ທ່ານ Kim Jong Un ຜູ້ນຳຂອງເກົາຫລີເໜືອ ໄດ້ໃຊ້ຄຳປາໄສ
ວັນຂຶ້ນປີໃໝ່ໃນວັນສຸກມື້ນີ້ ຊຶ່ງຕົ້ນຕໍແລ້ວ ແນໃສ່ຄວາມສຳຄັນ
ໃນການພັດທະນາເສດຖະກິດ ຫລີກລ່ຽງການຂົ່ມຂູ່ຫລືອ້າງອີງ
ເຖິງໂຄງການນິວເຄລຍຂອງເກົາຫຼີເໜືອຢ່າງເປັນການເປີດເຜີຍ
ໃດໆ.
ທ່ານ Kim ທີ່ມັກໃສ່ແວ່ນຕາດຳຂອບປລາສຕິກແບບໃໝ່ແລະ
ຊົງຜົມ ທີ່ມີການແຖທາງຂ້າງ ຊຶ່ງເປັນສັນຍາລັກ ຂອງທ່ານນັ້ນ
ໄດ້ກ່າວເຖິງ ຄວາມຈຳເປັນທີ່ຈະຕ້ອງເຮັດໃຫ້ມີການປ່ຽນແປງ
ໃນທັນທີ ຕໍ່ການພັດທະນາເສດຖະກິດ ແລະ ຍົກມາດຕະຖານ
ການຄອງຊີບ ໃຫ້ດີຂຶ້ນ ຢູ່ໃນເກົາຫຼີເໜືອ ທີ່ເປັນປະເທດ ທີ່ທຸກ
ຍາກນັ້ນ.
ຜູ້ນຳທີ່ຍັງໜຸ່ມນ້ອຍທ່ານນີ້ໄດ້ສະເໜີວິທີການທີ່ສະເພາະເຈາະຈົງຢູ່ສອງສາມຢ່າງໃນຄຳ
ປາໄສ ທີ່ຍາວເຄິ່ງຊົ່ວໂມງ ແລະກໍເປັນຄຳປາໄສຄັ້ງທີສີ່ ນັບແຕ່ທ່ານ ໄດ້ເຂົ້າກຳອຳນາດ
ການນຳພາປະເທດ ຫລັງຈາກບິດາຂອງທ່ານ ທ່ານ Kim Jong Il ໄດ້ເຖິງແກ່ອະສັນຍະ
ກຳຢ່າງກະທັນຫັນ ໃນປີ 2011. ແທນທີ່ຈະເວົ້າເຖິງວິທີການທ່ານຊ້ຳພັດໄດ້ເນັ້ນຢ້ຳເປັນ
ສ່ວນໃຫຍ່ເຖິງເນື້ອໄນແບບດຽວກັນ ກັບທີ່ໄດ້ພົບເຫັນໃນຄຳປາໄສເທື່ອກ່ອນໆ.
ທ່ານ Kim ເວົ້າວ່າ ພວກເຮົາຈະສືບຕໍ່ໃນການພະຍາຍາມຊອກຫາຊ່ອງທາງເພື່ອປັບປຸງ
ຄວາມສຳພັນລະຫວ່າງເກົາຫຼີເໜືອກັບເກົາຫຼີໃຕ້ແລະຈະຫາລືກ່ຽວກັບບັນຫາຕ່າງໆຂອງ
ປະຊາຊົນຊາວເກົາຫຼີ ແລະການທ້ອນໂຮມຊາດແບບທີ່ມີຈິດໃຈເປີດກວ້າງ ກັບທຸກໆຄົນ
ທີ່ມີຄວາມຈິງໃຈປາຖະໜາ ຢາກໃຫ້ປະຊາຊົນເກົາ ຫຼືມີຄວາມປອງດອງກັນ ມີຄວາມສາ
ມັກຄີ ມີສັນຕິພາບ ແລະທ້ອນໂຮມຊາດ.
ນອກນັ້ນທ່ານ Kim ຍັງເຕືອນວ່າ ປະເທດຂອງທ່ານແມ່ນພ້ອມແລ້ວທີ່ຈະເຮັດສົງຄາມຖ້າ
ຫາກຖືກທ້າທາຍ ໂດຍການຮຸກຮານຈາກພາຍນອກ.
ທ່ານຍັງໄດ້ກ່າວຢ່າງໝັ້ນໃຈເຖິງການເຈລະຈາລະດັບສູງຊຶ່ງໄດ້ຕົກລົງກັນທີ່ຈະຈັດຂຶ້ນໃນ
ປີນີ້ກັບເກົາຫຼີໃຕ້ຊຶ່ງໄດ້ສະເໜີໃຫ້ໂອກາດໃນການປັບປຸງຄວາມສຳພັນລະຫວ່າງສອງເກົາ
ຫລີ ແຕ່ເທົ່າເຖິງປັດຈຸບັນນີ້ ຍັງບໍ່ທັນເຫັນຜົນທີ່ເປັນຮູບປະທຳຫຍັງຫລາຍ.
Your browser doesn’t support HTML5