ລັດຖະມົນຕີ ຕ່າງປະເທດ ສະຫະລັດ ທ່ານ John Kerry ປະ
ນາມຄື້ນຟອງການໂຈມຕີຂອງປາແລສໄຕນ໌ຫວ່າງມໍ່ໆມານີ້ວ່າ
ເປັນການກໍ່ການຮ້າຍ ໃນຂະນະທີ່ທ່ານພົບປະ ກັບນາຍົກລັດ
ຖະມົນຕີອິສຣາແອລ ຢູ່ນະຄອນ Jerusalem.
ທ່ານ Kerry ກ່າວວ່າ ທ່ານຕ້ອງການຫາລືກັບທ່ານ Netanya-
hu ເພື່ອຊອກຫາຊ່ອງທາງ “ຕ້ານຄືນ ການກໍ່ການຮ້າຍ” ແລະ
“ຄວາມຮຸນແຮງທີ່ໄຮ້ຄວາມສຳນຶກ” ໃນຂະນະທີ່ທ່ານຢ້ຽມຢາມ
ປະເທດດັ່ງກ່າວ ຫຼັງຈາກໄດ້ເກີດການປະທະກັນຢ່າງຮ້າຍແຮງ
ເປັນເວລາສອງເດືອນມາແລ້ວ.
ທ່ານກ່າວວ່າ “ແລະການຊອກຫາທາງກ້າວໄປໜ້າ ເພື່ອຟື້ນຟູຄວາມສະຫງົບ ແລະເລີ້ມ
ໃຫ້ໂອກາດ ທີ່ຜູ້ຄົນມີເຫດຜົນສ່ວນໃຫຍ່ ຢູ່ໃນທຸກພາກສ່ວນຂອງໂລກ ກຳລັງຊອກສະ
ແຫວງຫາໃຫ້ແກ່ເຂົາເຈົ້າເອງແລະຄອບຄົວເຂົາເຈົ້ານັ້ນ.”
ທ່ານ Netanyahu ກ່າວວ່າ ອິສຣາແອລ ກຳລັງຕໍ່ສູ້ກັບ ພວກຫົວຮຸນແຮງອິສລາມ “ຢູ່
ທຸກໆຊົ່ວໂມງ” ແລະເອີ້ນການຕໍ່ສູ້ນີ້ວ່າເປັນ “ການສູ້ລົບຂອງຄວາມຈະເລີນ ຕ້ານຄວາມ
ປ່າເຖື່ອນ.”
ຊາກສົບຂອງ ທ້າວ Reuven Aviram, ອາຍຸ 51 ປີ ໜຶ່ງໃນສອງຄົນ ທີ່ຖືກສັງຫານໃນເດືອນພະຈິກ ທີ່ 19 ຈາກການແທງຂອງຊາວປາແລສໄຕນ໌ ໃນນະຄອນ Tel Aviv.
ທ່ານ Kerry ຍັງພົບປະກັບຜູ້ນຳປາແລສໄຕນ໌ ທ່ານ Mahmoud Abbas ຢູ່ທີ່ເຂດແຄມຝັ່ງຕາເວັນຕົກ ຂອງແມ່ນໍ້າຈໍແດນ.
ເຈົ້າໜ້າ ທີ່ຂັ້ນສູງສະຫະລັດຄົນໜຶ່ງ ກ່າວກ່ອນໜ້າການປະຊຸມ ໃນວັນອັງຄານມື້ນີ້ວ່າ ເຂົາເຈົ້າຈະເຈາະຈົງຢູ່ໃນວົງແຄບໂດຍຮຽກຮ້ອງໃຫ້ທັງສອງຝ່າຍ ເຮັດໃຫ້ສະພາບການຜ່ອນເບົາລົງ ແລະບໍ່ແມ່ນພະຍາຍາມເລີ້ມການການເຈລະຈາສັນຕິພາບໃນຂອບເຂດທີ່ກວ້າງ
ຂວາງຄືນໃໝ່.
ທ່ານ Kerry ໄດ້ກ່າວຕໍ່ບັນດານັກຂ່າວທີ່ຕິດຕາມໄປກັບທ່ານວ່າ ທ່ານຕ້ອງການບາດ
ກ້າວ “ທີ່ສາມາດລະງັບສະພາບການລົງໜ້ອຍໜຶ່ງ ເພື່ອວ່າບໍ່ໃຫ້ຜູ້ຄົນຕົກຢູ່ໃນຄວາມຢ້ານກົວຂອງແຕ່ລະວັນທີ່ ເຂົາເຈົ້າອາດຖືກ ແທງ ຫລືຖືກລົດຕຳ ແລະຖືກຍິງ ໃນຂະນະທີ່ຍ່າງຢູ່່ອ້ອມແອ້ມເມືອງ.
Your browser doesn’t support HTML5
Israel Palestinian