ສາຍການບິນ Korean Air ປະເຊີນໜ້າກັບການທີ່ອາດຈະຖືກ
ປັບໃໝ ແລະການສັ່ງໃຫ້ງົດບິນ ຫຼັງຈາກທີ່ຜູ້ບໍລິຫານຂອງສາຍ
ການບິນຄົນໜຶ່ງ ໄດ້ສັ່ງໃຫ້ຢຸດຖ້ຽວບິນທີ່ຕົນຂີ່ຢູ່ນັ້ນ ເພາະວ່າ
ທ່ານນາງ ບໍ່ເພິ່ງພໍໃຈກັບ ການບໍລິການໝາກຖົ່ວ ທີ່ທ່ານນາງ
ໄດ້ຮັບນັ້ນ.
ກະຊວງຂົນສົ່ງຂອງເກົາຫຼີໃຕ້ ກ່າວໃນວັນອັງຄານມື້ນີ້ ວ່າ ຕົນ
ກຳລັງພິຈາລະນາ ມາດຕະການລົງໂທດຕ່າງໆ ຕໍ່ສາຍການບິນ
Korean Air ຊຶ່ງຕົນກ່າວວ່າ ໄດ້ລະເມີດກົດໝາຍການບິນ.
ຫົວໜ້າຫ້ອງການກະຊວງຂົນສົ່ງ ທ່ານ Lee Kwang-hee ຍັງໄດ້
ກ່າວວ່າ ກົມຂອງທ່ານ ແນະນຳ ໄປໃຫ້ໄອຍາການ ກ່ຽວກັບເລື່ອງຂອງທ່ານນາງ Heather
Cho ຜູ້ບໍລິຫານຄົນດັ່ງກ່າວ ຕໍ່ເຫດການທີ່ເກີດຂຶ້ນເມື່ອວັນທີ 5 ທັນວາຜ່ານມານີ້.
ທ່ານ Lee ເວົ້າວ່າ “ມີການຢັ້ງຢືນວ່າ ທ່ານນາງ Cho ໄດ້ໃຊ້ນ້ຳສຽງທີ່ຮ້າຍຂຶ້ນ ແລະ ໃຊ້ຄຳເວົ້າທີ່ສຽດສີ ໂດຍການໃຫ້ການ ຂອງບັນດາພະນັກງານເຮືອບິນ ພ້ອມກັນ ກັບບັນດາຜູ້ໂດຍສານ ຜູ້ທີ່ຢູ່ຊັ້ນທີສອງຂອງເຮືອບິນນັ້ນ.”
ກະຊວງດັ່ງກ່າວຍັງກ່າວໃນຖະແຫລງການວ່າ ສາຍການບິນ Korean Air ອາດປະເຊີນ
ໜ້າກັບ ການສັ່ງໃຫ້ງົດບິນດົນເຖິງນຶ່ງເດືອນ ແລະ ການປັບໃໝ ເຖິງ 2 ລ້ານດອນລາ.
ທ່ານນາງ Cho ນັ່ງຢູ່ຊັ້ນທີໜຶ່ງ ນາງໄດ້ເກີດຄວາມໂມໂຫ ໃນເວລາທີ່ພະນັກງານບໍລິການ
ໃນຍົນ ເອົາໝາກ macadamia ຢູ່ໃນຊອງ ໄປບໍລິການໃຫ້ນາງ ແທນທີ່ຈະເອົາໃສ່ຈານ.
ຕໍ່ມານາງກໍ່ ໄດ້ບັງຄັບໃຫ້ເຮືອບິນກັບຄືນໄປບ່ອນຈອດ ແລະ ໄລ່ຫົວໜ້າໜ່ວຍບໍລິການ
ພາຍໃນ ລົງອອກຈາກເຮືອບິນ.
ຊາວເກົາຫຼີໃຕ້ຫຼາຍໆຄົນ ໄດ້ສະແດງຄວາມໂກດແຄ້ນຕໍ່ການກະທຳ ຕ່າງໆຂອງທ່ານນາງ
Cho ຜູ້ທີ່ເປັນລູກສາວຂອງປະທານສາຍການບິນດັ່ງກ່າວນັ້ນ. ທ່ານນາງ Cho ໄດ້ຖືກປົດ ອອກຈາກຕຳແໜ່ງຕ່າງໆ ຢູ່ສາຍການບິນນັ້ນທັງໝົດ ແລະ ໃນອາທິດແລ້ວນີ້ ໄດ້ອອກມາ ກ່າວຂໍອະໄພໂທດພ້ອມດ້ວຍນ້ຳຕາ.
Your browser doesn’t support HTML5
KOREAN AIR PROBE VO