ເຈົ້າໜ້າທີ່ອິສຣາແອລ ທ່ານນຶ່ງ ກ່າວວ່າ ອິສຣາແອລ ໄດ້ຕັດ
ສິນໃຈກັກເງິນ ຈຳນວນ 125 ລ້ານດອນລາ ທີ່ເປັນລາຍຮັບ
ພາສີ ທີ່ຕົນເກັບໄວ້ໃຫ້ພວກປາແລສໄຕນ໌ນັ້ນ ເພື່ອເປັນການ
ຕອບໂຕ້ຕໍ່ຄວາມພະຍາ ຍາມຕ່າງໆຂອງປາແລສໄຕນ໌ ເພື່ອ
ເຂົ້າຮ່ວມໃນສານອາຍາສາກົນນັ້ນ.
ພວກປາແລສໄຕນ໌ ອາໄສລາຍຮັບປະຈຳເດືອນດັ່ງກ່າວ ທີ່
ອິສຣາແອລ ໂອນມາໃຫ້ນັ້ນ ເປັນທຶນໃຊ້ຈ່າຍໃນການດຳ
ເນີນວຽກງານຂອງລັດຖະບານ ແລະເພື່ອຈ່າຍເງິນເດືອນ
ໃຫ້ພວກລັດຖະກອນ.
ທ່ານ Saeb Erakat ນັກເຈລະຈາຂັ້ນອາວຸໂສປາແລສໄຕນ໌ໄດ້ປະນາມການເຄື່ອນໄຫວຂອງອິສຣາແອລ ແລະກ່າວວ່າ ມັນຈະບໍ່ຍັບຍັ້ງພວກປາແລສໄຕນ໌ ບໍ່ໃຫ້ດຳເນີນຄວາມ
ພະຍາຍາມເພື່ອເຂົ້າຮ່ວມໃນສານອາຍາສາກົນນັ້ນ.
ການເຄື່ອນໄຫວດັ່ງກ່າວມີຂຶ້ນນຶ່ງມື້ ຫຼັງຈາກພວກເຈົ້າໜ້າທີ່ປາແລສໄຕນ໌ ຍື່ນເອກະສານໄປຍັງສະຫະປະຊາຊາດເພື່ອຂໍເຂົ້າຮ່ວມໃນສານອາຍາສາກົນ ຫຼື ICC ອັນເປັນການເຄື່ອນໄຫວທີ່ຈະອຳນວຍໃຫ້ພວກເຂົາເຈົ້າສາມາດຟ້ອງຮ້ອງອິສຣາແອລໄດ້ ໃນຂໍ້ຫາກໍ່
ອາຊະຍາກຳສົງຄາມ ນັ້ນ.
ກ່ອນໜ້ານີ້ ທ່ານ Benjamin Netanyahu ນາຍົກລັດຖະມົນຕີອິສຣາແອລ ໄດ້ຂົ່ມຂູ່
ທີ່ຈະທຳການແກ້ແຄ້ນ ແຕ່ບໍ່ໄດ້ລະບຸອອກມາຢ່າງເຈາະຈົງ.
Your browser doesn’t support HTML5
israelpalestiniansicc4january15