ລັດຖະມົນຕີ ຕ່າງປະເທດ ສະຫະລັດ ທ່ານ John Kerry ໄດ້ພົບ
ປະກັບ ລັດຖະມົນຕີການເງິນຂອງອິນເດຍ ທ່ານ Arun Jaitley
ໃນລະຫວ່າງການຢ້ຽມຢາມອິນເດຍ ທີ່ແນ່ໃສ່ຍົກລະດັບ ຄວາມ
ສຳພັນດ້ານເສດຖະກິດ ລະຫວ່າງ ສອງປະເທດປະຊາທິປະໄຕ
ທີ່ໃຫຍ່ທີ່ສຸດຂອງໂລກ.
ທ່ານ Kerry ທີ່ມີລັດຖະມົນຕີການຄ້າ ທ່ານນາງ Penny
Pritzker ຕິດຕາມໄປດ້ວຍນັ້ນ ກຳລັງຢູ່ໃນນະຄອນຫລວງ
ນິວເດລີ ເພື່ອຮຽກຮ້ອງໃຫ້ ອິນເດຍ ປະລະການຄັດຄ້ານຕໍ່
ມາດຕະການປະຕິຮູບການຄ້າໂລກ ທີ່ບັນດານັກເສດຖະສາດ
ກ່າວວ່າ ຈະກະຕຸກຊຸກຍູ້ເສດຖະກິດຂອງໂລກນັ້ນ.
ວັນພະຫັດມື້ນີ້ ເປັນວັນເສັ້ນຕາຍ ສຳຫລັບການຮັບຮອງເອົາ ການປະຕິຮູບດັ່ງກ່າວຂອງ
ອົງການຄ້າໂລກ.
ໃນຕົ້ນອາທິດນີ້ ທ່ານ Kerry ກ່າວວ່າ ຄວາມເຕັມໃຈຂອງອິນເດຍ ທີ່ຈະສະໜັບສະໜູນ
ລະບົບການຄ້າທີ່ອິງໃສ່ກົດລະບຽບນັ້ນ ແມ່ນຈະດຶງດູດເອົາ ການລົງທຶນຫລາຍຂຶ້ນ ຈາກ
ສະຫະລັດ ແລະທົ່ວໂລກ.
ອິນເດຍໄດ້ກ່າວວ່າ ຕົນຈະບໍ່ສະໜັບສະໜູນການປະຕິຮູບການຄ້າ ຖ້າຫາກວ່າ ຕົນບໍ່
ໄດ້ຮັບສິດໃຫ້ຊື້ເຂົ້າ ຈາກພວກຊາວນາ ໃນລາຄາສູງກວ່າຕະຫລາດໄດ້ ແລະສະສົມໄວ້ ແລ້ວຂາຍໃຫ້ແກ່ຄົນທຸກຍາກ ໃນລາຄາເກື້ອກຸນ ຈາກລັດຖະບານ.
ກົດລະບຽບຂອງອົງການຄ້າໂລກ (WHO) ລະບຸວ່າ ອາຫານທີ່ເກັບສະສົມໄວ້ ສາມາດ
ຂາຍໄດ້ໃນລາຄາຕະຫລາດເທົ່ານັ້ນ.
ການຢ້ຽມຢາມຂອງ ທ່ານ Kerry ຍັງຮວມທັງການສົນທະນາກັບ ນາຍົກລັດຖະມົນຕີ ທ່ານ Narendra Modi ຊາວຮິນດູຫົວຊາດນິຍົມ ຜູ້ທີ່ ວໍຊິງຕັນໄດ້ຫລີກເວ້ນຈາກການພົວພັນນຳ ຈົນກະທັງບໍ່ນານມານີ້ ກ່ອນໜ້າທ່ານໄດ້ຮັບໄຊຊະນະຢ່າງຖ້ວມລົ້ນ ໃນການເລືອກຕັ້ງເມື່ອເດືອນພຶດສະພານັ້ນ.
ນອກຈາກເລື້ອງການຄ້າແລ້ວ ບັນດາເຈົ້າໜ້າທີ່ສະຫະລັດແລະອິນເດຍ ຍັງວາງແຜນ ຈະ
ສົນທະນາກັນກ່ຽວກັບ ການປ່ຽນດິນຂອງຟ້າອາກາດ ບັນຫາດ້ານພະລັງງານ ແລະອັນທີ່ ກະຊວງຕ່າງປະເທດສະຫະລັດ ເອີ້ນວ່າ ສາຍພົວພັນລະຫວ່າງທີ່ເຂ້ມແຂງລະຫວ່າງປະຊາຊົນຕໍ່ປະຊາຊົນ.
Your browser doesn’t support HTML5
US TRADE INDIA VO