ບັນດາເຈົ້າໜ້ທີ່ອິຣັກກ່າວວ່າ ຢ່າງນ້ອຍພວກໄປສະ
ແຫວງບຸນອິຣ່ານ 7 ຄົນເສຍຊີວິດແລະບາດເຈັບຢ່າງ
ນ້ອຍ 26 ຄົນຈາກການໂຈມຕີດ້ວຍລະເບີດສອງບັ້ນ
ຢູ່ຄົນລະບ່ອນໃນນະຄອນຫລວງແບກແດ໊ດ.
ບັນດາເຈົ້າໜ້າທີ່ກະຊວງພາຍໃນກ່າວວ່າ ການວາງລະເບີດ
ໃນ ລົດບ່ອນນຶ່ງແລະການວາງວັດຖຸລະເບີດໃສ່ໃນອີກບ່ອນ
ນຶ່ງໄດ້ລະເບີດຂຶ້ນໃນວັນເສົາມື້ນີ້ ຢູ່ໃກ້ໆກັບເຮືອນຫລັງນຶ່ງທີ່ພວກສະແຫວງບຸນອິຣ່ານ
ໃຊ້ເປັນບ່ອນພັກຜ່ອນໃນຄຸ້ມ Kadhamiya ໃນກຸງແບກແດ໊ດ ຊຶ່ງໄດ້ເອົາຊີວິດຜູ້ຄົນໄປ
5 ຄົນແລະໄດ້ຮັບບາດເຈັບຢ່າງນ້ອຍ 18 ຄົນ.
ໃນການໂຈມຕີບັ້ນທີສອງນັ້ນ ບັນດາເຈົ້າໜ້າທີ່ກ່າວວ່າ ລົດຄັນນຶ່ງທີ່ບັນຈຸລະເບີດໄດ້ແລ່ນ
ເຂົ້າຕໍາລົດບັສຄັນນຶ່ງຂອງຊາວອິຣ່ານໃນຄຸ້ມ Shula ໃນນະຄອນຫລວງນັ້ນ ເຮັດໃຫ້
ພວກຊາວອິຣ່ານ 2 ຄົນເສຍຊີວິດແລະບາດເຈັບຕື່ມອີກຢ່າງນ້ອຍ 8 ຄົນ.
ຊາວມຸສລິມອິຣ່ານ ແລະພວກມຸສລິມນິກາຍ Shi’ite ຫລາຍຄົນຈາກປະເທດຕ່າງໆໄດ້ພາ
ກັນມາເຕົ້າໂຮມກັນຢູ່ທີ່ອິຣັກໃນແຕ່ລະປີ ເພື່ອທໍາການຢ້ຽມຢາມປູສະນີຍະສະຖານຂອງນິ
ກາຍ Shi’ite ແຫ່ງຕ່າງໆໃນອິຣັກນັ້ນ.