ໃນວັນພະຫັດວານນີ້ ທ່ານນາງ ຄາມາລາ ແຮຣິສ ໄດ້ຮຽກຮ້ອງປະຊາຊົນ ອາເມຣິກັນ ໃຫ້ປະຕິເສດການແບ່ງແຍກທາງດ້ານການເມືອງ ແລະແທນທີ່ ໃຫ້ວາງແຜນໃນສິ່ງທີ່ທ່ານນາງຮ້ອງວ່າ “ແນວທາງກ້າວໜ້າໃຫມ່,” ໃນຂະນະ ທີ່ມ່ານນາງຮັບເອົາການແຕ່ງຕັ້ງຂອງພັກ ທີ່ປະສົມປະສານຊີວະປະວັດກັບ ຄໍາເຕືອນກ່ຽວກັບການເລືອກ ທ່ານ ດໍໂນລ ທຣໍາ ໄປດຳລົງຕຳແນ່ງໃນທໍານຽບຂາວອີກເທື່ອນຶ່ງ.
ໃນການກ້າວຂຶ້ນສູ່ເວທີປາໄສທ່າມກາງການຢືນຕົບມືທີ່ດັງກ້ອງໃນຫໍປະຊຸມ ໃນຂະນະທີ່ທ່ານນາງກ່າວປິດກອງປະຊຸມແຫ່ງຊາດຂອງພັກເດໂມແຄຣັດ ຢູ່ນະຄອນຊິຄາໂກນັ້ນ, ທ່ານນາງຮອງປະທານາທິບໍດີໄດ້ໂຕ້ແຍ້ງວ່າ ເລື່ອງ ສ່ວນຕົວ ແລະປະຫວັດຄວາມເປັນມາຂອງທ່ານນາງໃນການເປັນໄອຍະການ ໄດ້ເຮັດໃຫ້ທ່ານນາງມີຄຸນສົມບັດພິເສດແບບບໍ່ຄືໃຜ ເພື່ອປົກປ້ອງຜົນປະໂຫຍດ ຂອງຊາວອາເມຣິກັນ ຈາກອະດີດປະທານາທິບໍດີທີ່ທ່ານນາງລະບຸວ່າ ເປັນຄົນເຫັນແກ່ຜົນປະໂຫຍດສ່ວນໂຕຂອງຕົນເອງເທົ່ານັ້ນ.
ທ່ານນາງ ແຮຣິສ ກ່າວວ່າ “ປະເທດຊາດຂອງພວກເຮົາກັບການເລືອກຕັັ້ງທີ່ມີໂອກາດອັນລ້ຳຄ່າ, ແລະທັນເຫດການໃນຄັ້ງນີ້ ຈະຜ່ານຜ່າຄວາມຂົມຂື່ນ, ການເວົ້າເຍາະເຍີ້ຍ, ແລະການຕໍ່ສູ້ທີ່ແຕກແຍກກັນໃນອະດີດ, ໂອກາດທີ່ຈະສ້າງທິດ ທາງຂອງການວາງແຜນໃໝ່ໃນຕໍ່ໜ້າ. ບໍ່ແມ່ນໃນຖານະຂອງສະມາຊິກພັກໃດນຶ່ງ ຫຼື ຝ່າຍໃດຝ່າຍນຶ່ງ, ແຕ່ໃນຖານະ ຂອງປະຊາຊົນ ອາເມຣິກັນ.”
ລູກສາວຂອງຜູ້ອົບພະຍົບຊາວຈາໄມກາ ແລະ ອິນເດຍ, ທ່ານນາງ ແຮຣິສ ໄດ້ກາຍມາເປັນແມ່ຍິງຜິວດຳ ແລະ ຄົນເຊື້ອສາຍເອເຊຍໃຕ້ຄົນທຳອິດ ທີ່ຮັບເອົາການສະເໜີຊື່ເລືອກຕັ້ງເປັນປະທານາທິບໍດີຂອງພັກຄັ້ງສໍາຄັນ ແລະ ທ່ານນາງ ກໍຈະກາຍເປັນປະທານາທິບໍດີແມ່ຍິງຄົນທຳອິດ ຖ້າໄດ້ຮັບການເລືອກ. ທ່ານນາງ ແຮຣິສ ບໍ່ໄດ້ອ້າງກ່ຽວກັບປະຫວັດສາດຄັ້ງທຳອິດທີ່ທ່ານນາງຈະ ຕັ້ງໄວ້ໃນຄຳປາໄສ 40 ນາທີຂອງທ່ານນາງຢ່າງຈະແຈ້ງ ເຊິ່ງພຽງແຕ່ກ່າວ ເຖິງຄຳວ່າ “ເດໂມໂມແຄຣັດ” ຫຼື “ຣີພັບບລິກັນ” ໃນຂໍ້ຄວາມຂອງການສົນ ທະນາ ກ່ຽວກັບຮ່າງກົດໝາຍຊາຍແດນສອງຝ່າຍທີ່ ທ່ານ ທຣໍາ ໄດ້ຊ່ວຍຊຸກ ຍູ້ໃນຕົ້ນປີນີ້ ໂດຍທ່ານນາງໄດ້ສັນຍາໄວ້ວ່າຈະເຊັນລົງນາມໃນກົດໝາຍ ຖ້າໄດ້ຮັບການເລືອກຕັ້ງ.
