ຝ່າຍປາແລສໄຕນ໌ ເຕືອນວ່າ ອາດຈະຄວາມຮຸນແຮງຄືນອີກ ຖ້າ
ຫາກບັນດາເຈົ້າໜ້າທີ່ກຸ່ມຮາມັສ ແລະອິສຣາແອລ ບໍ່ສາມາດຕົກ
ລົງກັນໄດ້ກ່ອນເສັ້ນຕາຍການຢຸດຍິງໃນຕອນທ່ຽງຄືນວັນອັງຄານ
ມື້ນີ້.
ທັງສອງຝ່າຍ ພາກັນເຈລະຈາໂດຍທາງອ້ອມ ຢ່າງຂຸ້ນຂ້ຽວ ທີ່ນະ
ຄອນຫລວງໄຄໂຣ ຫລັງຈາກໄດ້ມີການຕົກລົງໃນວັນຈັນວານນີ້
ເພື່ອຕໍ່ການຢຸດຍິງອອກໄປຕື່ມ ອີກເປັນເວລາ 24 ຊົ່ວໂມງ ຊຶ່ງເປັນ
ການຕໍ່ເວລາເທື່ອທີສາມ ໃນການຢຸດຍິງດັ່ງ ກ່າວເປັນເວລາ 10 ມື້.
ຫົວໜ້າເຈລະຈາຂອງຝ່າຍປາແລສໄຕນ໌ທ່ານ Azzam al-Almad
ກ່າວໃນວັນອັງຄານມື້ນີ້ວ່າ “ວົງຈອນຂອງຄວາມຮຸນແຮງ” ຈະດຳເນີນຕໍ່ໃນເຂດກາຊາ ຖ້າການເຈລະຈາຫາກບໍ່ປະສົບຜົນສຳເລັດ.
ອິສຣາແອລ ທຳລາຍເຮືອນ ຊາວປາແລສໄຕນ໌ ທີ່ຕ້ອງສົງໄສ
ການປະກາດຕໍ່ເວລາໃນການຢຸດຍິງ ໄດ້ມີຂື້ນໃນວັນຈັນວານນີ້ ບໍ່ເທົ່າໃດນາທີກ່ອນການ
ຢຸດຍິງກຳນົດຈະສີ້ນສຸດລົງ ໃນຕອນທ່ຽງຄືນ ຕາມເວລາທ້ອງຖິ່ນ.
ບໍ່ມີຮອງຮອຍໃດໆສະແດງໃຫ້ເຫັນວ່າ ຄະນະເຈລະຈາໃກ້ຈະບັນລຸການຕົກລົງກັນແລ້ວ
ເພື່ອຢຸດເຊົາການສູ້ລົບມາເປັນເວລາກວ່ານຶ່ງເດືອນ ລະຫວ່າງອິສຣາແອລ ແລະກຸ່ມຮາ
ມັສ ທີ່ຄວບຄຸມເຂດກາຊາ ຊຶ່ງຕັ້ງເລາະຕາມຊາຍຝັ່ງທະເລ ເມດີແຕເຣນຽນນັ້ນ.
Your browser doesn’t support HTML5
ISRAEL PALESTINIANS CNPK