ບໍລິສັດຄອມພິວເຕີ Apple ປະຕິເສດຕໍ່ຄຳສັ່ງຂອງລັດຖະບານ
ສະຫະລັດ ໃນການໄຂຂໍ້ມູນທີ່ໃຊ້ລະຫັດລັບ ຫຼື encrypted
ຂອງລະບົບເຄື່ອງໂທລະສັບ IPhone ເພື່ອຊ່ອຍເຫຼືອອົງການ
ສັນຕິບານກາງສະຫະລັດ ຫຼື FBI ເພື່ອຈະກວດສອບເບິ່ງໂທລະ
ສັບທີ່ໃຊ້ໂດຍພວກ ຫົວຮຸນແຮງ ທີ່ໄດ້ສັງຫານ 14 ຄົນ ໃນການ
ໂຈມຕີແບບພວກກໍ່ການຮ້າຍ ໃນລັດ California ເມື່ອເດືອນ
ທັນວາຜ່ານມານີ້ນັ້ນ.
ເຈົ້າໜ້າທີ່ສູງສຸດຂອງ ບໍລິສັດ Apple ທ່ານ Tim Cook
ໄດ້ເຜີຍແຜ່ຈົດໝາຍເປີດຊອງຕໍ່ບັນດາລູກຄ້າຈຳນວນຫຼາຍ
ລ້ານຄົນ ໃນວັນພຸດວານນີ້ ໂດຍປະກາດວ່າ ທາງບໍລິສັດ
ຈະທ້າທາຍຕໍ່ຄຳສັ່ງຂອງສານ ທີ່ໃຫ້ປະດິດຊອຟແວຣໃໝ່ ທີ່ສາມາດເອົາຊະນະ ມາດຕະ
ການການ ຮັກສາຄວາມປອດໄພຂອງ Apple ໄດ້. ທ່ານ Cook ໄດ້ກ່າວວ່າ ລັດຖະບານເອົາບາດ ກ້າວທີ່ວ່ານີ້ແບບທີ່ບໍ່ເຄີຍມີມາກ່ອນນີ້ “ເປັນການກ້າວກ່າຍເກີນໄປ” ແລະນີ້ຈະມີຜົນກະທົບ ໃນທາງລົບ ຕໍ່ເລື້ອງສະເພາະສ່ວນຕົວຂອງປະຊາຊົນ.
ເບີນຊົມວີດີໂອຈາກນັກຂ່າວ VOA - Zlatica Hoke:
Your browser doesn’t support HTML5
Apple Security Dispute Raises Controversy
ທ່ານ Cook ໄດ້ກ່າວວ່າ “ລັດຖະບານໄດ້ຮຽກຮ້ອງໃຫ້ບໍລິສັດ Apple ໃຫ້ເຈາະ ຫຼື Hack ຂໍ້ມູນຂອງລູກຄ້າແລະເປັນການບ່ອນທຳລາຍຄວາມກ້າວໜ້າເລື້ອງການປົກປ້ອງ
ຄວາມປອດໄພທີ່ພະຍາຍາມນານມາໄດ້ຫຼາຍທົດສະວັດ ທີ່ຮັກສາຂໍ້ມູນລັບຂອງລູກຄ້າ
ນັ້ນ ຊຶ່ງຮວມທັງຊາວອາເມຣິກັນຫຼາຍສິບລ້ານຄົນ ຈາກພວກເຈາະຂໍ້ມູນທີ່ເກັ່ງກາດ ຈົນເຖິງການລັກລອບຂໍ້ມູນທາງອິນເຕີແນ໊ຕ. ພວກວິສະວະກອນພວກດຽວກັນນີ້ລະທີ່
ສ້າງລະຫັດພິເສດທີ່ເຂັ້ມແຂງ ລົງໃສ່ໃນ IPhone…ຈະສາມາດ ແມ່ນແທ້ໆຫວ໋າ ທີ່ເປັນຄຳສັ່ງໃຫ້ພວກເຂົາເຈົ້າ ຈະເຮັດ ໃຫ້ລະບົບປ້ອງກັນນີ້ອ່ອນແອລົງ ແລະພວກ
ລູກຄ້ານັ້ນກໍຈະມີຄວາມປອດໄພໜ້ອຍລົງ.”
ໂທລະສັບມືຖື iPhone 6 plus (ຊ້າຍ), ແລະ iPhone 6 ໃນການວາງສະແດງທີ່ເມືອງ Cupertino, ລັດ Calif.
ໂຄສົກທຳນຽບຂາວທ່ານ Josh Earnest ໄດ້ກ່າວວ່າ ປະທາ
ນາທິບໍດີສະຫະລັດທ່ານ ”ບາຣັກ ໂອບາມາ ມອງເຫັນ ລະຫັດລັບ
ຫຼື encrypted ນີ້ວ່າ “ເປັນຄວາມສຳຄັນທີ່ເປັນບຸລິມະສິດ
ຂອງຊາດ” ແລະໃຫ້ການສະໜັບສະໜຸນໜ່ວຍສືບລັບ FBI
ແລະກະຊວງຍຸຕິທຳຂອງສະຫະລັດ ໃນການຮຽກຮ້ອງຕໍ່ ບໍລິສັດ
Apple.
ທ່ານ Cook ໄດ້ກ່າວວ່າ ແມ່ນບໍ່ມີຄວາມດູຕົນສົງສານຕໍ່ພວກກໍ່
ການຮ້າຍ ແລະໄດ້ເຈັບແຄ້ນໃນການໂຈມຕີທີ່ມີຂຶ້ນໃນເມືອງ
San Bernardino, ໃນລັດ California ໃນປີກາຍ ນີ້ ໂດຍ ທ້າວ Syed Rizwan Farook ຜູ້ຊຶ່ງເກີດໃນສະຫະລັດ ແລະພັນລະຍາຂອງລາວ ນາງ Tashfeen Malik ຊາວປາກິສຖານ. ບໍລິສັດ Apple ໄດ້ໃຫ້ ໜ່ວຍສືບລັບ FBI ມອບຂໍ້ມູນທີ່ກ່ຽວຂອ້ງຂອງຕົນ ທີ່ໄດ້ເກັບກຳນັ້ນ ແລະໄດ້ປະຕິບັດຕາມກົດລະບຽບການ ຂອງໝາຍສານ ແລະໄດ້ໃຫ້
ຄຳແນະນຳຂອງພວກວິສະວະກອນ ຕໍ່ FBI.
ຮູບພາບທີ່ທາງກົມຈາລະຈອນ ຍວດຍານພາຫະນະ ຂອງລັດ California ເປັນຜູ້ປະກອບເຂົ້າກັນ ຂອງນາງ Tashfeen Malik, ຊ້າຍ, ແລະທ້າວ Syed Farook, ສອງສາມີພັນລະຍາ ທີ່ຖືກຍິງຕາຍ ຫຼັງຈາກການໂຈມຕີສັງຫານໝູ່ ໃນເມືອງ San Bernardino, Calif., 2 ທັນວາ , 2015.