ລາວຍັງຢືນຢັນ ທີ່ຈະພັດທະນາປະເທດ ໃຫ້ເປັນໝໍ້ໄຟຂອງເອເຊຍ
ດ້ວຍການສົ່ງເສີມ ການລົງທຶນກໍ່ສ້າງເຂື່ອນຜະລິດກະແສໄຟຟ້າ
ໃຫ້ຫຼາຍຂຶ້ນຢ່າງບໍ່ຢຸດຢັ້ງ.
ເຈົ້າໜ້າທີ່ຂັ້ນສູງໃນກະຊວງພະລັງງານແລະບໍ່ແຮ່ ໄດ້ເປີດເຜີຍ
ໃຫ້ຮູ້ວ່າຜູ້ນໍາປະເທດແລະລັດຖະບານລາວຍັງຄົງຢືນຢັນທີ່ຈະ
ນໍາພາ ແລະພັດທະນາປະເທດລາວໃຫ້ເປັນໝໍ້ໄຟຂອງເອເຊຍ
(Battery of Asia) ໃຫ້ໄດ້ຕາມເປົ້າໝາຍທີ່ວາງໄວ້ ດ້ວຍການ
ສົ່ງເສີມໃຫ້ຕ່າງຊາດເຂົ້າມາລົງທຶນເພື່ອກໍ່ສ້າງເຂື່ອນໃນລາວ
ໃຫ້ຫຼາຍຂຶ້ນຢ່າງບໍ່ຢຸດຢັ້ງ ໂດຍເຖິງແມ່ນວ່າເປົ້າໝາຍດັ່ງກ່າວ
ທີ່ຈະຖືກຄັດຄ້ານຈາກອົງການອະນຸລັກສິ່ງແວດລ້ອມທໍາມະຊາດ
ທັງໃນລະດັບພູມິພາກແລະລະດັບສາກົນຫຼາຍຂຶ້ນນັບມື້ກໍຕາມ.
ທັງນີ້ກໍເນື່ອງຈາກວ່າເປົ້າໝາຍສໍາຄັນທີ່ສຸດຂອງທາງການລາວ
ໃນການພັດທະນາປະເທດໃຫ້ເປັນໝໍ້ໄຟຂອງເອເຊຍນັ້ນ ກໍຄື
ການນໍາເອົາລາຍຮັບຈາກການສົ່ງອອກ ພະລັງງານໄຟຟ້າດັ່ງ
ກ່າວ ມາໃຊ້ໃນການແກ້ໄຂບັນຫາຄວາມຍາກຈົນຂອງປະຊາຊົນ
ລາວບັນດາເຜົ່າເປັນດ້ານຫຼັກ ແລະກໍຍັງຖືວ່າເປັນການນໍາໃຊ້ປະໂຫຍດຈາກທ່າແຮງບົ່ມຊ້ອນໃນດ້ານຊັບພະຍາກອນນໍ້າຂອງລາວໄດ້ເປັນຢ່າງດີອີກດ້ວຍ.
ຊຶ່ງດ້ວຍທ່າແຮງບົ່ມຊ້ອນດັ່ງກ່າວນີ້ ທ່ານ ຈູມມະລີ ໄຊຍະສອນ
ປະທານປະເທດ ກໍເຄີຍໄດ້ໃຫ້ການເນັ້ນຢໍ້າຕໍ່ບັນດາຄະນະທູຕາ
ນຸທູດຕ່າງປະເທດໃນລາວເມື່ອບໍ່ນານມານີ້ວ່າ:
“ສປປ. ລາວ ເປັນປະເທດທີ່ມີທ່າແຮງບົ່ມຊ້ອນໃນການ
ຜະລິດກະແສໄຟຟ້ານໍ້າຕົກ ຢ່າງຫຼວງຫຼາຍ ຊຶ່ງກໍເປັນ
ໂອກາດດີໃຫ້ກັບການນໍາໃຊ້ຊັບພະຍາກອນນໍ້າເພື່ອເປັນ
ທຶນຮອນໃນການສ້າງສາພັດທະນາປະເທດຊາດ ສະນັ້ນ
ລັດຖະບານລາວຈຶ່ງໄດ້ສຸມ ທຸກຄວາມພະຍາຍາມຂອງ
ຕົນບວກກັບການສະໜັບສະໜຸນທາງດ້ານວັດຖຸເທກນິກ
ແລະທຶນຮອນຈາກສາກົນ ເພື່ອພັດທະນາແຫຼ່ງພະລັງງານທີ່ສະອາດດັ່ງກ່າວໃຫ້
ສາມາດຕອບສະໜອງໄດ້ກັບຄວາມຕ້ອງການທາງດ້ານພະລັງງານຢູ່ພາຍໃນ
ປະເທດແລະເພື່ອສົ່ງອອກໄປປະເທດເພື່ອນບ້ານ.”
