ລັດຖະມົນຕີ ຕ່າງປະເທດ ສະຫະລັດ ທ່ານ John Kerry ກ່າວ
ວ່າ ການສູ້ລົບຂອງປາກິສຖານ ຕ້ານພວກຫົວຮຸນແຮງຢູ່ໃນ
ເຂດຊົນເຜົ່າທາງພາກຕາເວັນຕົກສຽງເໝືອປະເທດ ໄດ້ໃຫ້
“ຜົນຮັບທີ່ສຳຄັນ” ແຕ່ກໍເຕືອນວ່າ ການສູ້ລົບຕ້ານບັນດາກຸ່ມ
ກໍ່ການຮ້າຍ ຍັງບໍ່ທັນເປັນທີ່ສີ້ນສຸດເທື່ອ.
ທ່ານ Kerry ກ່າວໃນວັນອັງຄານມື້ນີ້ ຫລັງຈາກການເຈລະ
ຈາທາງດ້ານຍຸດທະສາດ ທີ່ນະຄອນອິສລາມາບັດວ່າ ກຸ່ມ
ຕ່າງໆເຊັ່ນກຸ່ມທາລີບານຂອງປາກິສຖານ ແລະອັຟການິສ
ຖານ ຕາໜ່າງ Haqqani ແລະກຸ່ມ Lashkar-e Taiba ເປັນ
ໄພຂົ່ມຂູ່ບໍ່ພຽງແຕ່ຕໍ່ປາກິສຖານ ແຕ່ຍັງເປັນໄພຕໍ່ເພື່ອນບ້ານ
ແລະສະຫະລັດນຳດ້ວຍ.
ທ່ານ ກ່າວວ່າ ບັນດາປະເທດທັງໝົດເຫລົ່ານີ້ ຕ້ອງໃຫ້ເປັນທີ່ແນ່ນອນວ່າ ພວກຫົວຮຸນ
ແຮງຈັດ "ບໍ່ມີຄວາມສາມາດຮັກສາທີ່ຕັ້ງໝັ້ນ” ຢູ່ໃນປາກິສຖານ ແລະແຫ່ງອື່ນໆໄດ້.
ການຢ້ຽມຢາມປາກິສຖານຂອງທ່ານ Kerry ມີຂຶ້ນບໍ່ຮອດນຶ່ງເດືອນຫລັງຈາກ ພວກທາ
ລີບານໂຈມຕີໂຮງຮຽນແຫ່ງນຶ່ງໃນເມືອງ Peshawar ທີ່ໄດ້ສັງຫານເດັກນ້ອຍ 134 ຄົນ ແລະພະນັກງານອີກ 16 ຄົນ. ເຈົ້າໜ້າທີ່ຂັ້ນສູງຂອງ ກະຊວງຕ່າງປະເທດສະຫະລັດຄົນ
ນຶ່ງ ກ່າວວ່າ ປາກິສຖານ ລັດຖະມົນຕີຕ່າງ ປະເທດສະຫະລັດ ມີແຜນທີ່ຈະໄປຢ້ຽມພວກ
ທີ່ລອດຊີວິດມາໄດ້ຈາກການໂຈມ ຕີທີ່ໂຮງໝໍເມືອງ Peshawar ໃນວັນອັງຄານມື້ນີ້ ແຕ່
ຄວາມວິຕົກກັງດ້ານອາ ກາດ ບັງຄັບໃຫ້ທ່ານຕ້ອງໄດ້ຍົກເລີກແຜນດັ່ງກ່າວນີ້.
Your browser doesn’t support HTML5
KERRY PAKISTAN VOSOT