ໄດ້ມີການຈັດພິທີໄຕ້ທຽນໄວ້ອາໄລ ໃນຕອນຄ່ຳວັນພຸດວານນີ້
ຢູ່ພາຍ ໃນວິທະຍາເຂດແຫ່ງນຶ່ງ ໃນລັດ North Carolina ທາງ
ພາກຕາເວັນອອກສຽງໃຕ້ຂອງສະຫະລັດ ໃຫ້ແກ່ນັກສຶກສາຊາວ
ມຸສລິມ 3 ຄົນ ທີ່ ຖືກຍິງຕາຍ ໃນອັນທີ່ເພື່ອນໆ ແລະ ຄອບຄົວ
ຂອງພວກກ່ຽວ ຢືນຢັດວ່າ ເປັນອາຊະຍາກຳຍ້ອນຄວາມກຽດຊັງ.
ນັກສຶກສາຫຼາຍພັນຄົນ ໄດ້ເຕົ້າໂຮມກັນຢູ່ໃນບໍລິເວນມະຫາວິທະ
ຍາໄລລັດ North Carolina ທີ່ Chapel Hill ເພື່ອໄວ້ອາໄລໃຫ້
ແກ່ຄູ່ສົມລົດໃໝ່ ທ້າວ Deah Shaddy Barakat ແລະພັນລະຍາ
ຂອງລາວ ນາງ Yusor Abu-Salha ແລະນາງ Razan
Abu-Salha ນ້ອງສາວຂອງນາງ Yusor ອາຍຸ 19 ປີ ທີ່ໄດ້ຖືກສັງຫານໃນວັນອັງຄານມື້ກ່ອນນີ້ ຢູ່ທີ່ບ້ານພັກຊຶ່ງເປັນ apartment ຂອງພວກກ່ຽວຢູ່ນອກບໍລິເວນ ມະຫາວິທະຍາໄລນັ້ນ.
Your browser doesn’t support HTML5
Hate Crime Not Ruled Out in Triple Slaying of Muslim Students
ເພື່ອນບ້ານອາຍຸ 46 ປີ ທ້າວ Craig Stephen Hicks ໄດ້ຖືກຟ້ອງ ດ້ວຍຂໍ້ຫາຂ້າຄົນຕາຍ ດ້ວຍຄວາມຕັ້ງໃຈແລະເຈດຕະນາ ທີ່ກ່ຽວພັນກັບການຍິງສັງຫານໃນຄັ້ງນີ້. ຕຳຫລວດ ເຊື່ອວ່າ ຂໍ້ຂັດແຍ້ງກ່ຽວກັບສະຖານທີ່ຈອດລົດ ທີ່ໄດ້ເກີດຂຶ້ນເປັນເວລາດົນນານມາແລ້ວນັ້ນ ໄດ້ກໍ່ໃຫ້ເກີດການຍິງຕາຍດັ່ງກ່າວ ແຕ່ ທ່ານ Mohammad Abu-Salha ພໍ່ຂອງນາງ ນາງ Yusor ແລະນ້ອງສາວຜູ້ຖືກຂ້າຕາຍ ກ່າວໃນວັນພຸດວານນີ້ວ່າ ທ່ານເຊື່ອວ່າ ການຍິງຕາຍ ແມ່ນເປັນອາຊະຍາກຳຍ້ອນຄວາມກຽດຊັງ. ທ່ານກ່າວວ່າ ທ້າວ Hicks ໄດ້ປະເຊີນໜ້າກັບລູກສາວ ແລະ ລູກເຂີຍຂອງລາວ ມາກ່ອນແລ້ວສອງສາມຄັ້ງ ໃນຂະນະທີ່ຜູ້ກ່ຽວ ມີປືນຂັດຢູ່ສາຍແອວຂອງຜູ້ກ່ຽວ.
Your browser doesn’t support HTML5
UNIVERSITY OF NORTH CAROLINA KILLINGS VIDEO