ກະຊວງພະລັງງານແລະບໍ່ແຮ່ ໄດ້ປະກາດແຜນການສົ່ງເສີມການລົງທຶນຈາກຕ່າງປະເທດ
ເພື່ອໃຫ້ເຂົ້າມາກໍ່ສ້າງເຂື່ອນໃນລາວໃຫ້ໄດ້ປີລະ 2 ໂຄງການນັບຈາກປັດຈຸບັນໄປຈົນເຖິງປີ 2020 ໂດຍຖ້າຫາກວ່າສາມາດປະ ຕິບັດໄດ້ຈິງ ກໍຈະເຮັດໃຫ້ລາວມີເຂື່ອນຜະລິດກະແສໄຟຟ້າເພີ່ມຂຶ້ນເຖິງ 20 ໂຄງການ ແລະຍັງຈະເຮັດ ໃຫ້ລາວມີຄວາມສາມາດຜະ ລິດກະແສໄຟຟ້າໄດ້ເພີ່ມຂຶ້ນຈາກ 2,540 ເມກະວັດ ໃນປັດຈຸບັນນີ້ເປັນຫຼາຍກວ່າ 9,000 ເມກາວັດ ໃນປີ 2020 ອີກດ້ວຍ.
ຈົນເຖິງປັດຈຸບັນນີ້ ລັດຖະບານລາວໄດ້ອະນຸຍາດໃຫ້ພາກເອກກະຊົນລາວ ແລະຕ່າງຊາດດໍາເນີນການສຶກສາຄວາມເປັນໄປໄດ້ແລະອອກແບບກໍ່ສ້າງເຂື່ອນຢູ່ ໃນລາວໄປແລ້ວເຖິງ 80 ກວ່າໂຄງການ ຊຶ່ງໃນນີ້ເປັນໂຄງການທີ່ຢູ່ໃນຂັ້ນຕອນ ຂອງການວາງແຜນກໍ່ສ້າງ 20 ກວ່າໂຄງການ ແລະອີກກວ່າ 60 ໂຄງການກໍກໍາ ລັງຢູ່ໃນຂັ້ນຕອນຂອງການສຶກສາຄວາມເປັນໄປໄດ້ ແລະອອກແບບກໍ່ສ້າງຕໍ່ໄປ.
ສ່ວນເຂື່ອນທີ່ໄດ້ທໍາການຜະລິດພະລັງງານໄຟຟ້າແລ້ວໃນປັດ
ຈຸບັນນີ້ກໍມີຢູ່ 14 ແຫ່ງ ຊຶ່ງສາມາດຜະລິດພະລັງງານໄຟຟ້າໄດ້
ລວມກັນ 2,540 ເມກະວັດ ໂດຍທີ່ ຖືວ່າເປັນເຂື່ອນຂະໜາດ
ໃຫຍ່ທີ່ສຸດໃນເວລານີ້ ກໍຄືເຂື່ອນນໍ້າເທີນ 2 ທີ່ສົ່ງພະລັງງານໄຟ
ຟ້າຂາຍໃຫ້ໄທເປັນສ່ວນໃຫຍ່ ໂດຍລັດຖະບານໄທກໍໄດ້ຕົກລົງ
ທີ່ຈະຮັບຊື້ພະລັງງານໄຟຟ້າຈາກລາວ 7,000 ເມກະວັດ ພາຍ
ໃນປີ 2015 ສ່ວນລັດຖະບານຫວຽດນາມກັບກໍາປູເຈຍນັ້ນ ກໍໄດ້
ຕົກລົງຮັບຊື້ພະລັງງານໄຟຟ້າຈາກ ລາວ 5,000 ເມກະວັດ ແລະ
3,000 ເມກະວັດ ຕາມລໍາດັບພາຍໃນປີ 2020.
