ທ່ານ Justin Trudeau ຈະໄດ້ເປັນນາຍົກລັດຖະມົນຕີການາ
ດາຄົນຕໍ່ໄປ ຫຼັງຈາກໄດ້ເປັນຜູ້ນຳພັກເສລີນິຍົມຂອງທ່ານ ເຂົ້າສູ່
ໄຊຊະນະໃນການເລືອກຕັ້ງລັດຖະສະພາໃນວັນອັງຄານ ມື້ນີ້.
ບໍລິສັດອອກອາກາດຂອງການາດາ ຄາດຄະເນວ່າພັກເສລີນິຍົມ
ຈະໄດ້ຮັບບ່ອນນັ່ງ ຫຼາຍກວ່າ 180 ບ່ອນ ຢູ່ໃນສະພາທີ່ມີທັງໝົດ 338 ບ່ອນນັ່ງທັງໝົດ ຂອງການາດາ ໂດຍພັກນິຍົມແນວທາງເດີມຂອງທ່ານ Stephen Harper ຊະນະແຕ່ພຽງ 104 ບ່ອນນັ່ງ ແລະພັກເສລີປະຊາທິປັດໃໝ່ທີ່ອຽງຊ້າຍນັ້ນ ໄດ້ຮັບ 36 ບ່ອນນັ່ງ.
ທ່ານ Trudeau ໄດ້ຮັບເອົາໄຊຊະນະ ຕໍ່ໜ້າພວກທີ່ມາສະໜັບ
ສະໜຸນທ່ານ ໃນນະຄອນ Montreal ໃນແລງວັນຈັນວານນີ້ ໂດຍກ່າວວ່າ ການໂຄສະນາຫາສຽງໄດ້ພິສູດໃຫ້ເຫັນ“ນີ້ແມ່ນສິ່ງ ທີ່ການເມືອງສາມາດເຮັດໄດ້” ແລະທ່ານໄດ້ຫວັງວ່າ ມັນຈະເປັນປັດໄຈໃນການ“ດົນບັນດານໃຫ້ພວກທີ່ມີແນວຄິດຈິດໃຈ ຄືກັນນັ້ນ ຈະເພີ້ມ
ທະວີ ແລະປະກອບສ່ວນເຂົ້າ ຮ່ວມ.”
ບໍ່ເທົ່າໃດນາທີກ່ອນໜ້ານີ້ ທ່ານ Harper ໄດ້ກ່າວສະແດງຄວາມຍິນດີຕໍ່ທ່ານ Trudeau
ທີ່ຍອມຮັບເຖິງການເສຍໄຊ ໃນການກ່າວຖະແຫຼງການທີ່ເມືອງ Calgary ໃນແລງວັນຈັນວານນີ້ ໂດຍເວົ້າວ່າ “ໃນຂະນະທີ່ຜົນຂອງການເລືອກຕັ້ງແລງມື້ນີ້ອອກມາໃນທາງທີ່ພວກເຮົາບໍ່ໄດ້ຄາດຫວັງໄວ້ ແຕ່ພວກປະຊາຊົນ ຈະບໍ່ເປັນຜູ້ຜິດຈັກເທື່ອ.” ພັກນິຍົມແນວທາງເດີມ ໄດ້ປະກາດໃນເວລາຕໍ່ມາວ່າ ທ່ານ Harper ຈະລົງຈາກການເປັນຜູ້ນຳຂອງພັກ.
Your browser doesn’t support HTML5
Canada Election Stephen Harper
ໄຊຊະນະຄັ້ງນີ້ ເປັນຂີດໝາຍທີ່ສະແດງໃຫ້ເຫັນເຖິງການມີອຳນາດເພີ້ມຂຶ້ນຢ່າງໄວວາ
ຂອງ ທ່ານ Trudeau ໄວ 43 ປີ ຜູ້ຊຶ່ງໄດ້ກາຍມາເປັນນາຍົກລັດຖະມົນຕີ ຄົນທີ 2 ທີ່ມີ
ອາຍຸນ້ອຍສຸດ ໃນປະຫວັດສາດການາດາ ໂດຍສາມາດຕ້ານຢັນຕໍ່ການໂຈມຕີທາງການເມືອງຕໍ່ທ່ານ ທີ່ຍັງຂາດປະສົບການແລະບໍ່ພ້ອມໃນໜ້າທີ່ແລະບົດບາດການເປັນຜູ້ນຳເທື່ອ. ອະດີດ ນາຍຄູທ່ານນີ້ ໄດ້ຖືກຮັບເຂົ້າເປັນສະມາຊິກສະພາເທື່ອທຳອິດໃນປີ 2008 ແລະກາຍມາເປັນຜູ້ນຳຂອງພັກເສລີນິຍົມ ໃນປີ 2013 ຫຼັງຈາກທີ່ພັກໄດ້ເສຍໄຊ ໃນການເລືອກຕັ້ງ 3 ຄັ້ງຕິດຕໍ່ກັນ ໃຫ້ພັກນິຍົມແນວທາງເດີມ ຢ້ອນໄປເຖິງປີ 2006 ພຸ້ນ. ທ່ານໄດ້ໂຄສະນາຫາສຽງດ້ວຍການທີ່ຈະຂຶ້ນພາສີຕໍ່ປະຊາຊົນການາດາທີ່ຮັ່ງມີທີ່ສຸດ ເພີ້ມງົບປະມານເຂົ້າໃນການພັດທະນາໂຄ່ງລ່າງພື້ນຖານ ແລະຊຸກຍູ້ເສດຖະກິດແລະປັບປຸງສາຍພົວພັນກັບສະຫະລັດ.
ມື້ລາງບິດາຂອງທ່ານ ທ່ານ Pierre ແມ່ນໄດ້ຖືກເລືອກຄັ້ງທຳອິດໃນປີ 1968 ໃນຄື້ນຟອງ
ຂອງການສະໜັບສະໜຸນ ທີ່ກາຍມາເປັນໃນອັນທີ່ຮູ້ກັນວ່າ “Trudeaumania” ແລະໄດ້ຮັບໃຊ້ປະເທດຊາດຢ່າງບໍ່ຂາດຕອນ ຈາກນັ້ນມາອີກ 16 ປີ.