ກຸ່ມຄ້າຢາເສພຕິດ ໃນລາວ ກໍາລັງໃຊ້ ເຮືອບິນບໍ່ມີຄົນຂັບ ຫຼື ໂດຣນ ເພື່ອລັກລອບ ຂົນສົ່ງ ຢາເສບຕິດ ຂ້າມແມ່ນໍ້າຂອງ ຈາກລາວ ໄປ ໄທ ຫລາຍຂຶ້ນ. ໂດຍສະເພາະແມ່ນ ຢູ່ແຖວບັນດາແຂວງທີ່ຕັ້ງຢູ່ກົງກັນຂ້າມກັບພາກຕາເວັນອອກສຽງເໜືອຂອງປະເທດໄທ.
Your browser doesn’t support HTML5
ແກ້ງຄ້າຢາເສບຕິດເທັກໂນໂລຈີທີ່ທັນສະໄໝ ເຂົ້າໃນການລັກລອບຂົນສົ່ງຢາເສບຕິດ ລະຫວ່າງລາວ ແລະ ໄທ ຫຼາຍຂຶ້ນ
ພົນຕຳຫລວດໂທ ພານຸລັດ ຫລັກບຸນ, ເລຂາທິການ ຄະນະກຳມະການປາບປາມຢາເສບຕິດ ແຫ່ງຊາດໄທ (ປປສ.) ເປີດເຜີຍວ່າ: ກຸ່ມຄ້າຢາ ເສບຕິດ ໃນລາວ ໄດ້ໃຊ້ drones ໃນການລັກລອບ ຂົນສົ່ງ ຢາເສບຕິດ ຂ້າມແມ່ນໍ້າຂອງ ຈາກລາວມາໄທ ເພີ້ມຂຶ້ນນັບມື້ອ. ໂດຍສະເພາະບັນດາແຂວງທີ່ຕັ້ງຢູ່ກົງກັນຂ້າມກັບບັນດາແຂວງໃນພາກຕາເວັນອອກສຽງເໜືອ (ອີສານ) ຂອງໄທ ເປັນເຂດທີ່ມີການລັກລອບຂົນສົ່ງຢາບ້າ ແລະ ຢາໄອສ໌ຈາກລາວມາໄທຫຼາຍທີ່ສຸດ. ສິ່ງດັ່ງກ່າວສາມາດເຫັນໄດ້ຈາກການຈັບກຸມ ແລະ ຍຶດຢາເສບຕິດທີ່ເພີ່ມຂຶ້ນ ນັບຕັ້ງແຕ່ປີ 2023 ເປັນຕົ້ນມາ ດັງທີ່ພົນຕຳຫລວດໂທ ພານຸລັດ ຍືນຍັນວ່າ:
“ຢູ່ເຂດພາກຕາເວັນອອກສ່ຽງເໜືອ, ພວກເຮົາເຫັນໄດ້ວ່າ ໂດຣນຂະໜາດໃຫຍ່ໄດ້ຖືກນຳໃຊ້ເພື່ອບິນເຂົ້າສູ່ເຂດພາຍໃນແລະຈາກນັ້ນຖິ້ມເຄື່ອງຂອງແລ້ວບິນກັບຄືນໄປ, ພວກເຮົາຕ້ອງມອບເຄື່ອງມືໃຫ້ແກ່ກອງທັບ. ຫຼືໜ່ວຍງານລາດຕະເວນຕາມລຳແມ່ນ້ຳຂອງ ເພື່ອສະກັດກັ້ນ ລັດຖະບານໄດ້ມອບໝາຍໃຫ້ກອງທັບພາກທີ່ 2 ເປັນກອງບັນຊາການດ່ຽວຢູ່ພາກຕາເວັນອອກສ່ຽງເໜືອ. ເຊິງມັນກະສາມາດເຫັນໄດ້ວ່າປະສິດທິພາບໃນການສະກັດກັ້ນຢາເສບຕິດແມ່ນສູງຂື້ນຫຼາຍ ສົກປີ 2023 ທັງປີ ຢຶດໄດ້ 420 ລ້ານເມັດ ນັບແຕ່ເດືອນທັນວາ 2023 ມາຮອດປັດຈຸບັນ ຍືດໄດ້ 700 ກວ່າລ້ານເມັດ, ສ່ວນຫຼາຍຈະໄປທີ່ນະຄອນພະນົມ. ນອກຈາກນັ້ນ, ຍັງໄດ້ເລີ່ມການລັກລອບຄ້າຢາເສບຕິດເຂົ້າໄປໃນແຂວງບຶງການ. ແລະເຂົ້າໄປທີ່ອຸບົນລາດຊະທານີ."