ຫາກແຕ່ວ່າບັນຫາໃນເວລານີ້ ກໍຄືບັນດາອົງການອະນຸລັກສະພາບແວດລ້ອມທໍາມະຊາດໃນລະດັບສາກົນໄດ້ປະກາດທ່າທີຢ່າງຊັດເຈນວ່າຈະຄັດຄ້ານການກໍ່ສ້າງ ເຂື່ອນທັງໃນລາວແລະເທິງແມ່ນໍ້າຂອງຢ່າງເຖິງທີ່ສຸດ ເພາະເຊື່ອວ່າຈະສົ່ງຜົນກະ ທົບຕໍ່ສະພາບແວດລ້ອມທໍາມະຊາດແລະສັດນໍ້າຢ່າງກວ້າງຂວາງ ໂດຍລ່າສຸດອົງ ການອະນຸລັກສະພາບແວດລ້ອມທໍາມະຊາດໃນໄທ ກໍໄດ້ອອກມາເຄື່ອນໄຫວເພື່ອ ຄັດຄ້ານການກໍ່ສ້າງເຂື່ອນໄຊຍະບຸລີເທິງແມ່ນໍ້າຂອງໃນແຂວງໄຊຍະບຸລີ ແລະເຂື່ອນດອນສະຫົງຢູ່ເຂດສີ່ພັນດອນໃນແຂວງຈໍາປາສັກຂອງລາວ ລວມທັງຍັງຈະ ພາກັນເຄື່ອນໄຫວເພື່ອຄັດຄ້ານແຜນການຮັບຊື້ພະລັງງານໄຟຟ້າຈາກລັດຖະບານ ລາວຂອງລັດຖະບານໄທອີກດ້ວຍ.
ໃຫ້ຮູ້ວ່າຜູ້ນໍາປະເທດແລະລັດຖະບານລາວຍັງຄົງຢືນຢັນທີ່ຈະ
ນໍາພາ ແລະພັດທະນາປະເທດລາວໃຫ້ເປັນໝໍ້ໄຟຂອງເອເຊຍ
(Battery of Asia) ໃຫ້ໄດ້ຕາມເປົ້າໝາຍທີ່ວາງໄວ້ ດ້ວຍການ
ສົ່ງເສີມໃຫ້ຕ່າງຊາດເຂົ້າມາລົງທຶນເພື່ອກໍ່ສ້າງເຂື່ອນໃນລາວ
ໃຫ້ຫຼາຍຂຶ້ນຢ່າງບໍ່ຢຸດຢັ້ງ ໂດຍເຖິງແມ່ນວ່າເປົ້າໝາຍດັ່ງກ່າວ
ທີ່ຈະຖືກຄັດຄ້ານຈາກອົງການອະນຸລັກສິ່ງແວດລ້ອມທໍາມະຊາດ
ທັງໃນລະດັບພູມິພາກແລະລະດັບສາກົນຫຼາຍຂຶ້ນນັບມື້ກໍຕາມ.
ທັງນີ້ກໍເນື່ອງຈາກວ່າເປົ້າໝາຍສໍາຄັນທີ່ສຸດຂອງທາງການລາວ
ໃນການພັດທະນາປະເທດໃຫ້ເປັນໝໍ້ໄຟຂອງເອເຊຍນັ້ນ ກໍຄື
ການນໍາເອົາລາຍຮັບຈາກການສົ່ງອອກ ພະລັງງານໄຟຟ້າດັ່ງ
ກ່າວ ມາໃຊ້ໃນການແກ້ໄຂບັນຫາຄວາມຍາກຈົນຂອງປະຊາຊົນ
ລາວບັນດາເຜົ່າເປັນດ້ານຫຼັກ ແລະກໍຍັງຖືວ່າເປັນການນໍາໃຊ້ປະໂຫຍດຈາກທ່າແຮງບົ່ມຊ້ອນໃນດ້ານຊັບພະຍາກອນນໍ້າຂອງລາວໄດ້ເປັນຢ່າງດີອີກດ້ວຍ.
