ນາຍົກລັດຖະມົນຕີ Israel ທ່ານ Benjamin Netanyahu
ຄາດວ່າຈະໄດ້ເນັ້ນຍ້ຳການຄັດຄ້ານຂອງທ່ານອີກຄັ້ງນຶ່ງ ຕໍ່ການ
ເຈລະຈາທີ່ຍັງສືບຕໍ່ກ່ຽວກັບໂຄງການອາວຸດນິວເຄລຍຂອງອີຣ່ານ
ໃນຂະນະທີ່ທ່ານໄດ້ກ່າວຄຳປາໄສຕໍ່ກອງປະຊຸມຄົບຄະນະຂອງ
ລັດຖະສະພາສະຫະລັດ ໃນວັນອັງຄານມື້ນີ້.
ຜູ້ນຳຂອງ Israel ຊຶ່ງໄດ້ວາດພາບມາເປັນເວລາດົນນານແລ້ວ
ກ່ຽວກັບປະເທດອີຣ່ານທີ່ມີ ອາວຸດນິວເຄລຍນັ້ນ ແມ່ນເປັນ
ໄພຂົ່ມຂູ່ຕໍ່ປະເທດຂອງທ່ານ ແລະຕຳນິຕິຕຽນໃນອັນທີ່ທ່ານ
ເອີ້ນວ່າ ໄດ້ມີການຜ່ອນຜັນຫຼາຍເກີນໄປ ໂດຍກຸ່ມປະເທດ
ມະຫາອຳນາດໃນການໂອ້ລົມ ເຈລະຈາກັນ.
ກ່ອນການກ່າວຄຳປາໄສຕໍ່ລັດຖະສະພາ ຊຶ່ງມີຂຶ້ນໂດຍການເຊື້ອເຊີນທີ່ບໍ່ຄອຍຈະມີຂຶ້ນ
ຈາກປະທານສະພາຕ່ຳ ທ່ານ John Boehner ແທນທີ່ຈະແມ່ນຈາກທຳນຽບຂາວ ທ່ານ Netanyahu ໄດ້ບອກກັບກຸ່ມທີ່ນິຍົມ Israel ໃນນະຄອນຫຼວງວໍຊີງຕັນວ່າ ສະຫະລັດແລະ Israel ແມ່ນເຫັນພ້ອມນຳກັນເຖິງຄວາມຈຳເປັນທີ່ຈະເຮັດໃຫ້ອີຣ່ານ ບໍ່ມີອາວຸດນິວເຄລຍ
ຢູ່ໃນ ຄວາມຄອບຄອງ ແຕ່ບໍ່ແມ່ນກ່ຽວກັບວ່າຈະບັນລຸເປົ້າໝາຍນັ້ນແບບໃດ.
ທ່ານໄດ້ກ່າວຕໍ່ຄະນະກຳມະການກິດຈະການມວນຊົນ ອາເມຣິກັນ - Israel ວ່າ ການບໍ່ເຫັນພ້ອມກັບສະຫະລັດ ມີຂຶ້ນຈາກການທີ່ມີມຸມມອງທີ່ແຕກຕ່າງກັນ ເພາະວ່າ ວໍຊີງຕັນ ເປັນຫ່ວງກ່ຽວກັບເລື້ອງຄວາມປອດໄພ ໃນຂະນະທີ່ທາງ Israel ຕ້ອງເປັນຫ່ວງກ່ຽວກັບການຢູ່
ລອດຂອງຕົນ.