ເຈົ້າໜ້າທີ່ສາທາລະນະສຸກເລບານອນກ່າວ ໃນວັນພະຫັດມື້ນີ້ວ່າ ການໂຈມຕີທາງອາກາດຂອງອິສຣາແອລ ກະທົບໃສ່ຕຶກອາພາດທ໌ເມັນແຫ່ງນຶ່ງໃນນະຄອນຫຼວງເບຣຸດ ສົ່ງຜົນເຮັດໃຫ້ມີຜູ້ເສຍຊີວິດຢ່າງນ້ອຍ 6 ຄົນ ແລະບາດເຈັບອີກ 7 ຄົນ.
ກອງທັບອິສຣາແອລກ່າວວ່າ ຕົນໄດ້ດຳເນີນການປະຕິບັດງານໂດຍແນໃສ່ນະຄອນຫຼວງເບຣຸດ ເພື່ອສືບຕໍ່ໂຈມຕີໃນສິ່ງທີ່ຕົນຮ້ອງວ່າ ສຸມໃສ່ກຸ່ມຫົວຮຸນແຮງເຮັສໂບລລາ.
ອິສຣາແອລ ອອກມາປະກາດໃນວັນພຸດວານນີ້ວ່າ ມີທະຫານຂອງຕົນເສຍຊີວິດ 8 ຄົນ ເນື່ອງຈາກການສູ້ລົບກັບກຸ່ມຫົວຮຸນແຮງ ເຮັສໂບລລາ ໃນພາກໃຕ້ຂອງເລບານອນ, ນຶ່ງມື້ຫຼັງການເລີ້ມຕົ້ນໃນສິ່ງທີ່ຕົນກ່າວວ່າ ການປະຕິບັດງານທີ່ມີ ຂໍ້ “ຈຳກັດ” ເພື່ອທຳລາຍພື້ນຖານໂຄງລ່າງຂອງພວກຫົວຮຸນແຮງຢູ່ທີ່ນັ້ນ.
ນາຍົກລັດຖະມົນຕີອິສຣາແອລ ທ່ານ ເບັນຈາມິນ ເນຕັນຢາຮູ ກ່າວໃນຂໍ້ຄວາມທາງວີດີໂອທີ່ສະແດງເຖິງຄວາມເສົ້າສະຫຼົດໃຈຂອງທ່ານວ່າ “ພວກເຮົາຢູ່ທ່າມກາງສົງຄາມທີ່ເຄັ່ງຕຶງກັບແກນກາງຄວາມຊົ່ວຮ້າຍຂອງ ອີຣ່ານ ທີ່ພະຍາຍາມຈະທໍາລາຍພວກເຮົາ. ມັນຈະບໍ່ເກີດຂຶ້ນ, ເພາະວ່າ ພວກເຮົາຈະຢືນຄຽງຂ້າງກັນ. ແລະດ້ວຍການຊ່ວຍເຫຼືອຂອງພະເຈົ້າ, ພວກເຮົາຈະໄດ້ຮັບໄຊຊະນະຮ່ວມກັນ. ພວກເຮົາຈະນໍາເອົາໂຕປະກັນຂອງພວກເຮົາຄືນມາ ທີ່ຢູ່ໃນພາກໃຕ້. ພວກເຮົາຈະນໍາເອົາຊາວເມືອງຂອງພວກເຮົາກັບຄືນໄປພາກເຫນືອ. ພວກເຮົາຈະຮັບປະກັນຄວາມເປັນອໍາມະຕະ ຫຼື (Netzah) ຂອງອິສຣາແອລ.”
ລູກສອນໄຟຂີປະນາວຸດ ທີ່ແນມເຫັນເທິງທ້ອງຟ້າ ລຸນຫຼັງ ອີຣ່ານ ລະດົມຍິງລູກສອນໄຟຂີປະນາວຸດອອກໄປ, ທ່າມກາງການຕໍ່ສູ້ຂ້າມຊາຍແດນລະຫວ່າງ ກຸ່ມຫົວຮຸນແຮງເຮັສໂບລລາ ແລະ ອິສຣາແອລ, ເຊິ່ມແນມເຫັນໄດ້ໃນຂົງເຂດ ເທລ ອວີບ, ອິສຣາແອລ, ວັນທີ 1 ຕຸລາ 2024.
ຄວາມເຄັ່ງຕຶງ ໄດ້ເພີ້ມທະວີຂຶ້ນຢ່າງຮຸນແຮງໃນບໍລິເວນພາກພື້ນ ນັບຕັ້ງແຕ່ຕອນແລງຂອງວັນອັງຄານແລ້ວນີ້, ເມື່ອ ອີຣ່ານ ໄດ້ຍິງລູກສອນໄຟຂີປະນາວຸດປະມານ 200 ລູກ ໃສ່ ອິສຣາແອລ ແບບບໍ່ເຄີຍມີມາກ່ອນ.
ອີຣ່ານ ໄດ້ທຳການໂຈມຕີໃນວັນຂຶ້ນປີໃໝ່ຂອງຊາວຢິວ ເພື່ອຕອບໂຕ້ ຕໍ່ການໂຈມຕີທີ່ປະສົບຜົນສໍາເລັດຂອງອິສຣາແອລ ຕໍ່ບັນດາໂຕແທນຂອງຕົນ, ໃນນັ້ນລວມມີ ການລອບສັງຫານຜູ້ນຳກຸ່ມຮາມາສຊາວປາແລັສໄຕນ໌ ທ່ານ ອິສເມລ ຮານີເຢ ຢູນະຄອນຫຼວງເຕຫະຣ່ານ ໃນເດືອນກໍລະກົດທີ່ຜ່ານມາ ແລະ ຜູ້ນຳຂອງກຸ່ມກົວຮຸນແຮງເຮັສໂບລລາຊາວເລບານອນ ທ່ານ ຮັສຊານ ນາສຣາລລາ ຢູ່ນະຄອນຫຼວງເບຣຸດ ໃນອາທິດທີ່ຜ່ານ.
ອ່ານຂ່າວດ້ານລຸ່ມນີ້ເປັນພາສາອັງກິດ
Lebanese health officials said Thursday an Israeli airstrike hit an apartment building in Beirut, killing at least six people and wounding seven others.
The Israeli military said it was conducting operations targeting Beirut, continuing attacks it says are aimed at the Hezbollah militant group.
Israel announced Wednesday the death of eight of its soldiers who were killed in fighting with Hezbollah in southern Lebanon, a day after it started what it says is a “limited” ground operation to destroy militant infrastructure there.
“We are in the midst of a tough war against Iran’s axis of evil that is seeking to destroy us,” Israeli Prime Minister Benjamin Netanyahu said in a video message offering his condolences. “It won’t happen, for we’ll stand together. And with God’s help, we’ll win together. We’ll return our hostages in the south. We’ll bring back our residents to the north. We will ensure Netzah [the eternity of] Israel."
Tensions have dramatically escalated in the region since late Tuesday, when Iran unleashed an unprecedented barrage of around 200 ballistic missiles aimed at Israel.
Iran conducted the attack on the eve of the Jewish New Year in retaliation for a series of successful Israeli attacks on its proxies, including the assassinations of Palestinian Hamas leader Ismail Haniyeh in Tehran in July and the head of Lebanese Hezbollah Hassan Nasrallah in Beirut last week.