ຂະນະນີ້ ລັດຖະມົນຕີປ້ອງກັນປະເທດຍີ່ປຸ່ນກໍາລັງຢູ່ທີ່
ເກົາຫຼີໃຕ້ ເພື່ອສົນທະນາຫາລືຫາທາງກະຊັບສາຍພົວພັນ
ລະຫວ່າງສອງປະເທດໃຫ້ແໜ້ນແຟ້ນຂຶ້ນສຳລັບການ
ຮ່ວມມືທາງທະຫານ ໃນສົນທິສັນຍາສະບັບທຳອິດໃນປີ 1954 ເປັນຕົ້ນມາ.
ລັດຖະມົນຕີປ້ອງກັນປະເທດຂອງຍີ່ປຸນທ່ານ Toshimi
Kitazawa ແລະຄູ່ຕໍາແໜ່ງທ່ານ Kim Kwan-jin ພົບ
ປະກັນໃນວັນຈັນມື້ນີ້ ເພື່ອສົນທະນາຫາລືຮ່ວມມືກັນ
ຢ່າງໃກ້ຊິດກັນຂຶ້ນ ຍ້ອນການກະທໍາຂອງເກົາຫຼີເໜືອ
ອັນມີລວມທັງການໂຈມຕີທີ່ມີຜູ້ເສຍຊິຊິດຍ້ອນທີ່ເກາະນຶ່ງ
ຂອງເກົາຫຼີໃຕ້ໃນເດືອນພະຈິກຜ່ານມາ.
ນອກນີ້ຍັງຄາດວ່າ ພວກທ່ານທັງສອງຈະສົນທະນາກັນກ່ຽວກັບສອງເລື້ອງທີ່ຍັງຕົກລົງກັນ
ບໍ່ທັນໄດ້ກ່ຽວກັບການສືບລັບແລະອຸປກອນການທະຫານນໍາ.
ພົນເຮືອເອກສະຫະລັດ ທ່ານ Mike Mullen ຮຽກຮ້ອງໃຫ້ຍີ່ປຸ່ນເອົາບົດບາດຫຼາຍຂຶ້ນ
ໃນການປ້ອງກັນເກົາຫຼີໃຕ້ຈາກເກົາຫຼີເໜືອເວລາທ່ານຢ້ຽມຢາມຂົງເຂດດັ່ງກ່າວ.
ຢ່າງໃດກໍດີບັນຫາດັ່ງກ່າວກໍຍັງຄົງຂັດແຍ້ງກັນຢູ່ໃນເກົາຫຼີໃຕ້ ບ່ອນທີ່ຄວາມບາດໝາງ
ແລະຂຸ່ນເຄືອງໃຈໃນອະດີດຍັງຄົງມີຢູ່ ກ່ຽວກັບການປົກຄອງຫົວເມືອງຂຶ້ນແບບຂົ່ມຂື່ນ
ຂອງຍີ່ປຸ່ນ ທີ່ສິ້ນສຸດລົງໃນປີ 1945 ນັ້ນ.
ໄດ້ມີຕົວຕັ້ງຕົວຕີຫຼາຍຄົນພາກັນປະທ້ວງໃນວັນຈັນມື້ນີ້ ໂດຍຖືປ້າຍຄຳຂວັນຕໍ່ຕ້ານ
ການຮ່ວມມືທາງທະຫານທີ່ໃກ້ຊິດຂຶ້ນກວ່າເກົ່າກັບຍີ່ປຸ່ນ.