ໃນວັນພະຫັດວານນີ້, ຜູ້ພິພາກສາລັດຖະບານກາງ ໄດ້ຕັດສີນຍົກເລີກນະໂຍບາຍຂອງລັດຖະບານ ທ່ານ ໄບເດັນ ທີ່ເພັ່ງເລັງເພື່ອອໍານວຍຄວາມສະດວກໃນການຂໍສັນຊາດສຳລັບຄົນເຂົ້າເມືອງຈຳນວນນຶ່ງທີ່ບໍ່ມີເອກະສານ, ເຊິ່ງໄດ້ແຕ່ງງານກັບພົນລະເມືອງຂອງ ສະຫະລັດ.
ໂຄງການດັ່ງກ່າວ, ໄດ້ຮັບການຍ້ອງຍໍວ່າເປັນການດໍາເນີນງານທີ່ຍິ່ງໃຫຍ່ທີ່ສຸດຂອງທ່ານປະທານາທິບໍດີ ໃນການຊ່ວຍເຫຼືອຄອບຄົວຊາວອົບພະຍົບໃນຫຼາຍປີຜ່ານມາ, ໂດຍອະນຸຍາດໃຫ້ ຜົວ ຫຼື ເມຍ ທີ່ບໍ່ມີເອກະສານ ແລະລູກລ້ຽງຂອງພົນລະເມືອງສະຫະລັດ ສາມາດຮ້ອງຂໍບັດຂຽວໂດຍບໍ່ຈຳເປັນຕ້ອງອອກຈາກປະເທດກ່ອນ.
ການບັນເທົາທຸກຊົ່ວຄາວຈາກການຖືກເນລະເທດ ໄດ້ເຮັດໃຫ້ບັນດາອົບພະຍົບປະມານ 500,000 ຄົນ ທີ່ຄາດວ່າຈະໄດ້ຮັບຜົນປະໂຫຍດຈາກໂຄງການໃນກ່ອນໜ້ານີ້ຮູ້ສຶກປອດໄພໃນຊ່ວງໄລຍະນຶ່ງ ກ່ອນທີ່ຜູ້ພິພາກສາເຂດຂອງລັດ ເທັກຊັສ ທ່ານ ເຈ ແຄັມເບລ ບາກເກີ້ (J. Campbell Barker) ຈະໂຈະໄວ້ໃນເດືອນສິງຫາ, ພຽງບໍ່ເທົ່າໃດມື້ລຸນຫຼັງຜູ້ສະໝັກຍື່ນເອກະສານຂອງພວກເຂົາເຈົ້າ.
ທ່ານ ບາກເກີ້ ໄດ້ທໍາການຕັດສິນໃນວັນພະຫັດວານນີ້ວ່າ ລັດຖະບານຂອງ ທ່ານ ໄບເດັນ ໄຊ້ອໍານາດເກີນຂອບເຂດໂດຍການຈັດຕັ້ງປະຕິບັດໂຄງການ ແລະໄດ້ຂະຫຍາຍການຕີຄວາມໝາຍທາງດ້ານກົດໝາຍ ສໍາລັບກົດໝາຍຄົນເຂົ້າເມືອງທີ່ສຳຄັນ ໂດຍ “ຜ່ານຈຸດແຕກຫັກ” ໄປແລ້ວ.
ຂໍ້ລິເລີ້ມໄລຍະສັ້ນຂອງລັດຖະບານ ທ່ານ ໄບເດັນ, ເຊິ່ງຮູ້ຈັກກັນໃນນາມ “Keeping Families Together” ເປັນໄປໄດ້ວ່າຈະບໍ່ມີຕໍ່ໄປ ລຸນຫຼັງ ທ່ານ ດໍໂນລ ທຣໍາ ເຂົ້າດໍາລົງຕຳແໜ່ງໃນເດືອນມັງກອນທີ່ຈະມາເຖິງນີ້. ແຕ່ການຍຸຕິໂຄງການກ່ອນກໍານົດນັ້ນ ໄດ້ສ້າງຄວາມບໍ່ແນ່ນອນຫຼາຍຂຶ້ນໃຫ້ແກ່ບັນດາຄອບຄົວຄົນເຂົ້າເມືອງ ໃນຂະນະທີ່ຫຼາຍໆຄົນ ກໍາລັງກຽມຮັບມືກັບການກັບຄືນໄປທຳນຽບຂາວຂອງ ທ່ານ ທຣໍາ.