ຊຶ່ງດ້ວຍທ່າແຮງບົ່ມຊ້ອນດັ່ງກ່າວນີ້ ທ່ານ ຈູມມະລີ ໄຊຍະສອນ
ປະທານປະເທດ ກໍເຄີຍໄດ້ໃຫ້ການເນັ້ນຢໍ້າຕໍ່ບັນດາຄະນະທູຕາ
ນຸທູດຕ່າງປະເທດໃນລາວເມື່ອບໍ່ນານມານີ້ວ່າ:
“ສປປ. ລາວ ເປັນປະເທດທີ່ມີທ່າແຮງບົ່ມຊ້ອນໃນການ
ຜະລິດກະແສໄຟຟ້ານໍ້າຕົກ ຢ່າງຫຼວງຫຼາຍ ຊຶ່ງກໍເປັນ
ໂອກາດດີໃຫ້ກັບການນໍາໃຊ້ຊັບພະຍາກອນນໍ້າເພື່ອເປັນ
ທຶນຮອນໃນການສ້າງສາພັດທະນາປະເທດຊາດ ສະນັ້ນ
ລັດຖະບານລາວຈຶ່ງໄດ້ສຸມ ທຸກຄວາມພະຍາຍາມຂອງ
ຕົນບວກກັບການສະໜັບສະໜຸນທາງດ້ານວັດຖຸເທກນິກ
ແລະທຶນຮອນຈາກສາກົນ ເພື່ອພັດທະນາແຫຼ່ງພະລັງງານທີ່ສະອາດດັ່ງກ່າວໃຫ້
ສາມາດຕອບສະໜອງໄດ້ກັບຄວາມຕ້ອງການທາງດ້ານພະລັງງານຢູ່ພາຍໃນ
ປະເທດແລະເພື່ອສົ່ງອອກໄປປະເທດເພື່ອນບ້ານ.”
ກະຊວງພະລັງງານແລະບໍ່ແຮ່ ໄດ້ປະກາດແຜນການສົ່ງເສີມການລົງທຶນຈາກຕ່າງປະເທດ
ເພື່ອໃຫ້ເຂົ້າມາກໍ່ສ້າງເຂື່ອນໃນລາວໃຫ້ໄດ້ປີລະ 2 ໂຄງການນັບຈາກປັດຈຸບັນໄປຈົນເຖິງປີ 2020 ໂດຍຖ້າຫາກວ່າສາມາດປະ ຕິບັດໄດ້ຈິງ ກໍຈະເຮັດໃຫ້ລາວມີເຂື່ອນຜະລິດກະແສໄຟຟ້າເພີ່ມຂຶ້ນເຖິງ 20 ໂຄງການ ແລະຍັງຈະເຮັດ ໃຫ້ລາວມີຄວາມສາມາດຜະ ລິດກະແສໄຟຟ້າໄດ້ເພີ່ມຂຶ້ນຈາກ 2,540 ເມກະວັດ ໃນປັດຈຸບັນນີ້ເປັນຫຼາຍກວ່າ 9,000 ເມກາວັດ ໃນປີ 2020 ອີກດ້ວຍ.
