ທ່ານ Kerry ພົບປະກັບ ທ່ານ Brahimi ກ່ຽວກັບ ກອງປະຊຸມສັນຕິພາບຊີເຣຍ (ວີດີໂອ/ສະໄລດ໌)

ທ່ານ ຈອນ ແຄຣີ ລັດຖະມົນຕີຕ່າງປະເທດສະຫະລັດ ມີກໍາໜົດ
ພົບປະກັບ ທ່ານ Lakhdar Brihimi ທູດພິເສດກ່ຽວກັບຊີເຣຍ
ຂອງສັນນິບາດແຫ່ງຊາດອາຣັບແລະສະຫະປະຊາຊາດ ເພື່ອ
ສົນທະນາກ່ຽວກັບ ກອງປະຊຸມສັນຕິພາບຊີເຣຍ ທີ່ໄດ້ມີການ
ວາງແຜນກັນໄວ້ນັ້ນ ໃນຂະນະທີ່ເກີດການໂຈມຕີດ້ວຍລະເບີດ
ລົດທີ່ຮ້າຍແຮງເຖິງຕາຍ ທີ່ເນ້ນຢໍ້າເຖິງຄວາມຮຸນແຮງ ທີ່ມີມາ
ຢ່າງບໍ່ລົດລະ ຢູ່ໃນປະເທດນັ້ນ.

ທັງສອງນັກການທູດກໍາລັງຢູ່ທີ່ກຸງລອນດອນ ເພື່ອໂອ້ລົມກັນ
ໃນວັນຈັນມື້ນີ້ ກ່ຽວກັບການຈັດແຈງໃຫ້ມີກອງປະຊຸມທີ່ຊັກຊ້າ
ມາຍາວນານນັ້ນ. ກະຊວງການຕ່າງປະເທດຂອງສະຫະລັດ
ໄດ້ກ່າວໃນອາທິດແລ້ວນີ້ວ່າ “ມີຄວາມຈໍາເປັນຢ່າງຮີບດ່ວນ” ທີ່ຈະຕ້ອງຈັດກອງປະຊຸມ
ນີ້ຂຶ້ນ ທີ່ມີຈຸດປະສົງເພື່ອຊອກຫາວິທີແກ້ໄຂທາງການເມືອງ ຕໍ່ວິກິດການໃນຊີເຣຍນັ້ນ.

ກຸ່ມຝ່າຍຄ້ານທີ່ສໍາຄັນກຸ່ມນຶ່ງ ກໍຄືກຸ່ມສະພາແຫ່ງຊາດຊີເຣຍ ກ່າວໃນວັນອາທິດວານນີ້ວ່າ
ຕົນຈະບໍ່ເຂົ້າຮ່ວມແລະກ່າວຕໍານິຕິຕຽນ ການຮັບມືຂອງປະຊາຄົມນາໆຊາດ ຕໍ່ການຕໍ່ສູ້ກັນ
ຢູ່ໃນຊີເຣຍນັ້ນ.

Your browser doesn’t support HTML5

Kerry Syria

ໃນຂະນະດຽວກັນນີ້ ພວກນັກເຄື່ອນໄຫວກ່າວວ່າ ລະເບີດລົດທີ່ແຕກຂຶ້ນໃນວັນຈັນມື້ນີ້ ຢູ່
ເມືອງ Darkoush ທາງພາກເໜືອຂອງປະເທດ ໃກ້ໆກັບຊາຍແດນຂອງເທີກີ ໄດ້ສັງຫານ
ຢ່າງນ້ອຍ 20 ຄົນ ແລະເຮັດໃຫ້ບາດເຈັບອີກຫຼາຍສິບຄົນ. ກຸ່ມສັງເກດການກ່ຽວກັບສິດທິ
ມະນຸດຂອງຊີເຣຍ ກ່າວວ່າ ລະເບີດດັ່ງກ່າວນັ້ນໄດ້ແຕກຂຶ້ນໃນຄຸ້ມຕະຫຼາດຂອງເມືອງ
ຊຶ່ງຂະນະນີ້ ຍັງບໍ່ທັນມີຜູ້ໃດອອກມາອ້າງເອົາຄວາມຮັບຜິດຊອບ ເທື່ອ.

Images from Syria