ໄຊຊະນະຈາກການເລືອກຕັ້ງຂອງ ທ່ານ ທຣໍາ ໃນອາທິດນີ້ ໄດ້ເຮັດໃຫ້ມັນມີ ຄວາມເປັນໄປໄດ້ຂອງການປາບປາມຢ່າງໄວວາຕໍ່ບຸກຄົນທີ່ບໍ່ມີເອກະສານ ຫຼັງຈາກພັກຣີພັບບລີກັນໄດ້ດໍາເນີນການຕາມຄໍາສັນຍາກ່ຽວກັບ “ການເນລະເທດຂະໜາດໃຫຍ່.” ປະທານາທິບໍດີທີ່ໄດ້ຮັບເລືອກ ໄດ້ໃຫ້ກຳລັງໃຈແກ່ບັນດາຜູ້ສະໜັບສະໜູນທ່ານໃນຊ່ວງການໂຄສະນາຫາສຽງ ດ້ວຍການກ່າວຕໍ່ຕ້ານກຸ່ມຄົນເຂົ້າເມືອງ, ໃນນັ້ນ ລວມມີຄົນເຂົ້າເມືອງທີ່ “ເປັນພິຕໍ່ເລືອດ” ຂອງປະເທດຊາດອີກດ້ວຍ.
ໃນລະຫວ່າງການດໍາລົງຕໍາແໜ່ງສະໄໝທໍາອິດຂອງທ່ານ, ທ່ານ ທຣໍາ ໄດ້ແຕ່ງຕັ້ງ ທ່ານ ບາກເກີ້ ເປັນຜູ້ພິພາກສາໃນເມືອງ ທາຍເລີ (Tyler), ລັດເທັກຊັສ, ເຊິ່ງຕັ້ງຢູ່ໃນສານອຸທອນເຂດ 5 ຂອງ ສະຫະລັດ, ອັນເປັນສະຖານທີ່ສໍາລັບຜູ້ສະຫນັບສະຫນູນແນວຄິດອະນຸລັກນິຍົມ.
ອ່ານຂ່າວດ້ານລຸ່ທນີ້ເປັນພາສາອັງກິດ
A federal judge on Thursday struck down a Biden administration policy that aimed to ease a path to citizenship for some undocumented immigrants who are married to U.S. citizens.
The program, lauded as one of the biggest presidential actions to help immigrant families in years, allowed undocumented spouses and stepchildren of U.S. citizens to apply for a green card without first having to leave the country.
The temporary relief from deportation brought a brief sense of security to some 500,000 immigrants estimated to benefit from the program before Texas-based U.S. District Judge J. Campbell Barker put it on hold in August, days after applicants filed their paperwork.
Barker ruled Thursday that the Biden administration had overstepped its authority by implementing the program and had stretched the legal interpretation of relevant immigration law “past its breaking point.”
The short-lived Biden administration initiative known as “Keeping Families Together” would have been unlikely to remain in place after Donald Trump took office in January. But its early termination creates greater uncertainty for immigrant families as many are bracing for Trump's return to the White House.
Trump's election victory this week sets the stage for a swift crackdown on undocumented individuals after the Republican ran on promises of “mass deportation.” The president-elect energized his supporters on the campaign trail with a litany anti-immigrant statements, including that immigrants were “poisoning the blood” of the nation.
During his first term, Trump appointed Barker as a judge in Tyler, Texas, which lies in the 5th U.S. Circuit Court of Appeals, a favored venue for advocates pushing conservative arguments.