ບໍລິສັດການາດາ ທີ່ຢູ່ເບື້ອງຫລັງຂໍ້ສະເໜີວາງທໍ່ ທີ່ຈະນຳເອົານໍ້າ
ມັນຈາກ ການາດາ ມາສູ່ ສະຫະລັດ ໄດ້ຮຽກຮ້ອງໃຫ້ ກະຊວງ
ຕ່າງປະເທດ ສະຫະລັດ ໂຈະການທົບທວນຄືນ ໂຄງການທີ່ມີ
ການຄັດແຍ້ງກັນຢູ່ນັ້ນ.
ບໍລິສັດ TrasnsCanada ໄດ້ປະກາດໃນວັນຈັນວານນີ້ວ່າ ຕົນ
ໄດ້ສົ່ງຈົດໝາຍໄປຫາ ລັດຖະມົນຕີ ຕ່າງປະເທດ ສະຫະລັດ
ທ່ານ John Kerry ໃຫ້ໂຈະການທົບທວນຄືນ Keystone XL
ເນື່ອງຈາກການດຳເນີນທີ່ບໍ່ເປັນປົກກະຕິ ຢູ່ໃນລັດ Nebraska
ທາງທິດຕາເວັນຕົກກາງ ຂອງ ສະຫະລັດ ຈຸດສຸດທ້າຍຂອງການ
ວາງທໍ່ 1,900 ກິໂລແມັດ. ບໍລິສັດນີ້ກ່າວວ່າ ມັນອາດໃຊ້ເວລາ
ຫລາຍປີ ກ່ອນທີ່ເຈົ້າໜ້າທີ່ Nebraska ຈະເສັດສີ້ນການທົບທວນຂອງເສັ້ນທາງວາງທໍ່ນີ້.
ຂໍ້ສະເໜີວາງທໍ່ມູນຄາ 8 ພັນລ້ານໂດລາ ໄດ້ຢູ່ພາຍໃຕ້ການທົບທວນຂອງ ກະຊວງຕ່າງ
ປະເທດ ນັບແຕ່ບໍລິສັດ TransCanada ໄດ້ຂໍຮ້ອງເອົາໃບອະນຸຍາດໃນປີ 2008 ມາ.
ຖ້າຫາກທ່ານ Kerry ເຫັນດີຕໍ່ຄຳຮ້ອງຂໍຂອງ ບໍລິສັດ Transcanada ມັນກໍອາດຈະລ້າ
ຊ້າການຕັດສິນໃຈທີ່ລ້າສຸດ ຈົນກວ່າວ່າ ປະທານາທິບໍດີ Barack Obama ຈະພົ້ນຈາກ
ຕໍ່າແໜ່ງໃນເດືອນມັງກອນ ປີ 2017.
Keystone XL ຈະນຳສົ່ງຫລາຍກວ່າ 800,000 ຖັງນໍ້າມັນຈາກ ເຊື້ອນໍ້າມັນຢູ່່ດິນຊາຍ
ຂອງ ນະຄອນ Alberta ຂ້າມຜ່ານລັດ Montana ແລະ South Dakota ໄປຫາພາກ
ໃຕ້ຂອງລັດ Nebraska ແລະຈາກນັ້ນ ເຊື່ອມ ຕໍ່ເຂົ້າກັບທໍ່ນໍ້າມັນທີ່ມີຢູ່່ແລ້ວ ເພື່ອນຳ
ເອົານໍ້າມັນດິບໄປໂຮງງານກັ່ນກອງ ຢູ່ຕາມປາກອ່າວຊາຍຝັ່ງຂອງ ສະຫະລັດ. ໂຄງການ
ດັ່ງກ່າວໄດ້ເຮັດໃຫ້ ທ່ານ Barack Obama ຕົກຢູ່ໃນການວິເຄາະທາງການເມືອງຢ່າງ
ເຄັ່ງຄັດ ລະຫວ່າງ ບັນດານັກເຄື່ອນໄຫວສິ່ງແວດລ້ອມ ຜູ້ທີ່ອ້າງວ່າ ໂຄງການດັ່ງກ່າວ
ຈະເປັນຜົນກະທົບຢ່າງຮ້າຍແຮງຕໍ່ການປ່ຽນແປງດິນຟ້າອາກາດ ແລະບັນດາຜູ້ສະໜັບ
ສະໜູນ ຜູ້ທີ່ກ່າວວ່າ ມັນຈະນຳເອົາຄວາມຕ້ອງການດ້ານວຽກງານ ແລະສົ່ງເສີມພະລັງ
ງານຂອງປະເທດ ໃຫ້ເປັນອິດສະລະ
.ບັນດານັກເຄື່ອນໄຫວສິ່ງແວດລ້ອມ ໄດ້ຫລັ່ງໄຫລອອກມາຖະແຫລງການກ່າວຫາ
TransCanada ວ່າລໍຄອຍເວລາຈົນກວ່າຫລັງຈາກ ການເລືອກຕັ້ງປະທານາທິບໍດີ ປີ
2016 ໃນຄວາມຫວັງທີ່ຈະໄດ້ຮັບການສະໜັບສະໜູນຈາກ ລັດຖະບານຜູ້ສຳເລັດ
ທ່ານ Obama ຢູ່ທີ່ທຳນຽບຂາວ.