ເສັ້ນຕາຍ ທີ່ຮຽກຮ້ອງໃຫ້ຍີ່ປຸ່ນ ມອບເງິນ 200 ລ້ານໂດລາ ໃຫ້
ແກ່ພວກຫົວຮຸນແຮງລັດອິສລາມ ເພື່ອແລກກັບການປ່ອຍຊາວ
ຍີ່ປຸ່ນສອງຄົນ ໄດ້ໝົດກຳນົດລົງແລ້ວ.
ຍັງບໍ່ມີຂ່າວຄາວໃດໆໃນທັນທີເທື່ອ ໃນວັນສຸກມື້ນີ້ ກ່ຽວກັບຊາ
ຕາກຳຂອງຜູ້ຊາຍທັງສອງ.
ໃນຕອນເຊົ້າວັນສຸກມື້ນີ້ ແມ່ຂອງຜູ້ຊາຍຄົນນຶ່ງ ທີ່ຖືກຈັບເປັນໂຕ
ປະກັນ ໂດຍພວກຫົວຮຸນແຮງ ໄດ້ຮຽກຮ້ອງໃຫ້ລັດຖະບານຍີ່ປຸ່ນ
ຈ່າຍເງິນຄ່າໄຖ່ ໃຫ້ແກ່ ພວກຫົວຮຸນແຮງລັດອິສລາມ ເພື່ອຊ່ວຍ
ຊີວິດລູກຊາຍຂອງນາງໄວ້.
ບໍ່ເທົ່າໃດຊົ່ວໂມງກ່ອນເສັ້ນຕາຍຜ່ານໄປ ນາງ Junko Ishido ແມ່ຂອງທ້າວ Kenji
Goto ໄດ້ຮ້ອງຂໍໃຫ້ລັດຖະບານ ຈ່າຍເງິນຄ່າໄຖ່ 200 ລ້ານໂດລາ.
ນາງ Junko Ishido ກ່າວວ່າ “ເວລາກຳລັງໝົດລົງ. ກະລຸນາ ລັດຖະບານຍີ່ປຸ່ນ ຊ່ວຍກູ້
ເອົາຊີວິດລູກຊາຍຂອງ ຂ້າພະເຈົ້າດ້ວຍ.”
ພວກຫົວຮຸນແຮງລັດອິສລາມ ໄດ້ນຳອອກເຜີຍແຜ່ວິດີໂອ ໃນວັນອັງຄານທີ່ຜ່ານມາ ກ່າວ
ວ່າ ເຂົາເຈົ້າຈະສັງຫານຜູ້ຊາຍທັງສອງຄືທ້າວ Goto ແລະ Haruna Yukawa ນອກຈາກ
ວ່າຍີ່ປຸ່ນຈ່າຍເງິນພາຍໃນ 72 ຊົ່ວໂມງ ໂດຍເອົາການຂົ່ມ ຂູ່ທີ່ວ່າ ຍີ່ປຸ່ນໃຫ້ການສະໜັບ
ສະໜູນ ໃນຄວາມພະຍາຍາມເພື່ອຕໍ່ສູ້ກັບກຸ່ມດັ່ງ ກ່າວ ໄປເປັນເງື່ອນໄຂ.
ແມ່ຂອງ ທ່ານ Goto ກ່າວໃນວັນສຸກມື້ນີ້ວ່າ ລູກຊາຍຂອງນາງ ເປັນເພື່ອນມິດກັບອິສລາມ
ທີ່ໄດ້ອຸທິດຊີວິດ ຊ່ວຍເຫລືອພວກເດັກນ້ອຍ ຢູ່ໃນເຂດສົງຄາມ.
ນາງ Junko Ishido ກ່າວວ່າ “ຂ້າພະເຈົ້າ ຢາກບອກທຸກໆຄົນ ຢູ່ກຸ່ມລັດອິສລາມ ຮູ້ວ່າ
Kenji ບໍ່ແມ່ນສັດຕູຂອງລັດອິສລາມ.”
ລັດຖະມົນຕີ ຕ່າງປະເທດ ທ່ານ Fumio Kishida ກ່າວໃນວັນສຸກມື້ນີ້ວ່າ ຍີ່ປຸ່ນ ໄດ້ທຳ
ຄວາມພະຍາຍາມທຸກຢ່າງ ເພື່ອຊ່ວຍໃຫ້ມີການປ່ອຍໂຕປະກັນ ແຕ່ວ່າ ຈະບໍ່ຍອມແພ້ໃຫ້
ແກ່ພວກກໍ່ການຮ້າຍ.
ທ່ານ Kishida ເວົ້າວ່າ “ນະໂຍບາຍຂອງພວກເຮົາຍັງຄົງເດີມ ທີ່ພວກເຮົາຈະບໍ່ຍອມໃຫ້
ແກ່ພວກກໍ່ການຮ້າຍ ແລະຈະປະຕິບັດງານຮວມກັນກັບບັນດາປະເທດ ທີ່ກ່ຽວຂ້ອງ ໃນ
ການຕໍ່ສູ້ຕ້ານພວກຫົວຮຸນແຮງ.”
ທ່ານ Yoshihide Suga ຫົວໜ້າກອງເລຂາປະຈຳຄະນະລັດຖະບານ ຍີ່ປຸ່ນ ກ່າວວ່າ
ຍີ່ປຸ່ນ ກຳລັງເຮັດທຸກສິ່ງທຸກຢ່າງເທົ່າທີ່ສາມາດເຮັດໄດ້ ເພື່ອໃຫ້ປ່ອຍໂຕຜູ້ຊາຍທັງ
ສອງຄົນນີ້.
Your browser doesn’t support HTML5
ISLAMIC STATE JAPAN VOSOTVO