ເກົາຫຼີໃຕ້ແລະເກົາຫຼີເໜືອໄດ້ບັນລຸຂໍ້ຕົກລົງກັນໃນວັນພຸດມື້ນີ້
ໃນລະຫວ່າງການເຈລະຈາກັນຮອບໃໝ່ ແນໃສ່ເພື່ອໄຂຄືນ
ເຂດອຸດສາຫະກໍາຮ່ວມ ທີ່ເມື່ອບໍ່ນານມານີ້ໄດ້ຮັບເຄາະຈາກ
ຄວາມເຄັ່ງຕຶງທາງທະຫານ ທີ່ເພີ້ມທະວີຂຶ້ນນັ້ນ.
ກະຊວງການທ້ອນໂຮມຊາດເກົາຫຼີໃນກຸງໂຊລ໌ ກ່າວວ່າ ທັງສອງ
ຝ່າຍໄດ້ຕົກລົງທີ່ຈະພົບປະກັນອີກ ໃນວັນຈັນໜ້າ ຢູ່ເຂດອຸດສາ
ຫະກໍາ Kaesong ທີ່ຕັ້ງຢູ່ເໜືອ ເຂດປອດທະຫານທີ່ ແບ່ງແຍກ
ສອງເກົາຫຼີ ຂຶ້ນໄປເລັກນ້ອຍນັ້ນ.
ທ່ານ Su Ho ເຈົ້າໜ້າທີ່ຂອງກະຊວງທ້ອນໂຮມຊາດ ທີ່ເປັນ
ຫົວໜ້ານໍາພາຄະນະຜູ້ແທນເກົາຫຼີໃຕ້ ໄດ້ກ່າວກ່ອນຈະຂ້າມຊາຍແດນໄປ ວ່າທ່ານມີຄວາມ
ຮູ້ສຶກໄປໃນແງ່ດີ ກ່ຽວກັບການສົນທະນາກັນຄັ້ງນີ້ ຊຶ່ງທ່ານກ່າວເພີ່ມຕື່ມວ່າ:
“ພວກເຮົາຈະພະຍາຍາມໃຫ້ມີການຮື້ຟື້ນການປະຕິບັດງານແບບເປັນປົກກະຕິ
ຢູ່ໃນເຂດອຸດສາຫະກໍາ Kaesong ຜ່ານການບັນລຸຂໍ້ຕົກລົງຮ່ວມກັນ ຊຶ່ງຈະອິງ
ໃສ່ຂັ້ນຕອນການສ້າງຄວາມໄວ້ວາງໃຈແລະເຊື່ອໝັ້ນຊຶ່ງກັນແລະກັນ ຢູ່ໃນແຫຼມເກົາຫຼີ ແລະຍຶດໝັ້ນຕໍ່ກົດລະບຽບຂອງສາກົນນໍາ.”
ການພົບປະກັນໃນມື້ນີ້ຢູ່ເຂດອຸດສາຫະກໍາ Kaesong ແມ່ນຕິດຕາມມາ ລຸນຫລັງການ
ເຈລະຈາ ກັນຢ່າງເຄັ່ງຄຽດ ເປັນເວລາ 15 ຊົ່ວໂມງ ໃນວັນອາທິດຜ່ານມານັ້ນ ແລະໄດ້
ຕົກລົງກັນທີ່ຈະເອົາບາດກ້າວ ໄປສູ່ໄຂຄືນເຂດອຸດສາຫະກໍາ ທີ່ສ້າງມາໄດ້ 8 ປີ ດັ່ງກ່າວ
ທີ່ໄດ້ໃຊ້ເປັນເຄື່ອງວັດແທກທີ່ສໍາຄັນຂອງຄວາມສໍາພັນລະຫວ່າງສອງເກົາຫຼີ.
ເຂດອຸດສາຫະກໍານັ້ນໄດ້ປິດລົງນັບຕັ້ງແຕ່ເດືອນເມສາແລ້ວນີ້ ເວລາເກົາຫຼີເໜືອຍົກຍ້າຍ
ພະນັກງານ 53 ພັນຄົນຂອງຕົນອອກໄປ ໃນການຕອບໂຕ້ຢ່າງໂກດແຄ້ນຕໍ່ການລົງໂທດ
ຂອງນາໆຊາດ ຕໍ່ການທົດລອງອາວຸດນິວເຄລຍເທື່ອຫລ້າສຸດຂອງຕົນ. ສ່ວນທາງກຸງ
ໂຊລນັ້ນ ກໍໄດ້ຮຽກຮ້ອງໃຫ້ພະນັກງານຂອງຕົນອອກຈາກ ເກຊອງ ໄປໃນຕົ້ນເດືອນພຶດ
ສະພາຜ່ານມານີ້.