ການເພີ່ມທະວີມາດຕະການເຂັ້ມງວດ ກວດກາຊາຍແດນ ລາວ-ໄທ ຕະຫຼອດປີ 2023 ສົ່ງຜົນໃຫ້ ທາງການໄທ ສາມາດ ຈັບ ແລະ ຍຶດຢາເສບຕິດ ທີ່ລັກລອບ ຂົນສົ່ງ ຈາກລາວມາໄທເພິ່ມຂື້ນຫຼາຍກວ່າ 130 ເທ່າ ເມື່ອທຽບໃສ່ ປີ 2022 ແລະເຂດທີ່ຍືດຢາເສບຕິດໄດ້ຫລາຍທີ່ສຸດນັ້ນ ແມ່ນເຂດຊາຍແດນແມ່ນ້ຳຂອງລະຫວ່າງແຂວງບໍລິຄຳໄຊກັບແຂວງນະຄອນພະນົມ, ແລະ ດ້ວຍວຽກງານດັ່ງກ່າວ, ອຳນາດການປົກຄອງໄທຍັງມີແຜນຈະເພີ່ມທະວີມາດຕະການເຂັ້ມງວດໃນການຕິດຕາມກວດກາໃນເຂດອື່ນໆຕາມເສັ້ນຊາຍແດນໄທ - ລາວ ໃນໄວໆນີ້. ລວມເຖິງການເພີ່ມມາດຕະການເຂັ້ມງວດເພື່ອຄວບຄຸມ ແລະ ກວດກາການນຳເຂົ້າສານເຄມີເຂົ້າມາໃນໄທ ເພື່ອສົ່ງຕ່ອໄປ ມຽນມາ ແລະ ປະເທດອື່ນໆໃນລຸ່ມນ້ຳຂອງ. ແລະຫວ່າງມໍ່ໆມານີ້, ເຈົ້າໜ້າທີ່ໄທສາມາດຍຶດສານເຄມີ "ໂທລູອີນ" ໄດ້ກວ່າ 90 ໂຕນທີ່ສົ່ງມາຈາກ ສ.ເກົາຫຼີ ແລະຈະສົ່ງໄປມຽນມາ. ສານເຄມີເຫຼົ່ານີ້ສາມາດຖືກນໍາໃຊ້ໃນການຜະລິດທັ້ງຍາບ້າ ຍາໄອສ໌ ແລະ ໂຄເຄນ. ດັ່ງທີ່ ທ່ານເສດຖາ ທະວີສິນ ນາຍົກລັດຖະມົນຕີໄທ ໄດ້ຖະແຫຼງຢືນຢັນວ່າ:
“ເຈົ້າໜ້າທີ່ຕຳຫຼວດໄທ ແລະ ຄະນະຄວບຄຸມຢາເສບຕິດໄດ້ຮ່ວມມືກັນໃນການຊອກຄົ້ນຫາທາດແທ້ຂອງການຜະລິດຢາເສບຕິດ, ນ້ຳກ້ອນ, ໂຄເຄນ, ແມ່ນສານໂທລູອີນ. ຂ້າພະເຈົ້າບໍ່ເຄີຍນໍາເຂົ້າສານປະເພດນີ້ມາກ່ອນ, ສະນັ້ນເປັນທີ່ຈະແຈ້ງວ່າພວກເຮົາແມ່ນຜ່ານຈາກເກົາຫຼີໄປພະມ້າ. ໃນປັດຈຸບັນໄດ້ມີການຂະຫຍາຍຢ່າງເຕັມທີ່ໃນເລື່ອງນີ້. ຈະມີການອອກໂທຫາບໍລິສັດທີ່ນໍາເຂົ້າມັນເປັນເລື່ອງນີ້. ມັນເປັນສິ່ງສໍາຄັນເນື່ອງຈາກວ່ານີ້ໄດ້ຖືກພິຈາລະນາເປັນຄາຣະວາຂອງການຜະລິດຢາອື່ນໆຈໍານວນຫຼາຍ.“
