ເບິ່ງຄືວ່າ ບໍ່ມີຂອບເຂດເລີຍຕໍ່ຄວາມໂປດຮ້າຍປ່າເຖື່ອນ ທີ່ພວກ
ນັບຖືສາສະໜາອິສລາມຫົວຮຸນແຮງຈັດ ກໍ່ຂຶ້ນ ໃນຄວາມຕັ້ງໃຈ
ຂອງພວກເຂົາ ທີ່ຈະສ້າງໂລກໜຶ່ງຂຶ້ນມາ ໂດຍອິງຕາມການຕີ
ຄວາມໝາຍສາສະໜາອິສລາມຂອງພວກເຂົາເອງນັ້ນ. ໃນຂະນະ
ທີ່ພວກຫົວຮຸນແຮງຂອງກຸ່ມ ອິສລາມສືບຕໍ່ໄປບົນເສ້ນທາງ ສ້າງ
ຄວາມເສຍຫາຍຂອງພວກເຂົານັ້ນ ບັນດາຊ່ຽວຊານກ່າວວ່າ ພວກ
ເຂົາກໍແມ່ນພ້ອມແລ້ວທີ່ຈະທຳລາຍທຸກໆຄົນ ຫລືທຸກໆສິ່ງ ທີ່ບໍ່ຖືກ
ຕ້ອງກັບທັດສະນະວິໄສຂອງພວກເຂົາ. ຜູ້ສື່ຂ່າວວີໂອເອ Zlatica
Hoke ມີລາຍງານກ່ຽວກັບເລື້ອງນີ້ ຊຶ່ງດາຣາຈະນຳມາສະເໜີທ່ານ.
Your browser doesn’t support HTML5
ຟັງລາຍງານ ກ່ຽວກັບຄວາມໂຫດຮ້າຍ ຂອງພວກລັດອິສລາມ
ເມື່ອວັນພະຫັດຜ່ານມານີ້ ກຸ່ມລັດອິສລາມໄດ້ເປີດເຜີຍຮູບເງົາວີດີໂອອັນໜຶ່ງ ທີ່ສະແດງໃຫ້
ເຫັນພວກຫົວຮຸນແຮງສ້າງຄວາມເສຍຫາຍແລະ ທຳລາຍຮູບປັ້ນໂບຮານ ແລະສິ່ງປະດິດ
ອັນເກົ່າແກ່ຕ່າງໆ ຢູ່ໃນເມືອງ ໂມຊູລ ທາງພາກເໜືອຂອງອິຣັກ ຊຶ່ງຜົນງານບາງອັນແມ່ນ
ເກົ່າແກ່ຫລາຍກ່ວາ 2 ພັນປີ ແລະມີຄຸນຄ່າທີ່ຄຳນວນບໍ່ໄດ້ເລີຍ.
ຊາຍຄົນໜຶ່ງຢູ່ໃນວີດີໂອ ຍາວ 5 ນາທີນັ້ນ ກ່າວວ່າ ຮູບປັ້ນເຫລົ່ານັ້ນຖືກທຳລາຍ ກໍເພາະ
ວ່າ ມັນເປັນສິ່ງບູຊາທາງສາສະນາຂອງຊາວ ອັສຊີຣຽນ ແລະຊາວອາເຄດຽນ ຊຶ່ງເປັນພວກຊົນຊາດເກົ່າແກ່ ທີ່ບໍ່ນັບຖືພະເຈົ້າອົງດຽວ. ຜູ້ກ່ຽວເວົ້າວ່າ ພະສາສະດາຈານໂມຮຳເມັດໄດ້
ມີຄຳສັ່ງໃຫ້ ທຳລາຍສັນຍາລັກທາງສາສະໜາແບບນັ້ນທັງໝົດ.
