ສັບປະດາແຫ່ງຄວາມຮຸນແຮງລະຫວ່າງ ອິສຣາແອລ ແລະປາ
ແລສໄຕນ໌ ໄດ້ແຜ່ລາມອອກໄປສູ່ແຫຼມ Gaza ໃນວັນສຸກວານ
ນີ້ ໂດຍທີ່ທະຫານອິສຣາແອລ ໄດ້ສັງຫານຫົກຄົນ ໃນການປະ
ທະກັນຢູ່ທີ່ບໍລິເວນຊາຍແດນແລະກຸ່ມຫົວຮຸນແຮງ Hamas ກໍ
ຮຽກຮ້ອງໃຫ້ເພີ້ມການກໍ່ຄວາມບໍ່ສະຫງົບຂຶ້ນ.
ຊາວປາແລສໄຕນ໌ ຫລາຍຮ້ອຍຄົນພາກັນມຸ້ງໜ້າ ໄປຫາເຂດ
ຊາຍແດນແຫລມ Gaza ໃນລະຫວ່າງ ການເດີນຂະບວນປະ
ທ້ວງ ພ້ອມທັງແກວ່ງກ້ອນຫີນ ແລະກິ້ງຕີນລົດ ທີ່ຈູດໄໝ້ເປັນ
ໄຟເຂົ້າໄປໃສ່ ປ້ອມຍາມທະຫານ ທີ່ຢູ່ອີກຟາກນຶ່ງ ຂອງຊາຍ
ແດນ. ກອງທັບອິສຣາແອລກ່າວວ່າ ທະຫານຂອງຕົນ ໄດ້ຍິງປືນເຂົ້າໃສ່ “ຫົວໜ້າກໍ່ການ”
ເພື່ອຢຸດເຂົາເຈົ້າບໍ່ໃຫ້ມຸ້ງໜ້າຕໍ່ໄປ.
ພວກນາຍແພດປາແລສໄຕນ໌ ກ່າວວ່າ ຢ່າງໜ້ອຍ 50 ຄົນໄດ້ຮັບບາດເຈັບ.
ການປະທ້ວງດັ່ງກ່າວໄດ້ຮຽກຮ້ອງໃຫ້ມີຂຶ້ນເພື່ອສະແດງຄວາມເປັນນ້ຳນຶ່ງໃຈດຽວກັນກັບ
ຊາວປາແລສໄຕນ໌ ຢູ່ໃນນະຄອນ Jerusalem ແລະ ເຂດຝັ່ງຕາເວັນຕົກ ຂອງແມ່ນ້ຳຈໍ
ແດນຫລັງຈາກຊາວປາແລສໄຕນ໌ໄດ້ເອົາມີດແທງຊາວອິສຣາແອລຫຼາຍໆຄົນແລະການຕອບໂຕ້ຄືນຂອງອິສຣາແອລ.
ການປະທ້ວງມີຂຶ້ນໃນຂະນະທີ່ຜູ້ນຳຂອງກຸ່ມຫົວຮຸນແຮງ Hamas ໃນແຫຼມ Gaza ທ້າວ
Ismail Haniyeh ໄດ້ຮຽກຮ້ອງໃຫ້ ຊາວປາແລສໄຕນ໌ ເພີ້ມທະວີການສູ້ລົບ ຕ້ານອິສຣາ
ແອລ. ລາວໄດ້ກ່າວເຖິງ ຄວາມຮຸນແຮງທີ່ເພີ້ມທະວີຂຶ້ນຫວ່າງມໍ່ໆມານີ້ໃນນະຄອນ Jeru-
salem ແລະເຂດຝັ່ງຕາເວັນຕົກຂອງແມ່ນ້ຳຈໍແດນວ່າ ເປັນການລຸກຮືຂື້ນຫຼື “Indifada”
ຊາຍແດນເຂດ Gaza ທັງໝົດ ສ່ວນໃຫຍ່ໄດ້ມິດຫງຽບລົງນັບແຕ່ສົງຄາມໃນປີກາຍນີ້ລະ
ຫວ່າງອິສຣາແອລ ແລະກຸ່ມ Hamas ທີ່ຄວບຄຸມດິນແດນດັ່ງກ່າວ ແຕ່ເມື່ອໄວໆມານີ້ ໄດ້
ມີການຍິງລູກຈະຫຼວດຫລາຍລູກໄປໃສ່ອິສຣາແອລຈາກເຂດ Gaza.
ນອກນັ້ນແລ້ວ ໃນວັນສຸກວານນີ້ ຍັງໄດ້ເກີດຄວາມຮຸນແຮງຢູ່ຫຼາຍໆບ່ອນໃນອິສຣາແອລ ແລະເຂດແຄມຝັ່ງຕາເວັນຕົກຂອງແມ່ນ້ຳຈໍແດນ.