີເກັບ.”

ຍ້ອນຄ່າເງິນທີ່ສູງກວ່າການເຮັດວຽກຢູ່ພາຍໃນປະເທດ, ລາວຕັດສິນໃຈທີ່ຈະ ຢູ່ຕໍ່ພ້ອມກັບເວົ້າອີກວ່າ:

“ຄັນເສດຖະກິດຍັງເປັນເເບບນີ້ນະຄັນກັບໄປລາວ ຮູ້ສຶກວ່າຊິຢູ່ປະມານ 6-7 ປີຕື່ມໃດ໋ ເເຕ່ກະຍັງສັງເກດເບິ່ງວ່າຄັນກັບໄປລະ ເຮັດຫຍັງໄດ້ເເດ່ ໄດ້ເງິນເດືອນເທົ່າກັບເກົາຫຼີເນາະ ຄົນທີ່ເຮັດວຽກຫ້ອງການ ຍັງອອກມາ ເຮັດວຽກຢູ່ເກົາຫຼີ ຄັນຫາວຽກທີ່ໄດ້ເງິນໄດ້ເທົ່າຢູ່ເກົາຫຼີ ລະຄ່ອຍຊິກັບ ຄັນກັບໄປເລີ່ມຕົ້ນນ່າຈະຢູ່ບໍ່ໄດ້.”

ເຊັ່ນດຽວກັນກັບເເຮງງານລາວ ແມ່ຍິງລາວອາຍຸ 27 ປີທີ່ເຮັດວຽກຢູ່ປະເທດ ຍີ່ປຸ່ນມາໄດ້ເກືອບ 3 ປີ ເເລະ ເປັນເເຮງງານຢູ່ໂຮງງານເເປຜັກສຳເລັດຮູບ ເເຫ່ງໜຶ່ງທີ່ປະເທດຍີ່ປຸ່ນ ຫຼັງຈາກທີ່ເຄີຍເຮັດວຽກເປັນພະນັກງານຮ້ານຂາຍ ເຄື່ອງປະດັບຢູ່ລາວມາເປັນເວລາຫຼາຍປີ ເຊິ່ງສາເຫດທີ່ລາວຕັດສິນໃຈໄປ ເຮັດວຽກຢູ່ຍິ່ປຸ່ນຍ້ອນຄ່າເເຮງງານທີ່ຫຼາຍກວ່າ ເເລະ ສະພາບເສດຖະກິດ ຢູ່ລາວ.

“ມາ 2018 ເເລ້ວກັບ 2022 ຕອນຊ່ວງເດືອນ 4 ນີ້ເເຫລະກັບມາລາວ 2 ປີເເລ້ວກໍມາໃໝ່ອີກ. ວ່າຊິກັບມາພັກຜ່ອນນີ້ເເຫລະ ເບິ່ງເສດຖະກິດບ້ານ ເຮົາບໍ່ຄ່ອຍດີກໍເລີຍກັບມາຄືນ. ດີເເລ້ວທີ່ຕັດສິນໃຈ ກ້າມາຍີ່ປຸ່ນໃນຕອນນັ້ນ. ເຖິງເເມ່ນເສດຖະກິດດີຂຶ້ນກໍມີເເຕ່ຢາກກັບໄປຍາມພີ່ເເມ່ພີ່ນ້ອງ ຍາມນ້ອງ ຢູ່ເເຕ່ຕອນນີ້ຂໍຢູ່ຍີ່ປຸ່ນຈົນບໍ່ມີເເຮງເຮັດວຽກພຸ້ນເເຫລະ ຄັນເປັນໄປໄດ້ກະ ຢາກຢູ່ພີ້ເລີຍ.”

ນາງເວົ້າຕຶ່ມອີກວ່າ:” ຂ້ອຍກະເລີຍຄິດວ່າເຖິງເເມ່ນວ່າເສດຖະກິດຍີ່ປຸ່ນຈະເງິນເຟີ້ເຂົາກະຍັງສາ ມາດຄວບຄຸມໄດ້ ລາຄາສິນຄ້າມັນກະຊິຂຶ້ນເເນ່ຖ້າປຽບທຽບກັບເລດເງິນບ້ານ ເຮົາ ເພາະເຮົາພໍກິນຢູ່ພີ້ເເນ່ເເລ້ວກໍຝາກກັບບ້ານຍັງເຫຼືອຫຼາຍກວ່າການ ທີ່ເຮົາກົ້ມໜ້າກົ້ມຕາເຮັດວຽກຢູ່ລາວ ເເຕ່ເງິນເດືອນກໍໍ​ຊ່ຳເກົ່າ. ຖ້າເຮັດວຽກ ເສີບຢູ່ລາວ 8 ຊົ່ວໂມງເທົ່າກັນກັບຢູ່ ຍີ່ປຸ່ນ ເລີຍວຽກກາງຄືນອີກຍັງໄດ້ ເງິນເເຕ່ 1 ລ້ານ ຫາ 2 ຕໍ່ລ້ານຄັນເຮັດຢູ່ ຍີ່ປຸ່ນ ມັນໄດ້ 5 ພັນ ຫຼື 6 ພັນເຢັນ ຕໍ່ມື້ ຊ່ຳ​ກັບ ເງິນເດືອນ 1 ເດືອນຢູ່ລາວ.”

