ເກົາຫຼີໃຕ້ບໍ່ໄດ້ໃຫ້ຄວາມສຳຄັນຕໍ່ຂໍ້ສະເໜີສະບັບນຶ່ງໂດຍຍີ່ປຸ່ນ ທີ່ຈະນໍາເອົາຂໍ້ຂັດແຍ້ງ
ກ່ຽວກັບເກາະໝູ່ນຶ່ງ ທີ່ມີມາດົນນານແລ້ວນັ້ນ ສະເໜີຕໍ່ສານໂລກ.
ທ່ານ Kim Sung-hwan ລັດຖະມົນຕີຕ່າງປະເທດເກົາຫຼີໃຕ້ ກ່າວເມື່ອວັນອັງຄານມື້ນີ້ວ່າ ຂໍ້ສະເໜີດັ່ງກ່າວ ບໍ່ຄຸ້ມຄ່າທີ່ຈະນໍາເອົາມາພິດຈາລະນາ ແລະກໍໄດ້ຮຽກຮ້ອງໃຫ້ຍີ່ປຸ່ນ ຈົ່ງປະຖິ້ມການອ້າງເອົາກໍາມະສິດໃນໝູ່ ເກາະດັ່ງກ່າວນັ້ນ.
ກ່ອນໜ້ານີ້ ຄະນະລັດຖະບານຍີ່ປຸ່ນ ກ່າວວ່າ ຕົນຈະຮ້ອງຂໍຢ່າງເປັນທາງ ການໃຫ້ເກົາຫຼີໃຕ້ເຂົ້າຮ່ວມນຳ ເພື່ອຫາຫາທາງແກ້ໄຂ ຢູ່ທີ່ສານໂລກ ຊຶ່ງ ຕັ້ງຢູ່ກຸງເຮກ ປະເທດເນເທີແລນດ໌ນັ້ນ. ເວັ້ນເສຍແຕ່ວ່າທັງສອງຝ່າຍເຫັນພ້ອມນຳກັນ ສານຈະບໍ່ສາມາດດໍາເນີນການພິດຈາລະນາໃນເລຶ່ອງນັ້ນໄດ້.
ຂໍ້ຂັດແຍ້ງດ້ານເຂດນໍ້າແດນດິນທີ່ຍືດເຍື້ອມາໄດ້ຫຼາຍສິບປີແລ້ວນັ້ນ ໄດ້ ຂະຫຍາຍເພີ່ມຂຶ້ນໃນຕັ້ນເດືອນນີ້ຫຼັງຈາກທ່ານ ລີ ມຽງບັກ ປະທານາທິ ບໍດີເກົາຫຼີໃຕ້ ໄດ້ໄປຢ້ຽມຢາມໝູ່ເກາະດັ່ງກ່າວ ທີ່ມີຊື່ໃນພາສາຍີ່ປຸ່ນວ່າໝູ່ເກາະ Takeshima ແລະ Dokdo ໃນພາສາເກົາຫຼີໃຕ້.
ທ່ານ Yoshihiko Noda ນາຍົກລັດຖະມົນຕີຍີ່ປຸ່ນ ຍັງໄດ້ບອກຕໍ່ກອງ ປະຊຸມບັ້ນນຶ່ງຂອງຄະນະລັດຖະມົນຕີລັດຖະບານເມື່ອວັນອັງຄານມື້ນີ້ ເພື່ອໃຫ້ຊອກຫາວິທີທາງອື່ນ ແກ້ໄຂບັນຫາການບໍ່ເຫັນພ້ອມກັນນີ້.
ມີລາຍງານວ່າ ໂຕກຽວກໍາລັງພິດຈາລະນາ ວ່າຈະຍຸຕິຂໍ້ຕົກລົງການແລກ ປ່ຽນເງິນຕາກັນກັບເກົາຫຼີໃຕ້ທີ່ກໍາລັງຈະໝົດອາຍຸລົງໃນບໍ່ຊ້ານີ້ຫຼືບໍ່ ພ້ອມ ດ້ວຍມາດຕະການອື່ນໆອີກຫຼາຍປະການດ້ານການທູດ ແລະການເສດຖະ ກິດນັ້ນ ໃນການຕອບໂຕ້ຕໍ່ການໄປຢ້ຽມຢາມໝູ່ເກາະດັ່ງກ່າວໂດຍທ່ານລີ ນັ້ນ.
ໝູ່ເກາະດັ່ງກ່າວ ທີ່ໂດຍສ່ວນໃຫຍ່ບໍ່ມີຄົນຢູ່ອາໄສນັ້ນ ເຂົ້າໃຈວ່າເປັນບ່ອນທີ່ອາດອຸດົມສົມບູນດ້ວຍພະລັງງານຢ່າງຫຼວງຫຼາຍ ຊຶ່ງໝູ່ເກາະເຫຼົ່າ
ນີ້ແມ່ນຢູ່ພາຍໃຕ້ການຄວບຄຸມໂດຍເກົາຫຼີໃຕ້ນັບຕັ້ງແຕ່ການປົກຄອງແບບຫົວເມືອງຂຶ້ນຂອງຍີ່ປຸ່ນສິ້ນສຸດລົງ ລຸນຫຼັງສົງຄາມໂລກຄັ້ງທີ່ສອງນັ້ນ.
