ທ່ານ Nouri al-Maliki ນາຍົກລັດຖະມົນຕີອີຣັກ ໄດ້ຮຽກຮ້ອງໃຫ້ພວກເຈົ້າໜ້າທີ່ຊາວ
ເຄີດ ມອບຕົວທ່ານ Tariq al-Hashemi ຮອງປະທານາທິບໍດີ ອີຣັກ ຊຶ່ງເປັນຜູ້ທີ່ລັດ
ຖະບານຕ້ອງການຕົວ ໃນຂໍ້ຫາວ່າໄດ້ວາງແຜນລອບສັງຫານພວກເຈົ້າໜ້າທີ່ລັດຖະບານ
ຄົນອື່ນໆ.
ທ່ານ Maliki ໄດ້ຮ້ອງຂໍໃນກອງປະຊຸມນັກຂ່າວໃນວັນພຸດມື້ນີ້ ທີ່ນະຄອນຫລວງແບກແດດ
ວ່າ ທ່ານ Hashemi ຈະຕ້ອງໄດ້ຮັບໂທດຕາມກົດໝາຍ.
ສ່ວນທ່ານ Hashemi ທີ່ນັບຖືສາສະໜາອິສລາມນິກາຍຊຸນນີນັ້ນ ໄດ້ປະຕິເສດຕໍ່ການກ່າວ
ຫາຂອງລັດຖະບານອີຣັກ ທີ່ນໍາພາໂດຍພວກນັບຖືສາສະໜາອິສລາມນິກາຍ Shi’ite ນັ້ນ
ໂດຍເວົ້າວ່າ ການກ່າວຫານັ້ນ ແມ່ນມີຂຶ້ນຍ້ອນເຫດຜົນທາງການເມືອງ.
ໂຄສົກກະຊວງພາຍໃນເວົ້າວ່າ ຜູ້ອາລັກຂາຂອງທ່ານ Hashemi ສາມຄົນໄດ້ສາລະພາບ
ວ່າພວກເຂົາເຈົ້າໄດ້ວາງລະເບີດໃສ່ພວກເຈົ້າໜ້າທີ່ລັດຖະບານ ແລະເຈົ້າໜ້າທີ່ຮັກສາຄວາມ
ປອດໄພອື່ນໆ ໂດຍໄດ້ຮັບການອະນຸມັດຈາກທ່ານ Hashemi.
ການກ່າວຫາກ່ຽວກັບການວາງແຜນທີ່ວ່ານີ້ແລະການຮຽກຮ້ອງໃນສັບປະດາ ແລ້ວໂດຍທ່ານ
Maliki ເພື່ອໃຫ້ມີການລົງມະຕິບໍ່ໄວ້ວາງໃຈຢູ່ໃນສະພາແຫ່ງ ຊາດຕໍ່ຮອງນາຍົກລັດຖະມົນຕີ
Saleh al-Mutlag ຊຶ່ງເປັນນັກການເມືອງ ຊຸນນີ່ອີກຄົນນຶ່ງນັ້ນໄດ້ເພີ່ມ ທະວີຄວາມເຄັ່ງຕຶງ
ທາງດ້ານການເມືອງຢູ່ໃນອີຣັກ.
ໃນວັນອັງຄານວານນີ້ ຮອງປະທານາທິບໍດີສະຫະລັດທ່ານ Joe Biden ໄດ້ຮຽກຮ້ອງໃຫ້ຜູ້
ນໍາໃນລັດຖະບານອີຣັກ ແກ້ໄຂຄວາມຄິດເຫັນແຕກຕ່າງກັນທາງການເມືອງຂອງພວກເຂົາເຈົ້າ.