Your browser doesn’t support HTML5
Harris contrasts her vision with Trump’s as she accepts Democrats’ nomination
ຄຳປາໄສຂອງທ່ານນາງ ແລະກອງປະຊຸມແຫ່ງຊາດຂອງພັກເດໂມແຄຣັດ ແມ່ນມີຈຸດປະສົງເພື່ອດຶງດູດຈິດໃຈຂອງປະຊາຊົນຊາວອາເມຣິກັນຢ່າງກວ້າງ ຂວາງ, ບໍ່ພຽງແຕ່ສຳລັບພັກທີ່ມີກຳລັງໃຈຢູ່ແລ້ວໂດຍການກ້າວຂຶ້ນມາຂອງ ທ່ານນາງ ແຮຣິສ ຫຼັງຈາກປະທານາທິບໍດີ ທ່ານ ໂຈ ໄບເດັນ ໄດ້ຖອນໂຕ ອອກຈາກການເລືອກຕັ້ງອີກຄັ້ງຂອງທ່ານ. ທ່ານນາງ ໄດ້ຮຽກຮ້ອງຢ່າງຈະແຈ້ງ ຕໍ່ບັນດາຜູ້ລົງຄະແນນສຽງຈໍານວນຫຼາຍ ຜູ້ທີ່ພຽງບໍ່ເທົ່າໃດອາທິດໃນກ່ອນຫນ້ານີ້ ບໍ່ພໍໃຈກັບທັງສອງທາງເລືອກຂອງພວກເຂົາເຈົ້າສໍາລັບທໍານຽບຂາວ, ໂດຍສະ ເພາະ ຜູ້ທີ່ບໍ່ພໍໃຈກັບ ທ່ານ ທຣໍາ, ທີ່ຖືກເນັ້ນຢ້ຳດ້ວຍການປະກົດໂຕຂອງ ຫຼາຍໆຄົນທີ່ແຕກແຍກກັບປະທານາທິບໍດີຄົນທີ 45, ໃນຂະນະທີ່ຍອມຮັບນະໂຍບາຍ ແລະວິທີການຂອງ ທ່ານ ໄບເດັນ, ປະທານາທິບໍດີຄົນທີ 46.
ທ່ານນາງໄດ້ເຂົ້າຮ່ວມໃນການປ່ອຍບາລລູນແບບດັ້ງເດີມດ້ວຍຄອບຄົວໃຫຍ່ແລະຫຼາຍເຊື້ອຊາດປະສົມກັນ. ໃນກ່ອນຫນ້ານີ້, ຫຼານສາວຂອງທ່ານນາງສອງຄົນ ໄດ້ນໍາພາສູນ United Center ໃນການສອນປະຊາຊົນກ່ຽວກັບວິທີການອອກ ສຽງຂອງຊື່ທ່ານນາງ, ເຊິ່ງໝາຍຄວາມວ່າ ດອກບົວ ໃນພາສາສັນສະກຣິດ.
ທ່ານນາງ ແຮຣິສ ກ່າວວ່າ “ອາເມຣິກາ, ເສັ້ນທາງທີ່ນຳຂ້ອຍມາທີ່ນີ້ ໃນອາທິດທີ່ຜ່ານມານີ້ ແມ່ນບໍ່ມີຄວາມສົງໃສເລີຍວ່າເປັນສິ່ງທີ່ບໍ່ຄາດຄິດ. ແຕ່ຂ້ອຍກໍລື້ງເຄີຍຕໍ່ການເດີນທາງທີ່ເບິ່ງຄືວ່າ ເປັນໄປບໍ່ໄດ້.”