ກ່ຽວກັບເກາະໝູ່ນຶ່ງ ທີ່ມີມາດົນນານແລ້ວນັ້ນ ສະເໜີຕໍ່ສານໂລກ.
ທ່ານ Kim Sung-hwan ລັດຖະມົນຕີຕ່າງປະເທດເກົາຫຼີໃຕ້ ກ່າວເມື່ອວັນອັງຄານມື້ນີ້ວ່າ ຂໍ້ສະເໜີດັ່ງກ່າວ ບໍ່ຄຸ້ມຄ່າທີ່ຈະນໍາເອົາມາພິດຈາລະນາ ແລະກໍໄດ້ຮຽກຮ້ອງໃຫ້ຍີ່ປຸ່ນ ຈົ່ງປະຖິ້ມການອ້າງເອົາກໍາມະສິດໃນໝູ່ ເກາະດັ່ງກ່າວນັ້ນ.
ກ່ອນໜ້ານີ້ ຄະນະລັດຖະບານຍີ່ປຸ່ນ ກ່າວວ່າ ຕົນຈະຮ້ອງຂໍຢ່າງເປັນທາງ ການໃຫ້ເກົາຫຼີໃຕ້ເຂົ້າຮ່ວມນຳ ເພື່ອຫາຫາທາງແກ້ໄຂ ຢູ່ທີ່ສານໂລກ ຊຶ່ງ ຕັ້ງຢູ່ກຸງເຮກ ປະເທດເນເທີແລນດ໌ນັ້ນ. ເວັ້ນເສຍແຕ່ວ່າທັງສອງຝ່າຍເຫັນພ້ອມນຳກັນ ສານຈະບໍ່ສາມາດດໍາເນີນການພິດຈາລະນາໃນເລຶ່ອງນັ້ນໄດ້.
ຂໍ້ຂັດແຍ້ງດ້ານເຂດນໍ້າແດນດິນທີ່ຍືດເຍື້ອມາໄດ້ຫຼາຍສິບປີແລ້ວນັ້ນ ໄດ້ ຂະຫຍາຍເພີ່ມຂຶ້ນໃນຕັ້ນເດືອນນີ້ຫຼັງຈາກທ່ານ ລີ ມຽງບັກ ປະທານາທິ ບໍດີເກົາຫຼີໃຕ້ ໄດ້ໄປຢ້ຽມຢາມໝູ່ເກາະດັ່ງກ່າວ ທີ່ມີຊື່ໃນພາສາຍີ່ປຸ່ນວ່າໝູ່ເກາະ Takeshima ແລະ Dokdo ໃນພາສາເກົາຫຼີໃຕ້.
ທ່ານ Yoshihiko Noda ນາຍົກລັດຖະມົນຕີຍີ່ປຸ່ນ ຍັງໄດ້ບອກຕໍ່ກອງ ປະຊຸມບັ້ນນຶ່ງຂອງຄະນະລັດຖະມົນຕີລັດຖະບານເມື່ອວັນອັງຄານມື້ນີ້ ເພື່ອໃຫ້ຊອກຫາວິທີທາງອື່ນ ແກ້ໄຂບັນຫາການບໍ່ເຫັນພ້ອມກັນນີ້.
ມີລາຍງານວ່າ ໂຕກຽວກໍາລັງພິດຈາລະນາ ວ່າຈະຍຸຕິຂໍ້ຕົກລົງການແລກ ປ່ຽນເງິນຕາກັນກັບເກົາຫຼີໃຕ້ທີ່ກໍາລັງຈະໝົດອາຍຸລົງໃນບໍ່ຊ້ານີ້ຫຼືບໍ່ ພ້ອມ ດ້ວຍມາດຕະການອື່ນໆອີກຫຼາຍປະການດ້ານການທູດ ແລະການເສດຖະ ກິດນັ້ນ ໃນການຕອບໂຕ້ຕໍ່ການໄປຢ້ຽມຢາມໝູ່ເກາະດັ່ງກ່າວໂດຍທ່ານລີ ນັ້ນ.
ໝູ່ເກາະດັ່ງກ່າວ ທີ່ໂດຍສ່ວນໃຫຍ່ບໍ່ມີຄົນຢູ່ອາໄສນັ້ນ ເຂົ້າໃຈວ່າເປັນບ່ອນທີ່ອາດອຸດົມສົມບູນດ້ວຍພະລັງງານຢ່າງຫຼວງຫຼາຍ ຊຶ່ງໝູ່ເກາະເຫຼົ່າ
ນີ້ແມ່ນຢູ່ພາຍໃຕ້ການຄວບຄຸມໂດຍເກົາຫຼີໃຕ້ນັບຕັ້ງແຕ່ການປົກຄອງແບບຫົວເມືອງຂຶ້ນຂອງຍີ່ປຸ່ນສິ້ນສຸດລົງ ລຸນຫຼັງສົງຄາມໂລກຄັ້ງທີ່ສອງນັ້ນ.