ລັດຖະມົນຕີຕ່າງປະເທດ ສະຫະລັດ ທ່ານ John Kerry ກ່າວ
ໃນວັນພຸດມື້ນີ້ວ່າ ທ່ານມີຄວາມໝັ້ນໃຈ ກ່ຽວກັບການບັນລຸຂໍ້
ຕົກລົງນິວເຄລຍຂັ້ນສຸດທ້າຍ ກັບ ອີຣ່ານ.
ທ່ານໄດ້ໃຫ້ຄວາມເຫັນດັ່ງກ່າວ ກ່ອນໜ້າກອງປະຊຸມກັບບັນ
ດາກຸ່ມລັດຖະມົນຕີ ຕ່າງປະເທດ ຂອງເຈັດປະເທດ ທີ່ເຢຍຣະ
ມັນ ຊຶ່ງຄາດວ່າຈະຮວມທັງການເຈລະຈາ ຫາລືກັນ ທີ່ພາໃຫ້
ບັນລຸຂອບຂອງຂໍ້ຕົກລົງໃນຕົ້ນເດືອນນີ້.
ທ່ານກ່າວວ່າ “ພວກເຮົາໝັ້ນໃຈກ່ຽວກັບຄວາມສາມາດຂອງ
ພວກເຮົາ ເພື່ອໃຫ້ປະທານາທິບໍດີ ເຈລະຈາຂໍ້ຕົກລົງ ແລະໃນ
ການປະຕິບັດດັ່ງກ່າວ ດ້ວຍຄວາມສາມາດທີ່ຈະເຮັດໃຫ້ໂລກມີຄວາມປອດໄພຫລາຍ
ຂື້ນ.”
ປະທານາທິບໍດີ Barack Obama ກ່າວໃນວັນອັງຄານວານນີ້ວ່າ ທ່ານຈະເຊັນຮ່າງກົດ
ໝາຍດຽວນີ້ຢູ່ໃນລັດຖະສະພາສະຫະລັດ ທີ່ຈະຍອມໃຫ້ສະພາທົບທວນ ເບິ່ງຂໍ້ຕົກລົງ
ນິວເຄລຍຂັ້ນສຸດທ້າຍໃດໆກໍຕາມດ້ວຍການລົງຄະແນນສຽງທີ່ອາດ ເປັນໄປໄດ້ ເພື່ອໃຫ້ການອະນຸມັດ ຫລືປະຕິເສດຕໍ່ຂໍ້ຕົກລົງດັ່ງກ່າວ.
ຄະນະກຳມະການຄວາມສຳພັນຕ່າງປະເທດ ຂອງສະພາສູງສະຫະລັດ ໄດ້ຮັບຜ່ານມາດຕະການ ໃນວັນອັງຄານວານນີ້ ຫລັງຈາກທັງສອງຝ່າຍໄດ້ມີການປະ ນີປະນອມ ທີ່ຮ້ອງ
ໃຫ້ມີການທົບທວນພາຍໃນ 30 ມື້ ແລະເພື່ອໃຫ້ປະທານາ ທິບໍດີຢັ້ງຢືນທຸກໆ 90 ມື້ ທີ່ວ່າ
ອີຣ່ານຕ້ອງປະຕິບັດຕາມຕໍ່ຂໍ້ຕົກລົງ ຫລຸດຜ່ອນກິດຈະການນິວເຄລຍຂອງຕົນ. ການລົງ
ໂທດຂອງລັດຖະພາ ຈະມີການນຳມາ ໃຊ້ຄືນໃໝ່ໃນທັນທີ ໃນກໍລະນີລະເມີດ.
ຮ່າງກົດໝາຍດັ່ງກ່າວ ບັດນີ້ໄດ້ສົ່ງໄປຍັງສະພາຕໍ່າ ແລະສະພາສູງຄົບຄະນະ ເພື່ອໃຫ້
ການອະນຸມັດ.
Your browser doesn’t support HTML5
US Iran Nuclear Deal