ແຫລ່ງທຶນຂອງພວກກຸ່ມລັດອິສລາມ (ຄລິກເພື່ອຂະຫຍາບພາບໃຫ້ໃຫຍ່)
ກຸ່ມລັດອິສລາມແມ່ນນັບຖືສາສະໜາອິສລາມນິກາຍຊຸນນີ ທີ່ເຄັ່ງ
ຄັດ ແລະບໍ່ໂຍະຍານຜ່ອນຜັນຕໍ່ອັນທີ່ພວກເຂົາເຫັນວ່າ ເປັນການ
ຫັນເຫອອກໄປຈາກຄຳພິ ຄໍຣານ. ພວກເຂົາໄດ້ທຳລາຍສະຖານທີ່
ສັກສິດຫລາຍໆແຫ່ງຂອງຊາວ ມຸສລິມ ນິກາຍ Shiite ແລະ Sufi
ຕະຫລອດທັງວັດຂອງຊາວຄຣິສຢູ່ໃນຫລາຍໆເຂດຂອງອີຣັກແລະ
ຊີເຣຍ ທີ່ຢູ່ພາຍໃຕ້ການຄວບຄຸມຂອງພວກເຂົານັ້ນ.
ແຕ່ວ່າ ມັນແມ່ນການທຳລາຍຊີວິດຂອງມະນຸດ ທີ່ເຮັດໃຫ້ໂລກເປັນຫ່ວງ ຫລາຍກ່ວາການ
ທັບມ້າງທຳລາຍວັດຖຸ. ພວກຫົວຮຸນແຮງລັດອິສລາມ ໄດ້ນຳອອກເຜີຍແຜ່ໃຫ້ໂລກໄດ້ເຫັນ
ມາແລ້ວ ວີດີໂອທີ່ໜ້າຂະຫຍະຂະແຫຍງແລະສະຢອງຂວັນ ຂອງການປຸກລະດົມກໍ່ການຮ້າຍຂອງພວກເຂົາ ຊຶ່ງມີໂຮມທັງການຕັດຄໍຜູ້ຄົນທີ່ຖືກພວກເຂົາຈັບໄປ.
ເອກອັກຄະລັດຖະທູດສະຫະລັດ ສຳຫລັບເສລີພາບດ້ານສາສະໜາສາກົນ ທ່ານ David Saperstein ບອກກັບໂທລະພາບ Alhurra ວ່າ ພວກ ISIL ຊຶ່ງເປັນອີກຊື່ໜຶ່ງຂອງກຸ່ມ
ລັດອິສລາມ Islamic State ຫລື IS ນັ້ນ ກຳລັງທຳລາຍຫລາກຫລາຍປະຊາຄົມ ທີ່ເຄີຍ
ໄດ້ດຳລົງຢູ່ຄຽງຂ້າງກັນມາ ຢ່າງສະຫງົບສຸກແລະດ້ວຍຄວາມເຄົາລົບນັບຖືຊຶ່ງກັນແລະກັນ
ແຕ່ໃດໆມາ ຢູ່ໃນອີຣັກແລະຊີເຣຍນັ້ນ.
ທ່ານ Saperstein ກ່າວວ່າ “ພວກເຂົາຕ້ອງການບັງຄັບໃຫ້ທຸກໆຄົນ ນັບຖືແລະ
ປະຕິບັດ ທັດສະນະອັນເຄັ່ງຄັດແລະຮຸນແຮງຈັດຂອງສາສະໜາອິສລາມ ແລະ
ພວກເຂົາກຽມພ້ອມທີ່ຈະຂັບໄລ່ອອກໄປ ຫລືບໍ່ກໍສັງ ຫານພວກທີ່ບໍ່ເຫັນພ້ອມ
ນຳພວກເຂົາ.”
