ເກົາຫຼີໃຕ້ກ່າວວ່າເກົາຫຼີເໜືອທີ່ເປັນຄູ່ປໍລະປັກຂອງຕົນນັ້ນ
ພວມເສີມສ້າງຄວາມສາມາດໃນການເຮັດສົງຄາມແບບຜິດ
ປົກກະຕິໂດຍກາງຕໍ່ເພີ່ມຂຶ້ນເລື້ອຍໆນຳກຳລັງພິເສດ ປືນ
ໃຫຍ່ແລະອາວຸດນິວເຄລຍເພື່ອຊົດເຊີຍຕໍ່ການໄດ້ປຽບໃນ
ດ້ານອາວຸດທຳມະດາຂອງຝ່າຍເກົາຫຼີໃຕ້.
ໃນລາຍງານຊັ່ງຊາຕີລາຄາສອງປີຕໍ່ຄັ້ງ ທີ່ກະຊວງປ້ອງກັນ
ປະເທດນຳອອກເຜີຍແຜ່ ໃນວັນພະຫັດມື້ນີ້ ເກົາຫຼີໃຕ້ຍັງ
ເວົ້າວ່າ ເກົາຫຼີເໜືອໄດ້ນໍາອອກປະຈຳການລົດຖັງຮຸ້ນໃໝ່
ທີ່ມີຊື່ວ່າ Pokpung-ho ຫຼືເສືອພາຍຸ ທີ່ອີງຕາມລົດຖັງ
T-72 ຂອງອະດີດສະຫະພາບໂຊວຽດນັ້ນ. ລາຍງານເວົ້າ
ວ່າເກົາຫຼີເໜືອໄດ້ນຳເອົາປືນໃຫຍ່ແລະເຄື່ອງຍິງຈະຫຼວດທີ່ສາມາດຍິງຖະຫຼົ່ມຢ່າງໜັກຕໍ່ນະ ຄອນຫຼວງໂຊລຂອງເກົາຫຼີໃຕ້ ແບບຕັ້ງໂຕບໍ່ຕິດໄດ້ນັ້ນ ມາຕັ້ງລຽງລາຍຢູ່ຕາມບໍລິເວນຊາຍ
ແດນ.
ອັນທີ່ເອີ້ນວ່າເອກກະສານປົກຂາວສະບັບນີ້ໄດ້ກ່າວເຖິງເກົາຫຼີເໜືອວ່າເປັນສະຕູແລະເວົ້າວ່າ ເວລານີ້ເກົາຫຼີເໜືອມີກຳລັງພິເສດຢູ່ 200,000 ຄົນທີ່ໄດ້ຮັບການຝຶກແອບເພື່ອທໍາການແຊກ
ຊຶມເຂົ້າໄປໃນເກົາຫຼີໃຕ້ແລະໂຈມຕີຈຸດຍຸດທະສາດຕ່າງໆຊຶ່ງຈຳນວນດັ່ງກ່າວນີ້ແມ່ນເພີ່ມຂຶ້ນ
ຈາກ 180,000 ຄົນໃນການຊັ່ງຊາຕີລາຄາເທື່ອແລ້ວເມື່ອສອງປີກ່ອນ.
ນອກນັ້ນລາຍງານສະບັບນີ້ຍັງເວົ້າວ່າ ເປັນທີ່ເຊື່ອກັນວ່າພຽງຢາງໄດ້ຮັບທາດປລູໂຕນຽມໃນເກຣດທີ່ສາມາດໃຊ້ເຮັດອາວຸດໄດ້ນັ້ນ ປະມານ 40 ກິໂລ ຈາກເຕົາແຍກນິວເຄລຍຢົງບີຢົງ
ຊຶ່ງປະລິມານດັ່ງກ່າວແມ່ນເທົ່າກັນກັບຈາກລາຍງານເທື່ອແລ້ວ.