ເກົາຫລີໃຕ້ຈະສົ່ງການຊ່ອຍເຫລືອບັນເທົາທຸກໄພນໍ້າຖ້ວມຊຸດທໍາອິດໄປໃຫ້ເກົາຫລີເໜືອໃນວັນຈັນມື້ນີ້ ຫລັງຈາກເກົາຫລີເໜືອໄດ້ປະສົບກັບຝົນຕົກໜັກ ໃນລະດູຮ້ອນປີນີ້.
ບັນດາເຈົ້າໜ້າທີ່ເກົາຫລີໃຕ້ກ່າວວ່າ ກໍາປັ່ນ 2 ລໍາທີ່ບັນທຸກໝີ່ແຫ້ງສໍາເລັດຮູບແລະເຂົ້າ
ຈໍານວນ 5 ພັນໂຕນ ກໍານົດຈະອອກເດີນທາງໄປຍັງທ່າກໍາປັ່ນ Dandong ໃນພາກ
ຕາເວັນອອກສຽງເໜືອຂອງຈີນ ທີ່ມີຊາຍແດນຕິດກັບເກົາຫລີເໜືອນັ້ນ.
ກະຊວງທ້ອນໂຮມເກົາຫລີຂອງກຸງໂຊລ ກ່າວວ່າ ຫລັງຈາກນັ້ນເຄື່ອງຊ່ອຍເຫລືອເຫລົ່ານີ້
ຈະຖືກສົ່ງອອກຈາກທ່າກໍາປັ່ນ Dandong ໄປຍັງເມືອງ Sinuiju ໃນເຂດຊາຍແດນຂອງ ເກົາຫລີເໜືອ.
ການສົ່ງການຊ່ອຍເຫລືອທີ່ວ່ານີ້ ແມ່ນເປັນການຊ່ອຍເຫລືອເຂົ້າທີ່ທາງລັດຖະບານເກົາຫລີໃຕ້
ເປັນຜູ້ອອກຄ່າໃຊ້ຈ່າຍຄັ້ງທໍາອິດ ໄປໃຫ້ເກົາຫລີເໜືອທີ່ທຸກຈົນ ນັບແຕ່ລັດຖະບານນິຍົມ
ແນວທາງເດີມໄດ້ຂຶ້ນດໍາລົງຕໍາແໜ່ງໃນກຸງໂຊລໃນຕົ້ນຊຸມປີ 2008 ນັ້ນ.