ທ່ານ ຈອນ ແຄຣີ ລັດຖະມົນຕີຕ່າງປະເທດສະຫະລັດ ໄດ້ເດີນທາງອອກຈາກອັຟການິສຖານ ໃນຄືນວັນເສົາວານນີ້ ຫຼັງຈາກໄດ້ເຈລະຈາກັນເປັນເວລາສອງວັນກັບທ່ານ ຮາມິດ ກາຊາຍ ປະທານາທິບໍດີອັຟການິສຖານ.
ນັກການທູດລະດັບສູງສຸດສະຫະລັດ ແລະຜູ້ນໍາອັຟການິສຖານ ໄດ້ກ່າວ ຫຼັງຈາກການເຈລະຈາກັນແລ້ວ ວ່າ ພວກທ່ານກໍາລັງເຄຶ່ອນໄຫວໃກ້ເຂົ້າໄປສູ່ຂໍ້ຕົກລົງກັນ ກ່ຽວກັບຄວາມໝັ້ນຄົງສອງຝ່າຍແລ້ວ ແຕ່ກໍຍັງມີຄວາມເຫັນແຕກຕ່າງກັນຢູ່ ກ່ຽວກັບຄໍາຖາມເລຶ່ອງຍົກເວັ້ນກອງທະຫານສະຫະ ລັດ ຈາກການຖືກຟ້ອງຮ້ອງແລະດໍາເນີນຄະດີນັ້ນ.
ເຈົ້າໜ້າທີ່ທັງສອງທ່ານ ໄດ້ໃຫ້ຄວາມເຫັນ ຢູ່ເມືອງຫຼວງກາບູລ ຫຼັງຈາກ ການເຈລະຈາກັນທີ່ຕໍ່ເວລາອອກໄປເປັນສອງວັນ ກ່ຽວກັບຄວາມເປັນໄປໄດ້ຂອງການມີໜ້າຂອງສະຫະລັດ ໃນອັຟການິສຖານຕໍ່ໄປ ຫຼັງຈາກ ພາລະກິດທາງທະຫານ ທີ່ນໍາໂດຍເນໂຕ້ ສິ້ນສຸດລົງໃນປີໜ້ານີ້.
ປະທານາທິບໍດີ ກາຊາຍ ເວົ້າວ່າ ຕໍ່ຄໍາຖາມທີ່ວ່າ ປະເທດໃດມີອໍານາດຄຸ້ມຄອງກ່ຽວກັບກໍລະນີອາຊະຍາກໍາ ທີ່ກໍ່ຂຶ້ນໂດຍທະຫານສະຫະລັດ ຫຼັງຈາກປີ 2014 ນັ້ນ ແມ່ນຈະຕ້ອງໄດ້ຖືກຕັດສິນໂດຍສະພາແຫ່ງຊາດອັຟການິສຖານ ແລະສະພາຜູ້ສູງອາຍຸນັ້ນ.
ທ່ານ ແຄຣີ ເວົ້າວ່າ ສະຫະລັດສາມາດທີ່ຈະດໍາເນີນຄະດີ ການກະທໍາ ຜິດໃດໆໂດຍທະຫານສະຫະລັດນັ້ນໄດ້.
ສະຫະລັດໄດ້ຜັກດັນ ໃຫ້ມີການບັນລຸຂໍ້ຕົກກັນໃນເລຶ່ອງນີ້ ກັບອັຟການິສຖານ ໃຫ້ໄດ້ພາຍໃນທ້າຍເດືອນນີ້.
ການເຈລະຈາດັ່ງກ່າວ ລະຫວ່າງວໍຊິງຕັນ ແລະກາບູລ ໄດ້ດໍາເນີນມາ ເປັນເວລານຶ່ງປີປາຍແລ້ວ.
ເບິ່ງວີດີໂອ:
ນັກການທູດລະດັບສູງສຸດສະຫະລັດ ແລະຜູ້ນໍາອັຟການິສຖານ ໄດ້ກ່າວ ຫຼັງຈາກການເຈລະຈາກັນແລ້ວ ວ່າ ພວກທ່ານກໍາລັງເຄຶ່ອນໄຫວໃກ້ເຂົ້າໄປສູ່ຂໍ້ຕົກລົງກັນ ກ່ຽວກັບຄວາມໝັ້ນຄົງສອງຝ່າຍແລ້ວ ແຕ່ກໍຍັງມີຄວາມເຫັນແຕກຕ່າງກັນຢູ່ ກ່ຽວກັບຄໍາຖາມເລຶ່ອງຍົກເວັ້ນກອງທະຫານສະຫະ ລັດ ຈາກການຖືກຟ້ອງຮ້ອງແລະດໍາເນີນຄະດີນັ້ນ.
ເຈົ້າໜ້າທີ່ທັງສອງທ່ານ ໄດ້ໃຫ້ຄວາມເຫັນ ຢູ່ເມືອງຫຼວງກາບູລ ຫຼັງຈາກ ການເຈລະຈາກັນທີ່ຕໍ່ເວລາອອກໄປເປັນສອງວັນ ກ່ຽວກັບຄວາມເປັນໄປໄດ້ຂອງການມີໜ້າຂອງສະຫະລັດ ໃນອັຟການິສຖານຕໍ່ໄປ ຫຼັງຈາກ ພາລະກິດທາງທະຫານ ທີ່ນໍາໂດຍເນໂຕ້ ສິ້ນສຸດລົງໃນປີໜ້ານີ້.
ປະທານາທິບໍດີ ກາຊາຍ ເວົ້າວ່າ ຕໍ່ຄໍາຖາມທີ່ວ່າ ປະເທດໃດມີອໍານາດຄຸ້ມຄອງກ່ຽວກັບກໍລະນີອາຊະຍາກໍາ ທີ່ກໍ່ຂຶ້ນໂດຍທະຫານສະຫະລັດ ຫຼັງຈາກປີ 2014 ນັ້ນ ແມ່ນຈະຕ້ອງໄດ້ຖືກຕັດສິນໂດຍສະພາແຫ່ງຊາດອັຟການິສຖານ ແລະສະພາຜູ້ສູງອາຍຸນັ້ນ.
ທ່ານ ແຄຣີ ເວົ້າວ່າ ສະຫະລັດສາມາດທີ່ຈະດໍາເນີນຄະດີ ການກະທໍາ ຜິດໃດໆໂດຍທະຫານສະຫະລັດນັ້ນໄດ້.
ສະຫະລັດໄດ້ຜັກດັນ ໃຫ້ມີການບັນລຸຂໍ້ຕົກກັນໃນເລຶ່ອງນີ້ ກັບອັຟການິສຖານ ໃຫ້ໄດ້ພາຍໃນທ້າຍເດືອນນີ້.
ການເຈລະຈາດັ່ງກ່າວ ລະຫວ່າງວໍຊິງຕັນ ແລະກາບູລ ໄດ້ດໍາເນີນມາ ເປັນເວລານຶ່ງປີປາຍແລ້ວ.
ເບິ່ງວີດີໂອ:
Your browser doesn’t support HTML5
Kerry-Afghanistan