ເບິ່ງວີດິໂອ ກ່ຽວກັບກອງປະຊຸມໃນມື້ນີ້ ລະຫວ່າງສອງເກົາຫລີ:
ໃນລະຫວ່າງການເຈລະຈາກັນຮອບໃໝ່ ແນໃສ່ເພື່ອໄຂຄືນ
ເຂດອຸດສາຫະກໍາຮ່ວມ ທີ່ເມື່ອບໍ່ນານມານີ້ໄດ້ຮັບເຄາະຈາກ
ຄວາມເຄັ່ງຕຶງທາງທະຫານ ທີ່ເພີ້ມທະວີຂຶ້ນນັ້ນ.
ກະຊວງການທ້ອນໂຮມຊາດເກົາຫຼີໃນກຸງໂຊລ໌ ກ່າວວ່າ ທັງສອງ
ຝ່າຍໄດ້ຕົກລົງທີ່ຈະພົບປະກັນອີກ ໃນວັນຈັນໜ້າ ຢູ່ເຂດອຸດສາ
ຫະກໍາ Kaesong ທີ່ຕັ້ງຢູ່ເໜືອ ເຂດປອດທະຫານທີ່ ແບ່ງແຍກ
ສອງເກົາຫຼີ ຂຶ້ນໄປເລັກນ້ອຍນັ້ນ.
ທ່ານ Su Ho ເຈົ້າໜ້າທີ່ຂອງກະຊວງທ້ອນໂຮມຊາດ ທີ່ເປັນ
ຫົວໜ້ານໍາພາຄະນະຜູ້ແທນເກົາຫຼີໃຕ້ ໄດ້ກ່າວກ່ອນຈະຂ້າມຊາຍແດນໄປ ວ່າທ່ານມີຄວາມ
ຮູ້ສຶກໄປໃນແງ່ດີ ກ່ຽວກັບການສົນທະນາກັນຄັ້ງນີ້ ຊຶ່ງທ່ານກ່າວເພີ່ມຕື່ມວ່າ:
“ພວກເຮົາຈະພະຍາຍາມໃຫ້ມີການຮື້ຟື້ນການປະຕິບັດງານແບບເປັນປົກກະຕິ
ຢູ່ໃນເຂດອຸດສາຫະກໍາ Kaesong ຜ່ານການບັນລຸຂໍ້ຕົກລົງຮ່ວມກັນ ຊຶ່ງຈະອິງ
ໃສ່ຂັ້ນຕອນການສ້າງຄວາມໄວ້ວາງໃຈແລະເຊື່ອໝັ້ນຊຶ່ງກັນແລະກັນ ຢູ່ໃນແຫຼມເກົາຫຼີ ແລະຍຶດໝັ້ນຕໍ່ກົດລະບຽບຂອງສາກົນນໍາ.”
ການພົບປະກັນໃນມື້ນີ້ຢູ່ເຂດອຸດສາຫະກໍາ Kaesong ແມ່ນຕິດຕາມມາ ລຸນຫລັງການ
ເຈລະຈາ ກັນຢ່າງເຄັ່ງຄຽດ ເປັນເວລາ 15 ຊົ່ວໂມງ ໃນວັນອາທິດຜ່ານມານັ້ນ ແລະໄດ້
ຕົກລົງກັນທີ່ຈະເອົາບາດກ້າວ ໄປສູ່ໄຂຄືນເຂດອຸດສາຫະກໍາ ທີ່ສ້າງມາໄດ້ 8 ປີ ດັ່ງກ່າວ
ທີ່ໄດ້ໃຊ້ເປັນເຄື່ອງວັດແທກທີ່ສໍາຄັນຂອງຄວາມສໍາພັນລະຫວ່າງສອງເກົາຫຼີ.
ເຂດອຸດສາຫະກໍານັ້ນໄດ້ປິດລົງນັບຕັ້ງແຕ່ເດືອນເມສາແລ້ວນີ້ ເວລາເກົາຫຼີເໜືອຍົກຍ້າຍ
ພະນັກງານ 53 ພັນຄົນຂອງຕົນອອກໄປ ໃນການຕອບໂຕ້ຢ່າງໂກດແຄ້ນຕໍ່ການລົງໂທດ
ຂອງນາໆຊາດ ຕໍ່ການທົດລອງອາວຸດນິວເຄລຍເທື່ອຫລ້າສຸດຂອງຕົນ. ສ່ວນທາງກຸງ
ໂຊລນັ້ນ ກໍໄດ້ຮຽກຮ້ອງໃຫ້ພະນັກງານຂອງຕົນອອກຈາກ ເກຊອງ ໄປໃນຕົ້ນເດືອນພຶດ
ສະພາຜ່ານມານີ້.
ເບິ່ງວີດິໂອ ກ່ຽວກັບກອງປະຊຸມໃນມື້ນີ້ ລະຫວ່າງສອງເກົາຫລີ:
Your browser doesn’t support HTML5
KOREA TALKS SOTVO