ເເຮງງານລາວອາຍຸ 22 ປີທີ່ເຮັດວຽກຢູ່ປະເທດໄທກໍປະສົບບັນຫາການເງິນ ໃນຊີວິດເຖິງເເມ່ນວ່າລາວຈະສາມາດເສັງຕິດມະຫາວິທະຍາໄລເເຫ່ງຊາດຢູ່ນະຄອນຫຼວງວຽງຈັນໄດ້ ເເຕ່ກໍບໍ່ສາມາດຮຽນຕໍ່ຍ້ອນເສດຖະກິດທາງຄອບຄົວ ເເລະ ສະພາບການເງິນທີ່ຝືດເຄືອງ.

ທ້າວໄດ້ກ່າວວ່າ” ຈົບມໍ 7 ມາປີໜຶ່ງເນາະບໍ່ໄດ້ຮຽນບໍ່ໄດ້ຮຽນບໍ່ໄດ້ເສັງ ລະໄປຫາເງິນກ່ອນ ຫາເງິນມາໄດ້ລະວ່າຊິມາຮຽນລະເສັງຕິດ ມຊ ລະຈັງໃດ ບຸລົມກັບພໍ່ຕູ້ ກັບ ອີພໍ່. ຄັນຮຽນໄປ ຄ່າໃຊ້ຈ່າຍເເຮງຊິສູງຂຶ້ນວ່າຊິໄປເສີບ ກະມີເເຕ່ເດືອນ 6-7 ເເສນກີບສູງສຸດມັນຄືຊິບໍ່ກຸ້ມກິນ ພໍ່ກະເປັນເເນວນີ້ເດ ເເມ່ກະເສຍລະຄັນເເມ່ຢູ່ກະຄືຊິໄດ້ຮຽນຢູ່ ເເມ່ເສຍມາລະບໍ່ໄດ້ຮຽນກະເລີຍ ຕັດສິນໃຈອອກມາໄປເຮັດວຽກຢູ່ວຽງໄດ້ 7-8 ລະໝູ່ຊວນມາໄທຈັກເດືອນ ລະບາດນີ້ມາເຮັດໄດ້ 4-5 ເດືອນວ່າຊິກັບໄປຢູ່ບ້ານເເຕ່ພີ່ນ້ອງຊວນໃຫ້ຢູ່ ລະຢູ່ພີ້ເລີຍ”

ຈາກປະສົບການທີ່ເປັນເເຮງງານລາຍໄດ້ຂັ້ນຕໍ່ຢູ່ລາວ, ທ້າວກໍເວົ້າຕື່ມ ອີກວ່າ:” ເຮັດຢູ່ລາວກະເຮັດ ເຮັດຢູ່ໄທກະເຮັດ ໂອ ບໍ່ພໍສາມມື້ເບີດ ຄືຊູ່ມື້ນີ້ ເເຮງເເລ້ວເລີຍ. ຖ້າຫາກວ່າເຮັດວຽກຂາຍເຄື່ອງທົ່ວໄປມັນກະມານ 1 ລ້ານ 8 ເເຕ່ເຮັດກໍ່ສ້າງເດືອນ 1 3 ລ້ານ. ເຮົາຫາຢູ່ບ້ານເຮົາເຮົາກະຈ່າຍເງິນເຮົາ ເຮົາຫາຢູ່ບ້ານເຂົາກະຈ່າຍເງິນເຂົາມັນກະໂອເຄຢູ່”

ຈາກການທີ່ເເຮງງານລາວໄຫຼ່ໄປສູ່ຕ່າງປະເທດຢ່າງເປັນຈຳນວນຫຼວງຫຼາຍເຮັດໃກ້ກະຊວງເເຮງງານ ເເລະ ສະຫວັດດີການສັງຄົມອອກມາວາງເເຜນເເກ້ ໄຂບັນຫາເເຮງງານຂາດເເຄນໃນປະເທດ. ເເຕ່ໃນທາງກັບກັນ ກະຊວງກໍຍັງ ສືບຕໍ່ສົ່ງເເຮງງານລາວໄປເຮັດວຽກຢູ່ຕ່າງເເດນໂດຍທີ່ບໍ່ຄຳນຶງເຖິງສະພາບຕະຫຼາດເເຮງງານໃນປະເທດເຊິ່ງສົ່ງຜົນກະທົບຕໍ່ທຸລະກິດຕ່າງໆໃນລາວທີ່ຕ້ອງການເເຮງງານຈຳນວນຫຼາຍ.