ຈົນເຖິງປັດຈຸບັນນີ້ ລັດຖະບານລາວໄດ້ອະນຸຍາດໃຫ້ພາກເອກກະຊົນລາວ ແລະຕ່າງຊາດດໍາເນີນການສຶກສາຄວາມເປັນໄປໄດ້ແລະອອກແບບກໍ່ສ້າງເຂື່ອນຢູ່ ໃນລາວໄປແລ້ວເຖິງ 80 ກວ່າໂຄງການ ຊຶ່ງໃນນີ້ເປັນໂຄງການທີ່ຢູ່ໃນຂັ້ນຕອນ ຂອງການວາງແຜນກໍ່ສ້າງ 20 ກວ່າໂຄງການ ແລະອີກກວ່າ 60 ໂຄງການກໍກໍາ ລັງຢູ່ໃນຂັ້ນຕອນຂອງການສຶກສາຄວາມເປັນໄປໄດ້ ແລະອອກແບບກໍ່ສ້າງຕໍ່ໄປ.
ບ້ານຈັດສັນໃໝ່ຂອງປະຊາຊົນທີ່ຍົກຍ້າຍຈາກບ້ານທີ່ຢູ່ໃກ້ເຂື່ອນເທີນຫີນບູນ
ສ່ວນເຂື່ອນທີ່ໄດ້ທໍາການຜະລິດພະລັງງານໄຟຟ້າແລ້ວໃນປັດ
ຈຸບັນນີ້ກໍມີຢູ່ 14 ແຫ່ງ ຊຶ່ງສາມາດຜະລິດພະລັງງານໄຟຟ້າໄດ້
ລວມກັນ 2,540 ເມກະວັດ ໂດຍທີ່ ຖືວ່າເປັນເຂື່ອນຂະໜາດ
ໃຫຍ່ທີ່ສຸດໃນເວລານີ້ ກໍຄືເຂື່ອນນໍ້າເທີນ 2 ທີ່ສົ່ງພະລັງງານໄຟ
ຟ້າຂາຍໃຫ້ໄທເປັນສ່ວນໃຫຍ່ ໂດຍລັດຖະບານໄທກໍໄດ້ຕົກລົງ
ທີ່ຈະຮັບຊື້ພະລັງງານໄຟຟ້າຈາກລາວ 7,000 ເມກະວັດ ພາຍ
ໃນປີ 2015 ສ່ວນລັດຖະບານຫວຽດນາມກັບກໍາປູເຈຍນັ້ນ ກໍໄດ້
ຕົກລົງຮັບຊື້ພະລັງງານໄຟຟ້າຈາກ ລາວ 5,000 ເມກະວັດ ແລະ
3,000 ເມກະວັດ ຕາມລໍາດັບພາຍໃນປີ 2020.
ຫາກແຕ່ວ່າບັນຫາໃນເວລານີ້ ກໍຄືບັນດາອົງການອະນຸລັກສະພາບແວດລ້ອມທໍາມະຊາດໃນລະດັບສາກົນໄດ້ປະກາດທ່າທີຢ່າງຊັດເຈນວ່າຈະຄັດຄ້ານການກໍ່ສ້າງ ເຂື່ອນທັງໃນລາວແລະເທິງແມ່ນໍ້າຂອງຢ່າງເຖິງທີ່ສຸດ ເພາະເຊື່ອວ່າຈະສົ່ງຜົນກະ ທົບຕໍ່ສະພາບແວດລ້ອມທໍາມະຊາດແລະສັດນໍ້າຢ່າງກວ້າງຂວາງ ໂດຍລ່າສຸດອົງ ການອະນຸລັກສະພາບແວດລ້ອມທໍາມະຊາດໃນໄທ ກໍໄດ້ອອກມາເຄື່ອນໄຫວເພື່ອ ຄັດຄ້ານການກໍ່ສ້າງເຂື່ອນໄຊຍະບຸລີເທິງແມ່ນໍ້າຂອງໃນແຂວງໄຊຍະບຸລີ ແລະເຂື່ອນດອນສະຫົງຢູ່ເຂດສີ່ພັນດອນໃນແຂວງຈໍາປາສັກຂອງລາວ ລວມທັງຍັງຈະ ພາກັນເຄື່ອນໄຫວເພື່ອຄັດຄ້ານແຜນການຮັບຊື້ພະລັງງານໄຟຟ້າຈາກລັດຖະບານ ລາວຂອງລັດຖະບານໄທອີກດ້ວຍ.