ທ່ານ Benjamin Netanyahu ນາຍົກລັດຖະມົນຕີ Israel ຍັງສືບຕໍ່ຊີ້ໜ້າແລະຖິ້ມໂທດ
ໃສ່ຝ່າຍປາແລສໄຕນ໌ ໃນເຫດຮຸນແຮງທີ່ເກີດຂຶ້ນເມື່ອໄວໆມານີ້ໃນ Israel ນັ້ນ.
ໃນຂະນະທີ່ທ່ານຈະທຳການໂອ້ລົມສົນທະນາກັບລັດຖະມົນຕີການຕ່າງປະເທດສະຫະລັດ ທ່ານ John Kerry ໃນວັນພະຫັດມື້ນີ້ ທ່ານ Netanyahu ໄດ້ກ່າວວ່າ ມັນຈະ “ບໍ່ມີຄຳຖາມໃດໆ” ທີ່ວ່າຄື້ນຟອງຂອງການໂຈມຕີທີ່ຮ້າຍແຮງໃນປັດຈຸບັນນີ້ ແມ່ນເກີດຈາກ “ການຍຸຍົງ.” ໂດຍກົງ.
ທ່ານ Netanyahu ກ່າວວ່າ “ການຍຸຍົງ ຈາກກຸ່ມ Hamas, ການຍຸຍົງຈາກຂະບວນການ
ອິສລາມໃນ Israel, ນີ້ເປັນການຍຸຍົງ, ຂ້າພະເຈົ້າຂໍໂທດ ທີ່ເວົ້າແບບນີ້ ຈາກປະທານາທິບໍດີ Abbas ແລະຈາກອຳນາດການປົກຄອງປາແລສໄຕນ໌.”
ທ່ານ ໄດ້ກ່າວອ້າງເຖິງເຫດການໃນວັນພະຫັດມື້ນີ້ ທີ່ທ່ານໄດ້ກ່າວວ່າ “ພວກກໍ່ການຮ້າຍສອງຄົນ ໄດ້ພະຍາຍາມສັງຫານພວກເດັກນ້ອຍນັກຮຽນ ທີ່ເຕັມລົດເມຄັນນຶ່ງ.”
ລາຍງານຂ່າວຂອງ Israel ແຈ້ງວ່າ ຊາຍຊາວປາແລສໄຕນ໌ 2 ຄົນ ໄດ້ແທງຜູ້ຊາຍຊາວຢິວ ໃນເມືອງ Beit Shemesh ໃນວັນພະຫັດມື້ນີ້ ຫຼັງຈາກທີ່ໄດ້ພະຍາຍາມຂຶ້ນລົດເມໂຮງຮຽນນັ້ນ.
ປະທານາທິບໍດີ ປາແລວໄຕນ໌ທ່ານ Mahmoud Abbas, ປະທານ ຂອງພັກ ເສລີປະຊາທິປັດ ໃນກອງປະຊຸມ West Bank ເມືອງ Ramallah, 22 ສິງຫາ 2015.
ລັດຖະມົນຕີການຕ່າງປະເທດ Kerry ໄດ້ຮຽກຮ້ອງໃຫ້ຍຸຕິຄວາມຮຸນແຮງ ແຕ່ກໍບໍ່ໄດ້ຖິ້ມໂທດໃສ່ຝ່າຍໃດຝ່າຍນຶ່ງ ໃນຂະນະທີ່ທ່ານມຸ້ງໜ້າໄປເຈລະຈາໂອ້ລົມກັບທ່ານ Netanyahu ໃນນະຄອນ Berlin.
ທ່ານ Kerry ໄດ້ກ່າວວ່າ “ແນ່ນອນມັນເປັນສິ່ງສຳຄັນຫຼາຍ ທີ່ຈະຍຸຕິທຸກການຍຸຍົງ ແລະຄວາມຮຸນແຮງ ແລະຊອກຫາຊ່ອງທາງເພື່ອກ້າວໄປເບື້ອງໜ້າ.”
ທ່ານ Kerry ໄດ້ກ່າວຕໍ່ທ່ານ Netanyahu ວ່າ “ພວກ ເຮົາຮູ້ ກັນແລະກັນເປັນຢ່າງດີ, ຂ້າພະເຈົ້າເຊື່ອວ່າ ພວກເຮົາມີຄວາມສາມາດ ທີ່ຈະປ່ຽນແປງໄດ້ ແລະນີ້ແມ່ນຈຸດປະສົງທີ່ຂ້າພະເຈົ້າມາທີ່ນີ້.”
Your browser doesn’t support HTML5
US Seeks to Defuse Israeli-Palestinian Tensions