ທາງດ້ານ ພົນເອກ ວິໄລ ລາຄຳຟອງ, ຮອງນາຍົກລັດຖະມົນຕີ - ລັດຖະມົນຕີກະຊວງປ້ອງກັນຄວາມສະຫງົບ ຖະແຫຼງຢືນຢັນວ່າ ພົບເຫັນການຜະລິດຢາບ້າ ແລະຍາໄອສ໌ຢູ່ບັນດາແຂວງພາກເໜືອຂອງລາວເພີ່ມຂຶ້ນ. ທັ້ງຍັງເປັນການຍາກທີ່ຈະສະກັດກັ້ນໃຫ້ໄດ້ຢ່າງສົມບູນ. ທັງນີ້ ກໍຍ້ອນວ່າ ແກ໊ງຄ້າ ຢາເສບຕິດ ໃນລາວ ໄດ້ຂຸດຂຸມເພື່ອລັກລອບຜະລິດຢາເສບຕິດຢູ່ໃຕ້ດິນແລ້ວ.
ພົນເອກ ວິໄລ ຍອມຮັບດ້ວຍວ່າ: ການຈັດຕັ້ງວາລະປະເທດຊາດ ກ່ຽວກັບການປາບປາມປາບປາມການຄ້າຂາຍຢາເສບຕິດໃຫ້ໄດ້ຍ່າງສິ້ນເຊິງໃນປີ 2023 ບໍ່ສາມາດປະຕິບັດໄດ້ຈິງ. ສະນັ້ນ, ຈຶ່ງຕ້ອງເລື່ອນເປົ້າໝາຍໄປຮອດປີ 2025 ເຖິງວ່າທາງການລາວສາມາດຈັບຕົວຜູ້ຄ້າຢາເສບຕິດໄດ້ ແລະ ຍຶດຢາເສບຕິດໄດ້ຫຼາຍຂຶ້ນ. ແຕ່ການຄ້າຢາເສບຕິດຍັງສືບຕໍ່ເພີ່ມຂຶ້ນ. ໂດຍສະເພາະໃນເຂດລຸ່ມແມ່ນໍ້າຂອງນັ້ນ.
ນັບແຕ່ປີ 2023 ຫາ ເດືອນເມສາ ປີ 2024, ທາງການໄທ ໄດ້ຈັບຕົວຜູ້ຄ້າຢາເສບຕິດ 130,000 ຄົນ, ຢຶດຊັບສິນຂອງຜູ້ຄ້າຢາເສບຕິດໄດ້ 25 ຕື້ກວ່າບາດ, ຢຶດຢາບ້າ ແລະ ຢາບ້າໄດ້ 37 ໂຕນ ໃນຂະນະນັ້ນ, ເຈົ້າໜ້າທີ່ມຽນມາ ໄດ້ຈູດທຳລາຍຢາເສບຕິດ 520 ໂຕນ ພ້ອມກັນນັ້ນ, ຕຳຫຼວດລາວສາມາດສະກັດກັ້ນການຄ້າຢາເສບຕິດໄດ້ 11,900 ກວ່າຄະດີ, ຈັບຜູ້ຕ້ອງສົງໄສ 18,000 ຄົນ, ຢຶດຢາເສບຕິດ 37 ໂຕນ, ເຄມີ 290 ໂຕນ ແລະ ອຸປະກອນສື່ສານທັນສະໄໝ 35,000 ກວ່າເຄື່ອງທີ່ຕິດພັນກັບກຸ່ມກໍ່ອາຊະຍາກຳຈີນ. ທີ່ມີເຄືອຂ່າຍຢ່າງກວ້າງຂວາງຢູ່ໃນລຸ່ມແມ່ນ້ຳຂອງ ໂດຍສະເພາະແມ່ນໃນເຂດສາມຫລ່ຽມຄຳລະຫວ່າງພະມ້າ-ລາວ-ໄທ.