ວີດີໂອ: ການທຳລາຍວັດຖຸໂບຮານຂອງເມືອງໂມຊູລ ສ້າງຄວາມຕົກໃຈໃຫ້ແກ່ບັນດາ ນັກໂບຮານນະຄະດີ:
Your browser doesn’t support HTML5
Destruction of Iraq Artifacts Shocks Archaeologists
ພວກຊາວມຸສລິມ ທີ່ມີແນວຄິດທີ່ແຕກຕ່າງໄປ ແມ່ນບໍ່ໄດ້ຮັບການຍົກເວ້ນຈາກການກະທຳ
ອັນໂຫດຮ້າຍປ່າເຖື່ອນຂອງພວກເຂົາເລີຍ. ພວກເເມ່ຍິງກັບເດັກນ້ອຍກໍເຊັ່ນກັນ. ທ່ານນາງ Renate Winter ຈາກຄະນະກຳມະການສິດທິຂອງເດັກ ຂອງອົງການສະຫະປະຊາຊາດ
ກ່າວວ່າ:
"ຢູ່ໃນຫລາຍໆບ່ອນ ທີ່ພວກ ISIL ມີອຳນາດແຂງແຮງນັ້ນ ພວກເຂົາໄດ້ຈັບ
ພວກເດັກນ້ອຍຂອງບັນດາຊົນເຜົ່ານ້ອຍໄປ ແລ້ວກໍເອົາໄປຂາຍຢູ່ໃນຕະຫລາດ
ໂດຍມີປ້າຍລາຄາຕິດຢູ່ ແລະຂາຍພວກເດັກນ້ອຍເຫລົ່ານັ້ນ ໃຫ້ເປັນຂ້າທາດ.”
ອົງການສະຫະປະຊາຊາດລາຍງານວ່າ ພວກເດັກນ້ອຍທີ່ຖືກກຸ່ມລັດອິສລາມຈັບໄປນັ້ນ
ປະເຊີນກັບຊະຕາກຳທີ່ໂຫດຮ້າຍ. ທ່ານນາງ Winter ກ່າວວ່າ:
“ພວກເຮົາໄດ້ຮັບລາຍງານມາວ່າ ພວກເດັກນ້ອຍທີ່ຖືກຈັບໄປ ໂດຍສະເພາະ
ພວກເດັກນ້ອຍ ທີ່ມີບັນຫາທາງດ້ານສະໝອງນັ້ນ ໄດ້ຖືກໃຊ້ໃຫ້ທຳການໂຈມຕີ
ສະຫລະຊີບດ້ວຍລະເບີດ ຊຶ່ງສ່ວນໃຫຍ່ແລ້ວ ພວກເຂົາກໍຄົງຈະບໍ່ເຂົ້າໃຈຫຍັງ.
ມີວີດີໂອ ທີ່ສະແດງໃຫ້ເຫັນເດັກນ້ອຍ ທີ່ອາຍຸຍັງນ້ອຍຫລາຍ ປະມານ 8 ປີນີ່
ແຫລະ ແລະນ້ອຍກ່ວານັ້ນກໍມີ ທີ່ໄດ້ຮັບການເຝິກແອບໃຫ້ເປັນທະຫານເດັກ.”
ເຖິງປານນັ້ນ ການໂຄສະນາຊວນເຊື່ອຂອງພວກອິສລາມຫົວຮຸນແຮງຈັດ ກໍຍັງດຶງດູດຄວາມ
ສົນໃຈຂອງເຍົາວະຊົນມຸສລິມບາງຄົນ ຢູ່ໃນທົ່ວໂລກ.
ໃນຂະນະທີ່ຫລາຍໆລັດຖະບານ ພາກັນເຮັດວຽກເພື່ອປ້ອງກັນບໍ່ໃຫ້ປະຊາຊົນຂອງຕົນ ເດີນທາງໄປຍັງຊີເຣຍ ເພື່ອໄປເຂົ້າຮ່ວມກັບພວກກຸ່ມອິສລາມນັ້ນ ຫລາຍໆຄົນກໍພາກັນຮຽກຮ້ອງ ໃຫ້ມີການດຳເນີນຄວາມພະຍາຍາມຫລາຍຂຶ້ນ ເພື່ອຕໍ່ສູ້ກັບການຫັນປ່ຽນຜູ້ຄົນ
ໃຫ້ກາຍເປັນຄົນຫົວຮຸນແຮງນັ້ນ.
ສະຫະລັດວ່າ ພວກ IS ຍັງເປັນໄພຂົ່ມຂູ່ທີ່ໜ້າຢ້ານກົວຢູ່:
Your browser doesn’t support HTML5
US: IS Losing Ground, Remains 'Formidable'