ລັດຖະມົນຕີຕ່າງປະເທດສະຫະລັດ ທ່ານ John Kerry ກ່າວວ່າ
ບັນດາເຈົ້າໜ້າທີ່ກ່ຽວຂ້ອງ ທີ່ກຳລັງດຳເນີນການ ເພື່ອໃຫ້ມີການ
ຢຸດຍິງ ລະຫວ່າງອິສຣາແອລ ກັບກຸ່ມຮາມັສນັ້ນ ແມ່ນ “ໄດ້ມີ
ຄວາມກ້າວ ໜ້າໃນບາງສ່ວນ” ໄປສູ່ການຍຸດຕິບັນຫາຂັດ
ແຍ້ງ ຊຶ່ງເຮັດໃຫ້ມີຫຼາຍຮ້ອຍຄົນເສຍຊີວິດໄປແລ້ວ.
ທ່ານ Kerry ຖະແຫລງໃນວັນພຸດມື້ນີ້ ຫຼັງຈາກທີ່ໄດ້ເດີນທາງ
ໄປຮອດ ອິສຣາແອລ ເພື່ອເຈລະຈາຫາລື ກ່ຽວກັບວ່າ ຈະຍຸດ
ຕິຄວາມຮຸນແຮງໄດ້ ແນວໃດ. ທ່ານ Kerry ພົບປະກັບເລຂາ
ທິການໃຫຍ່ຂອງສະຫະປະຊາຊາດ ທ່ານ Ban Ki-moon
ພ້ອມກັນກັບ ນາຍົກລັດຖະມົນຕີອິສຣາແອລ ທ່ານ Benjamin
Nethanyahu. ນອກນັ້ນ ທ່ານຍັງຈະທຳການເຈລະຈາຫາລືກັບປະທານາທິບໍດີປາແລສ
ໄຕນ໌ ທ່ານ Mahmoud Abbas ຢູ່ເມືອງ Ramallah ອີກດ້ວຍ.
Your browser doesn’t support HTML5
Kerry: 'Hamas Has a Fundamental Choice'
ທ່ານ Ban ໄດ້ເຈລະຈາຫາລືກັບປະທານາທິບໍດີອິສຣາແອລ ທ່ານ Shimon Peres ແລະ ກ່າວວ່າ “ບໍ່ມີເວລາທີ່ຈະໃຫ້ສູນເສຍ” ໃນການຊອກຫາຊ່ອງທາງຢຸດຍິງ ໃນຂະນະທີ່ ຈຳນວນຄົນຕາຍ “ເພີ້ມ ຂຶ້ນນຳທຸກໆຊົ່ວໂມງ.”
ທ່ານ Ban Ki-moon ເວົ້າວ່າ “ໃນນາມ ເລຂາທິການໃຫຍ່ ຂອງສະຫະປະຊາຊາດ ຂ້າພະເຈົ້າບໍ່ສາມາດແລະຈະບໍ່ມິດງຽບຕໍ່ໜ້າສະພາບໂສກນາດຕາກຳອັນນີ້. ຂ້າ ພະເຈົ້າໄວ້ທຸກນຳຊີວິດຂອງຜູ້ບໍລິສຸດ ຈຳນວນຫລວງຫຼາຍທີ່ໄດ້ສູນເສຍໄປຢູ່ໃນເຂດ Gaza ແລະ ຂ້າພະເຈົ້າມີຄວາມໂສກເສົ້າເສຍໃຈ ພ້ອມກັນກັບພວກຄອບຄົວທີ່ໄດ້ຮັບເຄາະຮ້າຍນີ້. ຄວາມຮຸນແຮງຕ້ອງຍຸດຕິດຽວນີ້ໃນຂະນະທີ່ຂ້າພະເຈົ້າ ກ່າວວ່າ ຕ້ອງເລີ້ມການເຈລະຈາກັນ. ນັ້ນແມ່ນສິ່ງທີ່ຂ້າພະເຈົ້າກຳລັງເຮັດຢູ່ດຽວນີ້ ເພື່ອສະຫນັບສະໜຸນ ໃຫ້ມີການເຈລະຈາກັນລະຫວ່າງພັກຝ່າຍທີ່ກ່ຽວຂ້ອງ.”
ກອງທັບອິສຣາແອລຍັງສືບຕໍ່ ໂຈມຕີເຂດ Gaza ທາງອາກາດຫຼາຍໆຄັ້ງ ໃນວັນພຸດມື້ນີ້
ແລະມີຜູ້ເສຍຊີວິດອີກຢ່າງໜ້ອຍ 3 ຄົນ. ຊາວປາແລສໄຕນ໌ ຫຼາຍກວ່າ 630 ຄົນ ໄດ້ເສຍ
ຊີວິດໄປແລ້ວ ນັບຕັ້ງແຕ່ອິສ ຣາແອລ ໄດ້ເລີ້ມປະຕິບັດການ ເພື່ອຍຸດຕິການຍິງຈະຫຼວດ
ຂອງກຸ່ມຮາມັສ ມາຈາກເຂດ Gaza.
Your browser doesn’t support HTML5
Gaza Victims of Israeli Offensive