ສະພານິຕິບັນຍັດຂອງອີຣັກ ໄດ້ຮັບຮອງເອົາຜູ້ທີ່ຖືກແຕ່ງຕັ້ງໃຫ້
ດຳລົງຕຳແໜ່ງດ້ານຄວາມປອດໄພທີ່ສຳຄັນທີ່ສຸດ ຄື ລັດຖະມົນ
ຕີປ້ອງກັນປະເທດ ແລະລັດຖະມົນຕີພາຍໃນ ຂອງຄະນະລັດຖະ
ບານນາຍົກລັດ ຖະມົນຕີ Haider Al-Abadi ຊຶ່ງເປັນການເສັດ
ສິ້ນການປະກອບຄະນະລັດຖະບານໃໝ່ ທ່າມກາງການຕໍ່ສູ້ກັບ
ກຸ່ມລັດອິສລາມນັ້ນ.
ສະພາແຫ່ງຊາດໄດ້ລົງມະຕິໃນວັນເສົາວານນີ້ ຮັບເອົາທ່ານ
Khaled al-Obeidi ສະມາຊິກສະພາເຜົ່າຊຸນນີຈາກເມືອງ
Mosul ໃນພາກເໜືອຂອງອີຣັກ ໃຫ້ເປັນລັດຖະມົນຕີປ້ອງກັນ
ປະເທດຄົນໃໝ່ ແລະທ່ານ Mohammed al-Ghabban ສະມາຊິກສະພາເຜົ່າ Shi’ite ຈາກກຸ່ມການເມືອງທີ່ມີອຳນາດກຸ່ມນຶ່ງ ໄດ້ຖືກເລືອກໃຫ້ເປັນລັດຖະມົນຕີພາຍໃນ.
ລັດຖະມົນຕີການຕ່າງປະເທດສະຫະລັດ ທ່ານ John Kerry ເອີ້ນການເລືອກຕັ້ງສອງລັດຖະມົນຕີ ດ້ານຄວາມປອດໄພທີ່ມີອຳນາດຫຼາຍທີ່ສຸດນີ້ ເປັນ “ບາດກ້າວໄປຂ້າງ
ໜ້າໃນທາງບວກ” ໃນການຕໍ່ສູ້ກັບກຸ່ມລັດອິສລາມນັ້ນ.
ທ່ານ Joe Biden ຮອງປະທານາທິບໍດີສະຫະລັດ ໄດ້ໂອ້ລົມທາງໂທລະສັບໃນວັນເສົາວານນີ້ ກັບນາຍົກລັດຖະມົນຕີ Al-Abadi ແລະໄດ້ກ່າວຊົມເຊີຍທ່ານ ກ່ຽວກັບພວກລັດຖະມົນຕີໃໝ່ນີ້.
ທ່ານ Biden ກ່ວວ່າ “ບັດນີ້ ອີຣັກມີພວກລັດຖະມົນຕີຮັກສາຄວາມປອດໄພແຫ່ງ
ຊາດຢ່າງຄົບຊຸດ ທີ່ໄດ້ຮັບອະນຸມັດຈາກສະພາຜູ້ແທນແຫ່ງຊາດ ເປັນເທື່ອທຳອິດ
ນັບແຕ່ປີ 2010 ເປັນຕົ້ນມາ.”
Your browser doesn’t support HTML5
iraq19october14