ການຢຸດຍິງ ລະຫວ່າງອິສຣາແອລ ແລະກຸ່ມຮາມັສ ຍັງດຳ
ເນີນຢູ່ຕໍ່ມາໃນວັນພະຫັດມື້ນີ້ເຖິງແມ່ນວ່າໄດ້ມີການແລກ
ປ່ຽນການຍິງຈະຫລວດ ແລະການໂຈມຕີທາງອາກາດໃນ
ລະຍະຂ້າມຄືນ ເປັນເວລາສັ້ນໆກໍຕາມ.
ທັງສອງຝ່າຍ ໄດ້ຕົກລົງກັນ ໃນວັນພຸດວານນີ້ ຕໍ່ເວລາໃນການ
ຢຸດຍິງ ອອກໄປຕື່ມອີກ 5 ມື້ ເພື່ອອຳນວຍໃຫ້ການເຈລະຈາທີ່
ໄກ່ເກ່ຍໂດຍອີຈິບ ໄດ້ມີໂອກາດ ທີ່ຈະນຳມາ ຊຶ່ງການຕົກລົງກັນ
ເພື່ອຍຸດຕິບັນຫາຂັດແຍ້ງ ທີ່ດຳເນີນມາໄດ້ເປັນເວລາດົນກວ່າ
ນຶ່ງເດືອນແລ້ວນັ້ນ.
Your browser doesn’t support HTML5
Gaza Conflict Brings New Worries to Israeli Border Communities
ຫຼັງຈາກໄດ້ມີການປະກາດ ກ່ຽວກັບການຕໍ່ເວລາ ໃນການຢຸດຍິງນັ້ນ ອິສຣາແອລກ່າວ
ວ່າ ມີການຍິງຈະຫລວດຫຼາຍລູກໃສ່ອິສຣາແອລຈາກ ເຂດກາຊາ ແລະ ກອງທະຫານ
ຂອງຕົນ ໄດ້ຕ້ອບໂຕ້ດ້ວຍການໂຈມຕີ ທາງອາກາດຫຼາຍບັ້ນ. ຄວາມຮຸນແຮງດັ່ງກ່າວ
ໄດ້ຢຸດລົງກ່ອນຟ້າແຈ້ງ ຂອງມື້ວັນພະຫັດນີ້ ແລະບໍ່ໄດ້ມີລາຍງານໃດໆກ່ຽວກັບຜູ້ທີ່ໄດ້
ຮັບບາດເຈັບລົ້ມຕາຍ.
ວິກິດການ ຢູ່ ເຂດກາຊາ
ນັບແຕ່ຕົ້ນເດືອນກໍລະກົດມາ ຊາວປາແລສໄຕນ໌ປະມານ 1,950 ຄົນ ໄດ້ຖືກຂ້າຕາຍ
ໃນເຂດກາຊາ ສ່ວນຫຼາຍແລ້ວ ແມ່ນພວກພົນລະເຮືອນ. ຂະນະດຽວກັນ ກໍມີຊາວອິສ
ຣາແອລ 67 ຄົນເສຍຊີວິດ ສ່ວນໃຫຍ່ແລ້ວເປັນພວກທະຫານ.
Your browser doesn’t support HTML5
ISRAEL PALESTINIANS CNPK